ಕಳೆದ 25 ವರ್ಷಗಳಲ್ಲೇ ಟಾಟಾ ಇಂಡಿಕಾ ಅತ್ಯಂತ ಕೆಟ್ಟ ಕಾರು?

ಭಾರತದ ಅತಿದೊಡ್ಡ ಕಾರು ತಯಾರಕ ಸಂಸ್ಥೆಯಾಗಿರುವ ಟಾಟಾ ಮೋಟಾರ್ಸ್‌ನಿಂದ ಅಭಿವೃದ್ಧಿಪಡಿಸಲಾದ ಟಾಟಾ ಇಂಡಿಕಾ ರಿ ಬ್ಯಾಡ್ಜ್ ಉತ್ಪನ್ನವಾಗಿರುವ ಸಿಟಿ ರೋವರ್, ಬ್ರಿಟಿಷ್ ಕಾರು ಉತ್ಪಾದಕ ಸಂಸ್ಥೆಯಾದ ಎಂಜಿ ರೋವರ್‌ನಿಂದ ಮಾರಾಟವಾಗುತ್ತಿತ್ತು.

ರೋವರ್ ಸಿಟಿ ರೋವರ್ ಕಾರು 2003ನೇ ಇಸವಿಯಲ್ಲಿ ಲಾಂಚ್ ಆಗಿತ್ತು. ಇದು ಉತ್ತಮ ಇಂಟಿರಿಯರ್ ಸ್ಪೇಸ್ ಹಾಗೂ ನಿರ್ವಹಣೆ ಹೊಂದಿದ್ದರೂ ಗುಣಮಟ್ಟದ ಅಭಾವ ಹಾಗೂ ಕಳಪೆ ಹ್ಯಾಂಡ್ಲಿಂಗ್‌ನಿಂದಾಗಿ ನಿರೀಕ್ಷಿದಷ್ಟು ಯಶ ಸಾಧಿಸುವಲ್ಲಿ ವಿಫಲವಾಗಿತ್ತು.

ಆಟೋ ಎಕ್ಸ್‌ಪ್ರೆಸ್ ಮಾತ್ರವಲ್ಲದೆ ಬ್ರಿಟನ್‌ನ ಇನ್ನೊಂದು ಪ್ರಖ್ಯಾತ ಮ್ಯಾಗಜಿನ್ ಆಗಿರುವ ಪಾರ್ಕರ್‌ನ ಕಾರು ರೇಟಿಂಗ್‌ನಲ್ಲೂ ಐದರಲ್ಲಿ ಕೇವಲ 2 ಅಂಕ ಮಾತ್ರ ದಾಖಲಿಸಿಕೊಂಡಿದ್ದ ರೋವರ್ ಸಿಟಿ ರೋವರ್ ಮಗದೊಮ್ಮೆ ಅತ್ಯಂತ ಕೆಟ್ಟ ಕಾರೆಂಬ ಅಪಖ್ಯಾತಿಗೆ ಒಳಗಾಗಿತ್ತು.

ಅಂದ ಹಾಗೆ ಸಿಟಿರೋವರ್ ಪ್ಯೂಜೆಟ್ 1.4 ಲೀಟರ್ 4 ಸಿಲಿಂಡರ್ 8 ವಾಲ್ವೆ ಎಂಜಿನ್ ಮಾನದಂಡಗಳಲ್ಲಿ ಲಭ್ಯವಿದೆ. ಇದು 11.9 ಸೆಕೆಂಡುಗಳಲ್ಲಿ 100 ಕೀ.ಮೀ. ವೇಗವರ್ಧಿಸುವ ಸಾಮರ್ಥ್ಯ ಹೊಂದಿದೆ.

ಟಾಟಾ ಮೋಟಾರ್ಸ್‌ನ ಪುಣೆ ಘಟಕದಲ್ಲಿ ಉತ್ಪಾದನೆಯಾಗುತ್ತಿದ್ದ ಸಿಟಿರೋವರ್ ಬ್ರಿಟನ್‌ನಲ್ಲಿ ಬಂಪರ್, ರೋವರ್ ಬ್ಯಾಡ್ಜ್ ಗ್ರಿಲ್ ಹಾಗೂ ಅಲಾಯ್ ವೀಲ್‌ಗಳು ಬದಲಾವಣೆಗೊಳ್ಳುತ್ತಿದ್ದವು.

ಅಂತಿಮವಾಗಿ ಕಳಪೆ ಮಾರಾಟ ಹಾಗೂ ದರ ದುಬಾರಿಯಾದ (7 ಲಕ್ಷ ರು.) ಹಿನ್ನಲೆಯಲ್ಲಿ 2005ನೇ ಇಸವಿಯಲ್ಲಿ ಸಿಟಿ ರೋವರ್ ಕಾರಿನ ಉತ್ಪಾದನೆಯನ್ನು ಸ್ಥಗಿತಗೊಳಿಸಲಾಗಿತ್ತು.

ಒಟ್ಟಿನಲ್ಲಿ ಬ್ರಿಟನ್‌ನಲ್ಲಿ ಉತ್ಪಾದನೆ ಸ್ಥಗಿತಗೊಂಡರೂ ಭಾರತದಲ್ಲಿ ಟಾಟಾ ಇಂಡಿಕಾ ಮಾರಾಟ ಇದೀಗಲೂ ಮುಂದುವರಿದಿದೆ. ಇದು ಅಷ್ಟೊಂದು ಕಳಪೆ ಗುಣಮಟ್ಟವನ್ನು ಹೊಂದಿದೆಯೇ ಎಂಬುದಕ್ಕೆ ಟಾಟಾ ಮಾಲಿಕರೇ ಉತ್ತರಿಸಬೇಕಾಗಿದೆ.