ಮಕ್ಕಳ ಸುರಕ್ಷತೆಗಾಗಿ ಕಾರಿನಲ್ಲಿ ವಿಶೇಷ ಆಸನ ವ್ಯವಸ್ಥೆ

ಚಿತ್ರದಲ್ಲಿ ನೀವು ನೋಡುತ್ತಿರುವಂತೆಯೇ ಮಕ್ಕಳ ವಿಶೇಷ ಆಸನವು, ಬದಲಾಯಿಸಬಹುದಾದ ಸೀಟು ಆಗಿದ್ದು, ಗರಿಷ್ಠ ಸುರಕ್ಷಾ ಮಾನದಂಡಗಳನ್ನು ಹೊಂದಿರುತ್ತದೆ.

ಇದನ್ನು ಸಾಮಾನ್ಯ ಸೀಟುಗಳ ಜಾಗದಲ್ಲಿ ಅಥವಾ ಅದರ ಮೇಲ್ಗಡೆಯಾಗಿ ಆಳವಡಿಸಬಹುದಾಗಿದೆ.

ಪ್ರಸ್ತುತ ಸೀಟು ಹಲವು ವಿಧದ ಆಕಾರಗಳನ್ನು ಹೊಂದಿದ್ದು, ತೂಕದಲ್ಲಿ ವ್ಯತ್ಯಯ ಹೊಂದಿರುತ್ತದೆ. ಇದನ್ನು ಮಕ್ಕಳ ವಯಸ್ಸಿಗೆ ಅನುಗುಣವಾಗಿ ಹೆತ್ತವರು ಖರೀಸಬಹುದಾಗಿದೆ.

ಚೈಲ್ಡ್ ರಿಸ್ಟ್ರೈಂಟ್ ಸಿಸ್ಟಂ ಸಾಮಾನ್ಯ ಸೀಟು ಬೆಲ್ಟ್‌ಗಿಂತಲೂ ಭಿನ್ನವಾಗಿರುತ್ತದೆ. ಅಂತೆಯೇ ಅಕ್ಟೋಬರ್ ಬಳಿಕ ಮಾರಾಟವಾಗುವ ಕಾರುಗಳಲ್ಲಿ ಇದನ್ನು ಲಗತ್ತಿಸುವ ನಿಟ್ಟಿನಲ್ಲಿ ಕಡಿಮೆ ಪಕ್ಷ ಒಂದಾದರೂ ಐಎಸ್‌ಒ‌ಫಿಕ್ಸ್ ವ್ಯವಸ್ಥೆ ಹೊಂದಿರಬೇಕಾಗಿದೆ.

ಮುಂಭಾಗದ ಸೀಟಿನಲ್ಲಿ ಏರ್ ಬ್ಯಾಗ್ ಸೌಲಭ್ಯವಿರುವುದರಿಂದ ಅಂತೆಯೇ ಮಕ್ಕಳಿಗೆ ಇದು ಹೆಚ್ಚು ಮಾರಕವಾಗಿರುವುದರಿಂದ ವಾಹನ ತಯಾರಕರು ಹಿಂದುಗಡೆ ಸೀಟಿನಲ್ಲಿ ಮಕ್ಕಳಿಗಾಗಿ ಚೈಲ್ಡ್ ರಿಸ್ಟ್ರೈಂಟ್ ಸಿಸ್ಟಂ ಸೌಲಭ್ಯ ಒದಗಿಸುವ ಸಾಧ್ಯತೆಯಿದೆ.