ಹ್ಯುಂಡೈ ಅತ್ಯಾಕರ್ಷಕ ಸ್ಪೋರ್ಟ್ಸ್ ಕಾರು ಲಾಂಚ್

ಇತರ ಸ್ಪರ್ಧಿಗಳಂತೆ ಹ್ಯುಂಡೈ ಸಹ ಪರಿಷ್ಕೃತ ಐ20 ರೇಸ್ ಕಾರನ್ನು ಅಭಿವೃದ್ಧಿಗೊಳಿಸಿದೆ. ಇದು ಶೆಲ್ ವರ್ಲ್ಡ್ ರಾಲಿ ತಂಡವೆಂದು ಹೆಸರಿಸಿಕೊಳ್ಳಲಿದೆ.

ಭಾರತದಲ್ಲಿ ತಯಾರುಗೊಂಡ ಹ್ಯುಂಡೈ ಐ20 ಕಾರುಗಳು ಬಳಿಕ ಜರ್ಮನಿಯಲ್ಲಿ ರೇಸಿಂಗ್ ಸ್ಪರ್ಶ ಪಡೆಯಲಿದೆ. ಇದರಲ್ಲಿ ಡಬ್ಲ್ಯುಆರ್‌ಸಿ ರೇಸಿಂಗ್ ಮೆಷಿನ್ ಆಳವಡಿಸಿಕೊಳ್ಳಲಾಗುತ್ತದೆ.

ಮೊಂಟೆಕಾರ್ಲೊದಲ್ಲಿ ನಡೆಯಲಿರುವ 2014 ಎಫ್‌ಐಎ ವರ್ಲ್ಡ್ ರಾಲಿ ಚಾಂಪಿಯನ್‌ಶಿಪ್‌ನಲ್ಲಿ ಭಾಗವಹಿಸಲಿದೆ.

ಮುಂಚೂಣಿಯ ಚಾಲಕ ಡ್ಯಾನಿ ಸೊರ್ಡೊ ತಂಡದ ಚಾಲನೆಯನ್ನು ಮುನ್ನಡೆಸಲಿದ್ದಾರೆ. ಇವರಿಗೆ ಥೆರ್ರಿ ನ್ಯೂವಿಲ್ಲೆ ಸಾಥ್ ನೀಡಲಿದ್ದಾರೆ.

ವಿಶೇಷವೆಂದರೆ ಒಂದು ವರ್ಷದ ಅವಧಿಯೊಳಗೆ ಹ್ಯುಂಡೈ ಐ20 ಡಬ್ಲ್ಯುಆರ್‌ಸಿ ತಂಡವನ್ನು ಬಿಡುಗಡೆಗೊಳಿಸಲಾಗಿದೆ.

ಇನ್ನು ಮುಂದಿನ ದಿನಗಳಲ್ಲಿ ಮೋಟಾರು ಸ್ಪೋರ್ಟ್ಸ್ ವಿಭಾಗದಲ್ಲಿ ಹ್ಯುಂಡೈ ಹೊಸ ಶಕ್ತಿಯಾಗಿ ಬೆಳೆಯಲಿದೆ. ಇದಕ್ಕೆಲ್ಲ ಐ20 ಸ್ಪೋರ್ಟ್ಸ್ ಕಾರು ಸಾಕ್ಷಿಯಾಗಲಿದೆ.

ಅಷ್ಟೇ ಯಾಕೆ ಐ20 ಡಬ್ಲ್ಯುಆರ್‌ಸಿ ಸ್ಪೋರ್ಟ್ಸ್ ನಿರ್ಮಾಣ ಮಾಡುವ ವಿಭಾಗಕ್ಕೆ ಹ್ಯುಂಡೈ ಹೆಸರೊಂದನ್ನು ಇರಿಸಿದೆ. ಇದು 'ಎನ್' ಎಂದು ಹೆಸರಿಸಿಕೊಳ್ಳಲಿದೆ.

ಇಲ್ಲಿ ಎನ್ ಎಂಬುದು ನಾಮ್ಯಾಂಗ್ ಎಂಬುದನ್ನು ಉಲ್ಲೇಖಿಸುತ್ತದೆ. ಇದು ದಕ್ಷಿಣ ಕೊರಿಯಾದ ಹ್ಯುಂಡೈ ಆರ್ ಆಂಡ್ ಡಿ ಸೆಂಟರ್ ಹೆಸರಾಗಿದೆ.

ಒಟ್ಟಿನಲ್ಲಿ ಹ್ಯುಂಡೈ ಗರಿಷ್ಠ ನಿರ್ವಹಣೆಯ ಕಾರುಗಳನ್ನು ಸಂಕೇತ ಮಾಡಲು ಹ್ಯುಂಡೈ ಎನ್ ಬಳಕೆಯಾಗಲಿದೆ. ಇದು ಗ್ರಾಹಕರಿಗೆ ನೂತನ ಅನುಭವ ನೀಡಲಿದೆ.