Click it and Unblock the Notifications
ಇನ್ನು ಮುಂದೆ ಕಾರಲ್ಲೇ ಯೋಗಾಸನ ಅಭ್ಯಸಿಸಿ!
ನೀವು ಯೋಗಾಸನ ಪ್ರೇಮಿಯೇ? ದೂರ ಪ್ರಯಾಣದ ವೇಳೆ ಯೋಗಾಸನ ಆಚರಿಸಲು ಸಾಧ್ಯವಾಗುತ್ತಿಲ್ಲವೇ? ಚಿಂತೆ ಬೇಡ ಇನ್ನು ಮುಂದೆ ನಿಮ್ಮ ಈ ಸಮಸ್ಯೆಗೂ ಪರಿಹಾರ ದೊರಕಲಿದೆ. ದೇಶದ ಮುಂಚೂಣಿಯ ವಾಹನ ತಯಾರಕ ಸಂಸ್ಥೆಗಳಲ್ಲಿ ಒಂದಾಗಿರುವ ಮಹೀಂದ್ರ ಆಂಡ್ ಮಹೀಂದ್ರ ಲಿಮಿಟೆಡ್, ತನ್ನ ಜನಪ್ರಿಯ ಕಾಂಪಾಕ್ಟ್ ಎಸ್ಯುವಿ ಕ್ವಾಂಟೊ ಕಾರಲ್ಲಿ 'ಯೋಗ ಸೀಟು' ಅವಿಷ್ಕರಿಸಿದೆ.
ಕ್ವಾಂಟೊ ಕೊಳ್ತೀರಾ; ಟೆಸ್ಟ್ ಡ್ರೈವ್ ರಿಪೋರ್ಟ್ ನೋಡಿ
ಒಟ್ಟು 36 ವಿವಿಧ ಆಸನ ವ್ಯವಸ್ಥೆ ಹೊಂದಿರುವ ಮಹೀಂದ್ರ ಕ್ವಾಂಟೊ ಯೋಗ ಸೀಟು ಹೆಚ್ಚು ನಮ್ಯತೆ ಹಾಗೂ ಅನುಕೂಲಕರವಾಗಲಿದೆ. 5 + 2 ಸಿಟ್ಟಿಂಗ್ ವ್ಯವಸ್ಥೆ ಹೊಂದಿರುವ ಮಹೀಂದ್ರ ಕ್ವಾಂಟೊದಲ್ಲಿ ನೂತನ ಯೋಗ ಆಸನದ ಸೌಲಭ್ಯ ಒದಗಿಸಲಾಗಿದೆ.
ಅಂದ ಮಾತ್ರಕ್ಕೆ ಪ್ರಯೋಗಿಕವಾಗಿ ಯೋಗ ಆಸನ ಎಷ್ಟರ ಮಟ್ಟಿಗೆ ತೃಪ್ತಿದಾಯಕವಾಗಲಿದೆಯೇ ಎಂಬುದಂತೂ ತಿಳಿದು ಬಂದಿಲ್ಲ. ಆದರೆ ಪ್ರಯಾಣಿಕರ ಹೊಂದಾಣಿಕೆಗೆ ಹೆಚ್ಚು ಒತ್ತು ಕೊಡಲಾಗಿದೆ.
ಈ ಬಗ್ಗೆ ಪ್ರತಿಕ್ರಿಯಿಸಿರುವ ಮಹೀಂದ್ರ, ಕ್ವಾಂಟೊ ಯೋಗ ಆಸನವು ನೀವು ನಗರದಲ್ಲಿದ್ದರೂ ಮನೆಯಲ್ಲಿರುವಂತೆಯೇ ಭಾಸವಾಗಲಿದೆ. ಅದು ಹೆದ್ದಾರಿಯೇ ಆಗಿರಬಹುದು ಅಥವಾ ಆಫ್ ರೋಡ್ ಆಗಿರಬಹುದು ನಿಮಗೆ ಆನಂದದಾಯಕ ಪಯಣ ಒದಗಿಸಲಿದೆ.
ಅಲ್ಲದೆ ನಿಮ್ಮ ವಾರಂತ್ಯದ ಪಯಣದಲ್ಲಿ ಹೆಚ್ಚು ಲಗ್ಗೇಜ್ಗಳನ್ನು ಹೊತ್ತೊಯ್ಯಬಹುದು. ಯಾಕೆಂದರೆ ಇದರ ಹೊಂದಾಣಿಸಬಹುದಾದ ಸ್ಟೋರೆಜ್ ಸ್ಪೇಸ್ ನಿಮ್ಮ ಪಯಣವನ್ನು ಇನ್ನಷ್ಟು ಸುಲಲಿತಗೊಳಿಸಲಿದೆ.
ಹೊಸತಾದ ಆಸನ ವ್ಯವಸ್ಥೆಯಡಿ ಎರಡನೇ ಸಾಲಿನ ಸೀಟಿನಲ್ಲೂ ಒರಗುವ ವ್ಯವಸ್ಥೆಯಿದ್ದು ಮಧ್ಯದಲ್ಲಿ ಆರ್ಮ್ ರೆಸ್ಟ್ ಕೂಡಾ ಲಗತ್ತಿಸಲಾಗಿದೆ. ಇದು ಪ್ರಯಾಣಿಕರಿಗೆ ಸೀಟು ಹಿಂದಕ್ಕೆ ಹೊಂದಾಣಿಸಬಹುದಾದ ಅವಕಾಶವಿದ್ದು, ಹೆಚ್ಚು ಲೆಗ್ ರೂಂ ಕೂಡಾ ಸಿಗಲಿದೆ.
ಹಗುರ ಭಾರದ 1.5 ಲೀಟರ್ ಎಂಸಿಆರ್100 ಡೀಸೆಲ್ ಎಂಜಿನ್ನಿಂದ ನಿಯಂತ್ರಿಸಲ್ಪಡುವ ಮಹೀಂದ್ರ ಕ್ವಾಂಟೊ ಕಾಂಪಾಕ್ಟ್ ಎಸ್ಯುವಿ 100 ಪಿಎಸ್ ಪವರ್ (240 ಎನ್ಎಂ ಟಾರ್ಕ್) ಉತ್ಪಾದಿಸುತ್ತದೆ. ಇದು ಭಾರತ ವಾಹನ ಅಧ್ಯಯನ ಸಂಸ್ಥೆ ಮಾನ್ಯತೆ ಪ್ರಕಾರ ಪ್ರತಿ ಲೀಟರ್ಗೆ 17.21 ಕೀ.ಮೀ. ಮೈಲೇಜ್ ನೀಡಲಿದೆ.
Continue with Google