ದೆಹಲಿಯಲ್ಲಿ ಮಿನುಗಿದ ಜಾಗ್ವಾರ್ ಪ್ರಪ್ರಥಮ ಎಸ್‌ಯುವಿ

ಇಲ್ಲಿ ಕಂಡುಬಂದಿರುವ ವಿಶೇಷ ಅಂಶವೆಂದರೆ ಜಾಗ್ವಾರ್ ಸಿ-ಎಕ್ಸ್17 ಕ್ರಾಸೋವರ್ ಕಾರು ಚಿನ್ನದ ಬಣ್ಣದ ಲೇಪನದೊಂದಿಗೆ ಅತ್ಯಾಕರ್ಷಕವಾಗಿ ಗೋಚರಿಸುತ್ತಿದೆ.

ಜಾಗ್ವಾರ್ ಪಾಲಿಗೆ ಸಿಎಕ್ಸ್17 ಅತ್ಯಂತ ಹೆಚ್ಚು ಪ್ರಾಮುಖ್ಯತೆ ಪಡೆದ ಮಾದರಿಯೆನಿಸಲಿದೆ. ಜಾಗ್ವಾರ್ ಭವಿಷ್ಯದ ಕಾರುಗಳ ವಿನ್ಯಾಸದಡಿಯಲ್ಲಿ ಇದನ್ನು ರಚಿಸಲಾಗಿದೆ.

ಅಲ್ಯೂಮಿನಿಯಂ ಪರಿಕರ ಬಳಸುವ ಮೂಲಕ ಕಾರಿನ ಭಾರ ಕಡಿಮೆ ಮಾಡುವ ಪ್ರಯತ್ನ ಮಾಡಲಾಗಿದೆ. ಇದರ ನಿರ್ಮಾಣ ವರ್ಷನ್ 2015 ಅಥವಾ 2016ರಲ್ಲಿ ಆಗಮನವಾಗುವ ಸಾಧ್ಯತೆಯಿದೆ.

ಭಾರತ ಸೇರಿದಂತೆ ಜಾಗತಿಕ ಮಾರುಕಟ್ಟೆಗೂ ಇದರ ಪರಿಚಯವಾಗಲಿದೆ. ಇದರಲ್ಲಿ ಕಂಪನಿಯು ಹೊಸತಾದ ಫೋರ್ ಸಿಲಿಂಡರ್ ಪೆಟ್ರೋಲ್ ಹಾಗೂ ಡೀಸೆಲ್ ಎಂಜಿನ್ ಆಳವಡಿಸಲಿದೆ.

ಹಾಗಿದ್ದರೂ ಇಂಧನ ಕ್ಷಮತೆ ಹಾಗೂ ನಿರ್ವಹಣೆ ವಿಚಾರದಲ್ಲಿ ಯಾವುದೇ ರಾಜಿಗೂ ಕಂಪನಿ ತಯಾರಾಗಿಲ್ಲ.

ಈ ಐದು ಸೀಟುಗಳ ಕ್ರಾಸೋವರ್ ಕಾನ್ಸೆಪ್ಟ್ ಕಾರಿನಲ್ಲಿ ಮಲ್ಟಿ ಸ್ಕ್ರೀನ್ ಮಾಹಿತಿ ಮನರಂಜನಾ ವ್ಯವಸ್ಥೆಯಿದ್ದು, ಇದನ್ನು ವೈಫೈ ಜತೆ ಸಂಪರ್ಕಿಸುವ ಮೂಲಕ ಪ್ರಯಾಣಿಕರಿಗೆ ಹೊರ ಜಗತ್ತಿನ ಜತೆಯೂ ಸಂಪರ್ಕ ಸಾಧಿಸಬಹುದಾಗಿದೆ. ಇದರಲ್ಲಿ ಆಲ್ಟ್ರಾ ಪ್ರೀಮಿಯಂ ಮೆರಿಡಿಯನ್ ಆಡಿಯೋ ಸಿಸ್ಟಂ ಸಹ ಪ್ರದರ್ಶಿಸಲಾಗಿದೆ.

ಇದರಲ್ಲಿರುವ ರಿಯರ್ ಎಕ್ಸಿಟ್ ಡಿಟೆಕ್ಷನ್ ಫೀಚರ್, ಬಾಗಿಲು ತೆರೆಯುವ ವೇಳೆ ಬ್ಲೈಂಡ್ ಸ್ಪಾಟ್‌ಗಳಿದ್ದಲ್ಲಿ ಮಾಹಿತಿ ಒದಗಿಸಲಿದೆ.

ಒಟ್ಟಾರೆಯಾಗಿ ಜಾಗ್ವಾರ್ ಸಿ-ಎಕ್ಸ್17 4718 ಎಂಎಂ ಉದ್ದ, 1959 ಎಂಎಂ ಅಗಲ ಮತ್ತು 1649 ಎಂಎಂ ಎತ್ತರ ಹೊಂದಿರಲಿದೆ. ಹಾಗೆಯೇ 2905 ಎಂಎಂ ವೀಲ್ ಬೇಸ್ ಹಾಗೂ 213 ಎಂಎಂ ಗ್ರೌಂಡ್ ಕ್ಲಿಯರನ್ಸ್ ಸಹ ಪಡೆದಿದೆ.