ಈ ಬೈಕ್ ಪೆಟ್ರೋಲ್, ಡೀಸೆಲ್ ಮಾತ್ರವಲ್ಲ ಸೀಮೆಎಣ್ಣೆ, ಎಲ್‌ಪಿಜಿಯಲ್ಲೂ ಓಡುತ್ತೆ!

ವಿನೂತನ ಪ್ರಯೋಗಕ್ಕೆ ಮುಂದಾಗಿರುವ ಈತ ಪೆಟ್ರೋಲ್ ಮತ್ತು ಡೀಸೆಲ್ ಮಾತ್ರವಲ್ಲದೆ ಸೀಮೆಎಣ್ಣೆ ಮತ್ತು ಎಲ್ ಪಿಜಿಯಿಂದಲೂ ಸಂಚರಿಸುವ ಬೈಕ್ ಅಭಿವೃದ್ಧಿಪಡಿಸಿದ್ದಾರೆ.

ಇಲ್ಲಿ ಗಮನಾರ್ಹ ಅಂಶವೆಂದರೆ ಯಾರಿಗೂ ಬೇಡವಾದ ಕೆಟ್ಟು ಹೋದ ಹಾಗೂ ಪಾಲು ಬಿದ್ದ ಉಪಕರಣಗಳನ್ನು ಬಳಸಿಕೊಂಡು ತ್ರಿಚಕ್ರ ಚಾಲಿತ ಬೈಕ್ ನಿರ್ಮಿಸಿದ್ದಾರೆ.

ಇಜಾರ್ ಅವರಿಗೆ ಈ ಬೈಕ್ ನಿರ್ಮಿಸಲು 2006ನೇ ಇಸವಿಯಲ್ಲಿ ಬಿಡುಗಡೆಯಾದ ಅಜಯ್ ದೇವಗನ್ ನಟನೆಯ ಗೋಲ್ ಮಾಲ್ ಸಿನೆಮಾವು ಸ್ಪೂರ್ತಿಯಾಗಿತ್ತು.

ಪ್ರಸ್ತುತ ಚಿತ್ರವು ಈತನ ಮೇಲೆ ಹೆಚ್ಚಿನ ಪ್ರಭಾವವನ್ನು ಬೀರಿತ್ತು. ಬಳಿಕ ತಮ್ಮ ಕನಸಿನ ಬೈಕ್ ನಿರ್ಮಾಣದಲ್ಲಿ ತೊಡಗಿಸಿಕೊಂಡಿದ್ದರು.

ಗುಜರಿ ವ್ಯಾಪಾರಿಯಿಂದ 15,000 ರು.ಗಳಿಗೆ ಯಮಹಾ ಎಂಟಿಸರ್ ಬೈಕ್ ಖರೀದಿಸಿದ ಈತ ಸಂಪೂರ್ಣವಾಗಿ ನವೀಕೃತಗೊಳಿಸಿದ್ದಾರೆ.

ಬೈಕ್ ಹಿಂಬದಿಯಲ್ಲಿ ಹೆಚ್ಚುವರಿ ಚಕ್ರ ಮತ್ತು ಸೀಟನ್ನು ಜೋಡಣೆ ಮಾಡಿದ್ದಾರೆ. ಇದರೊಂದಿಗೆ ಹೆಚ್ಚು ಮಂದಿಗೆ ಪ್ರಯಾಣಿಸುವಂತಾಗಿದೆ.

ವಿಶಿಷ್ಟವಾಗಿ ವಿನ್ಯಾಸಗೊಳಿಸಲಾದ ಇಂಧನ ಟ್ಯಾಂಕ್ ಇದರಲ್ಲಿ ಜೋಡಣೆ ಮಾಡಲಾಗಿದೆ. ಇಂಧನ ತುಂಬಲು ಎರಡು ವಿಭಿನ್ನ ಟ್ಯಾಂಕ್ ಇದರಲ್ಲಿದೆ. ಒಂದರಲ್ಲಿ ಪೆಟ್ರೋಲ್ ಮತ್ತು ಮಗದೊಂದರಲ್ಲಿ ಡೀಸೆಲ್ ಮತ್ತು ಸೀಮೆಎಣ್ಣೆ ತುಂಬುಬಹುದಾಗಿದೆ.

ಇನ್ನು ಪರಿಸರ ಸ್ನೇಹಿ ಎನಿಸಿಕೊಳ್ಳುವ ನಿಟ್ಟಿನಲ್ಲಿ ಎಲ್ ಪಿಜಿ ಕಿಟ್ ಸಹ ಜೋಡಣೆ ಮಾಡಿದ್ದಾರೆ. ಇದರಿಂದ ಮಾಲಿನ್ಯ ಮಟ್ಟವು ಕಡಿಮೆಯಾಗಲಿದೆ.

ಸ್ನೇಹಿತರು ಹಾಗೂ ಕುಟುಂಬ ವರ್ಗದ ಸಹಾಯದಿಂದ 50 ದಿನಗಳ ಅವಧಿಯಲ್ಲಿ ಇಜಾರ್ ಬೈಕ್ ನಿರ್ಮಿಸಿದ್ದಾರೆ. ತನ್ಮೂಲಕ ಕೇಂದ್ರ ಸರಕಾರದ ಸ್ವಚ್ಛ ಭಾರತ ಅಭಿಯಾನಕ್ಕೂ ಬೆಂಬಲ ಸೂಚಿಸಿದ್ದಾರೆ.