ಕಾರಿನಲ್ಲಿ ಮಕ್ಕಳ ಕೇರ್ ಹೇಗೆ? ಇಲ್ಲಿದೆ ಸೇಫ್ಟಿ ಟಿಪ್ಸ್

ನಮಗೆಲ್ಲರಿಗೂ ತಿಳಿದಿರುವ ಹಾಗೆ ಮಕ್ಕಳನ್ನು ಹಿಡಿದಿಟ್ಟುಕೊಳ್ಳುವುದು ಕಷ್ಟದ ವಿಚಾರ. ಯಾಕೆಂದರೆ ಮಕ್ಕಳಿಗೆ ಖುಷಿ ನೀಡುವ ಅಂಶಗಳು ಕೆಲವೊಂದು ಬಾರಿ ನಿಮ್ಮ ತೊಂದರೆಗೆ ಕಾರಣವಾಗಬಹುದು. ಹಾಗಾಗಿ ಹೆತ್ತವರು ಹೆಚ್ಚಿನ ಗಮನ ವಹಿಸಬೇಕಾಗುತ್ತದೆ.

ಸೀಟ್‌ ಬೆಲ್ಟ್‌ನ ಸುರಕ್ಷಾ ಕವಚ ಹಾಕಲು ಯಾವುದೇ ಕಾರಣಕ್ಕೂ ಮರೆಯಬಾರದು. ಮಕ್ಕಳು ಹಿಂದೆ ಕುಳಿತಿದ್ದಾರೆ ಎಂಬ ಕಾರಣಕ್ಕಾಗಿ ಸೀಟ್ ಬೆಲ್ಟ್ ಧರಿಸದೇ ಇರುವುದು ಅಪಾಯ ಅಹ್ವಾನಿಸಿದಂತಾಗುತ್ತದೆ.

ಇಂದಿನ ಆಧುನಿಕ ಯುಗದಲ್ಲಿ ಬಹುತೇಕ ಕಾರು ಕಂಪನಿಗಳು ಮಕ್ಕಳಿಗಾಗಿ ವಿಶೇಷ ಆಕ್ಸೆಸರಿಗಳು ಪ್ರದಾನ ಮಾಡುತ್ತಿವೆ. ಇವುಗಳಲ್ಲಿ ಚೈಲ್ಡ್ ಸೇಫ್ಟಿ ಸೀಟ್‌ಗಳು ಪ್ರಮುಖವಾಗಿವೆ. ಇದನ್ನು ಆಳವಡಿಸುವುದು ಕೂಡಾ ತುಂಬಾನೇ ಸರಳವಾಗಿದೆ.

ಕಾರಿನೊಳಗೆ ಕೂತುಕೊಂಡ ಮಗು ಬಾಹ್ಯ ಪ್ರದೇಶದತ್ತ ತಕ್ಷಣ ಆಕರ್ಷಿತವಾಗುತ್ತವೆ. ಹಾಗಾಗಿ ವಿಂಡೋ ಸ್ವಲ್ಪ ತೆರೆದಿರಿಸಬಹುದು. ಇದರಿಂದ ವೆಂಟಿಲೇಷನ್ ಕೂಡಾ ಸಿಗಲಿದೆ.

ಕಾರಿನೊಳಗೆ ಸಂಚರಿಸುವಾಗ ಹಿಂದುಗಡೆ ಇಬ್ಬರು ಮಕ್ಕಳಿರುವಾಗ ದೊಡ್ಡವನಲ್ಲಿ ಚಿಕ್ಕವನ ಗಮನ ವಹಿಸುವಂತೆ ತಿಳಿಸಬೇಕು. ಆದರೆ ಇಬ್ಬರ ಗಮನ ಅತ್ತಿತ್ತ ಸರಿಯದಂತೆ ನೋಡಿಕೊಳ್ಳಬೇಕು.

ಇನ್ನು ಕೆಲವು ಬಾರಿ ಕಾರಿನಲ್ಲಿ ಚಲಿಸುವ ತಾಯಿಯಂದಿರಗೆ ಒಂದು ಅಭ್ಯಾಸವಿರುತ್ತದೆ. ಮಕ್ಕಳನ್ನು ಸೀಟ್‌ನಲ್ಲಿ ಕುರಿಸುವ ಬದಲು ತಮ್ಮ ಮಡಿಲಲ್ಲಿ ಕೂರಿಸುತ್ತಾರೆ. ಆದರೆ ತಜ್ಞರ ಪ್ರಕಾರ ಹೀಗೆ ಮಾಡುವುದು ತಪ್ಪಾಗಿದ್ದು, ಅಪಘಾತದ ವೇಳೆ ಮಗು ಸೇರಿದಂತೆ ತಾಯಿಗೂ ಅಪಾಯ ಎದುರಾಗಲಿದೆ.

ಇನ್ನು ಕಾರಿನ ಕ್ಲಚ್, ಗೇರ್ ಅಥವಾ ಕೀಗಳಲ್ಲಿ ಮಕ್ಕಳು ತುಂಟಾಟ ಆಡದಂತೆ ನೋಡಿಕೊಳ್ಳಬೇಕಾಗುತ್ತದೆ. ಹಾಗೆಯೇ ಮಗುವನ್ನು ಕಾರಿನಲ್ಲಿ ಕೂರಿಸಿ ಒಬ್ಬರೇ ಇಳಿದು ಹೋಗಬಾರದು.

ಇನ್ನು ಡ್ರೈವಿಂಗ್ ವೇಳೆ ತಂದೆ ತಾಯಿಯ ಗಮನ ಮಕ್ಕಳ ಮೇಲಿರಬೇಕು. ಹಾಗಂತ ಮಕ್ಕಳ ತುಂಟಾಟ ನೋಡಿಕೊಂಡು ಮೈ ಮರೆಯಬಾರದು. ಇದರಿಂದ ಅಪಘಾತ ಅಹ್ವಾನಿಸಿದಂತಾಗುತ್ತದೆ.

ಮೇಲೆ ಸೂಚಿಸಲಾದ ಈ ಎಲ್ಲ ಸಣ್ಣ ಸಣ್ಣ ವಿಚಾರಗಳತ್ತವೂ ಹೆಚ್ಚು ಗಮನ ವಹಿಸಬೇಕಾಗುತ್ತದೆ. ಇದೀಗ ನಿಮ್ಮ ಅನಿಸಿಕೆಗಳನ್ನು ಕಾಮೆಂಟ್ ಬಾಕ್ಸ್ ಮೂಲಕ ನಮ್ಮ ಜತೆ ಹಂಚಿಕೊಳ್ಳಿರಿ...