ಆಧುನಿಕ ಎಂಜಿನಿಯರಿಂಗ್ ಜಗತನ್ನು ಸ್ತಬ್ಧಗೊಳಿಸಿದ 'ಪನಾಮ ಕಾಲುವೆ'

1881ನೇ ಇಸವಿಯಲ್ಲೇ ಪನಾಮ ಕಾಲುವೆ ನಿರ್ಮಿಸಲು ಫ್ರಾನ್ಸ್ ಮುಂದಾಗಿತ್ತು. ಆಧರೆ ಮಲೇರಿಯಾ, ಹಳದಿ ಜ್ವರದಂತಹ ಕಾಯಿಲೆ ಭೂಕುಸಿತದಿಂದಾಗಿ 21,900 ಕಾರ್ಮಿಕರು ಸಾವನ್ನಪ್ಪಿದ್ದರಿಂದ ತನ್ನ ಯೋಜನೆಯಿಂದ ಹಿಂಜರಿತ್ತು.

ನಂತರ 1904ರಲ್ಲಿ ಯೋಜನೆಯನ್ನು ಎತ್ತಿಕೊಂಡ ಸಂಯುಕ್ತ ಅಮೆರಿಕ 1914 ಆಗಸ್ಟ್ 15ರಂದು ಹಡಗು ಕಾಲುವೆ ಸಂಚಾರವನ್ನು ತೆರೆಯುವಲ್ಲಿ ಯಶಸ್ವಿಯಾಗಿತ್ತು.

ಎರಡು ಮಹಾ ಸಾಗರಗಳ (ಅಟ್ಲಾಂಟಿಕ್ ಮತ್ತು ಫೆಸಿಫಿಕ್) ನಡುವಣ ನಿರ್ಮಿಸಿರುವ ಕಾಲುವೆಯು ಹಡಗು ಸಂಚಾರದ ಮೇಲೆ ಭಾರಿ ಪರಿಣಾಮವನ್ನುಂಟು ಮಾಡಿದೆ. ಇದು ದಕ್ಷಿಣದ ತುತ್ತ ತುದಿಯ ಕೇಪ್ ಹಾರ್ನ್ ಮೂಲಕದ ಅತಿ ಉದ್ದವಾದ ಮತ್ತು ತ್ರಾಸದಾಯಕ ಮಾರ್ಗಕ್ಕೆ ಪರ್ಯಾಯವನ್ನು ಒದಗಿಸುತ್ತದೆ.

ಪನಾಮ ಕಾಲುವೆಯ ನಿರ್ಮಾಣದ ವೇಳೆ ಕೊಲಂಬಿಯಾ, ಫ್ರಾನ್ಸ್ ತನ್ನ ನಿಯಂತ್ರಣ ಪರಿಧಿಯಲ್ಲಿ ಇಟ್ಟುಕೊಂಡಿದದ್ದರೆ ಬಳಿಕ 1977ರ ವರೆಗೆ ನಿಯಂತ್ರಣವನ್ನು ಅಮೆರಿಕ ತೆಗೆದುಕೊಂಡಿತ್ತು.

ಟೋರಿಜೋಸ್-ಕಾರ್ಟರ್ ಒಪ್ಪಂದದಂತೆ ಅಮೆರಿಕ ತನ್ನ ನಿಯಂತ್ರಣವನ್ನು ಪನಾಮಗೆ ವಹಿಸಿಕೊಟ್ಟಿತ್ತು. ಇದರಂತೆ 1979ರಿಂದ 1999ರ ವರೆಗೆ ಈ ಕಾಲುವೆಯು ಜಂಟಿ ಅಮೆರಿಕ-ಪನಾಮದ ನಿರ್ವಹಣೆಯಲ್ಲಿತ್ತು.

1999ರಲ್ಲಿ ಈ ಜಲಮಾರ್ಗದ ನಿಯಂತ್ರಣವನ್ನು ಪನಾಮ ಸರ್ಕಾರ ತನ್ನ ಅಧೀನತೆಗೆ ತೆಗೆದುಕೊಂಡಿತ್ತಲ್ಲದೆ ತದಾ ಬಳಿಕ ಪನಾಮ ಕಾಲುವೆ ಪ್ರಾಧಿಕಾರವು ನಿರ್ವಹಣೆಯನ್ನು ವಹಿಸಿಕೊಂಡಿದೆ.

1904ರಲ್ಲಿ 1,000ದಷ್ಟಿದ್ದ ಹಡುಗಗಳ ವಾರ್ಷಿಕ ದಟ್ಟಣೆಯು 2008ರ ವೇಳೆಯಾಗುವಾಗ 14,702 ಹಡಗುಗಳಿಗೆ ಏರಿಕೆಯಾಗಿತ್ತು. 2012ರಲ್ಲಿ ಈ ಕಾಲುವೆಯಾದ್ಯಂತ 8,15,000 ಹಡಗುಗಳು ಸಾಗಿ ಹೋಗಿವೆ.

5.4 ಬಿಲಿಯನ್ ಅಮೆರಿಕನ್ ಡಾಲರ್ ಯೋಜನೆಯ ಮೂರನೇ ಹಂತದ ಪನಾಮ ಕಾಲುವೆ ನಿರ್ಮಾಣವು 2007ರಲ್ಲಿ ಆರಂಭವಾಗಿತ್ತು. 40,000ದಷ್ಟು ಕಾರ್ಮಿಕರು ಹೊಸ ಜಲಮಾರ್ಗವನ್ನು ಅಗೆಯುವ ಕಾರ್ಯದಲ್ಲಿ ತೊಡಗಿದ್ದರು.

ಹೊಸ ವಿಸ್ತರಿತ ಕಾಲುವೆ ಯೋಜನೆಯೊಂದಿಗೆ ಪನಾಮ ಜಲಮಾರ್ಗದ ಸಾಮರ್ಥ್ಯವು ದ್ವಿಗುಣವಾಗಲಿದೆ. ಇದರಿಂದ ದೊಡ್ಡದಾದ ಹಡಗುಗಳನ್ನು ರವಾನಿಸಲು ಸಾಧ್ಯವಾಗಲಿದೆ.

ನೂತನ ಕಾಲುವೆ ಮುಖಾಂತರ 14,000 ಕಂಟೈನರ್ ಗಳನ್ನು ಒಳಗೊಂಡಿರುವ ಹಡುಗುಗಳನ್ನು ರವಾನಿಸಬಹುದಾಗಿದೆ. ಇದು ನಿಯೋ-ಪನಾಮ್ಯಾಕ್ಸ್ ಶಿಪ್ಸ್ ಎಂದು ಗುರುತಿಸಿಕೊಳ್ಳಲಿದೆ.

ಒಟ್ಟಿನಲ್ಲಿ ಪನಾಮ ತೆರೆದುಕೊಂಡಿರುವ ನೂತನ ಜಲಮಾರ್ಗವು ಜಾಗತಿಕ ರಾಷ್ಟ್ರಗಳ ಹಡಗು ವ್ಯಾಪಾರವನ್ನು ಮತ್ತಷ್ಟು ಎತ್ತರಕ್ಕೆ ಕೊಂಡೊಯ್ಯಲಿದೆ.