ಗೂಗಲ್ ಮ್ಯಾಪ್‌ನಲ್ಲಿ ರಸ್ತೆಗಳ ಬಗ್ಗೆ ಕನ್ನಡದಲ್ಲಿ ಮಾಹಿತಿ ಪಡೆಯಿರಿ

ಗೂಗಲ್ ಮ್ಯಾಪ್‌ನಲ್ಲಿ ಕನ್ನಡವನ್ನು ಜಾರಿಗೊಳಿಸುವ ಪ್ರಕಿಯೆಯನ್ನು ಗೂಗಲ್ ಸಂಸ್ಥೆ ವರ್ಷದ ಹಿಂದೆ ಪ್ರಾರಂಭಿಸಿತ್ತು. ಆದ್ರೆ ಮ್ಯಾಪ್‌ನಲ್ಲಿ ಮಾತ್ರ ಇದು ಬಂದಿರಲಿಲ್ಲ. ಆದರೆ, ನವೆಂಬರ್ ತಿಂಗಳಿನಲ್ಲಿ ಗೂಗಲ್ ಸಂಸ್ಥೆಯ ಈ ಕ್ರಮವನ್ನು ಕನ್ನಡಿಗರು ಕೊಂಡಾಡಿದ್ದಾರೆ.

ಗೂಗಲ್ ಮ್ಯಾಪ್‌ನಲ್ಲಿ ಕನ್ನಡದಲ್ಲಿ ಹೆಸರುಗಳು ಕಾಣುತ್ತಿವೆ. ಆದರೆ ಕೆಲವು ಕಡೆ ಊರಿನ ಹೆಸರುಗಳು ಕನ್ನಡದಲ್ಲಿ ತಪ್ಪು ತಪ್ಪಾಗಿ ಪ್ರಕಟವಾಗಿದ್ದು, ಕನ್ನಡದಲ್ಲಿ ಕೊಡೊಕ್ಕಿಂತ ಕೊಡದೇ ಇರೊದೇ ಒಳ್ಳೆಯದು ಅಂದುಕೊಳ್ಳದೇ, ತಪ್ಪಾಗಿರುವ ಕಡೆ ಸರಿಪಡಿಸಲು ಗೂಗಲ್‌ಗೆ ಸಲಹೆ/ದೂರು ನೀಡುವುದು ಉತ್ತಮವಾದ ಮಾರ್ಗವಾಗಿದೆ.

ಇಷ್ಟು ದಿನ ಗೂಗಲ್ ನ ತಮಿಳು ನಾಡು ನಕ್ಷೆಯಲ್ಲಿ ತಮಿಳು ಭಾಷೆಯಲ್ಲಿಯೇ ಊರುಗಳ ಹೆಸರು ಕಾಣುತ್ತಿತ್ತು, ಆಂಧ್ರ ಪ್ರದೇಶದ ನಕ್ಷೆಯ ಮೇಲೆ ಕ್ಲಿಕ್ಕಿಸಿದರೆ ತೆಲುಗು ಅಕ್ಷರಗಳೂ ರಾರಾಜಿಸುತ್ತಿದ್ದವು. ಆದರೆ ಅಲ್ಲೂ ಎಂದಿನಂತೆ ಕನ್ನಡ ಮೂಲೆಗುಂಪಾಗಿತ್ತು.

Recommended Video

[Kannada] Bajaj Pulsar NS200 ABS Launched In India - DriveSpark

'ಗೂಗಲ್ ನಕ್ಷೆಯಲ್ಲಿ ಕನ್ನಡ' ಈ ಬಾರಿಯ ರಾಜ್ಯೋತ್ಸವಕ್ಕೆ ಭರ್ಜರಿ ಉಡುಗೊರೆಯೇ ಸರಿ. ಕರ್ನಾಟಕದಲ್ಲಿ ಕನ್ನಡೀಕರಣದ ಯುಗಾರಂಭಕ್ಕೆ ಇದೊಂದು ಪುಟ್ಟ, ದಿಟ್ಟ ಹೆಜ್ಜೆ ಎಂದುಕೊಳ್ಳೋಣವೇ? ಗೂಗಲ್ ನಕ್ಷೆಯಲ್ಲಿ ಕನ್ನಡ ಕಂಡು ಹಿಗ್ಗಿದವರು, ಟ್ವೀಟ್ ಮತ್ತು ಫೇಸ್ಬುಕ್ ಸ್ಟೇಟಸ್ ನಲ್ಲಿ ಈ ಬಗ್ಗೆ ಪ್ರಕಟಿಸುವ ಮೂಲಕ ತಮ್ಮ ಸಂತಸ ಹಂಚಿಕೊಂಡಿದ್ದಾರೆ.

ಕನ್ನಡ ಭಾಷೆಯ ಬಳಕೆ ಹೇಗೆ ?

1 ಈಮೇಲ್ ಅಕೌಂಟ್ ಸೆಟ್ಟಿಂಗ್ಸ್ ಆಯ್ಕೆ ಕ್ಲಿಕ್ ಮಾಡಿ

2 ಸೆಟ್ಟಿಂಗ್ಸ್‌ನಲ್ಲಿ ಸಿಗುವ ಭಾಷೆಯ ಬಳಕೆಯಲ್ಲಿ ಕನ್ನಡ ಬಳಕೆಯ ಭಾಷೆಯಾಗಿ ಆಯ್ಕೆಮಾಡಿಕೊಳ್ಳಿ

3 ಕನ್ನಡವನ್ನು ನಿಮ್ಮ ಈಮೇಲ್ ಬಳಕೆಯ ಭಾಷೆಯಾಗಿ ಆಯ್ಕೆ ಮಾಡಿಕೊಂಡ ನಂತ್ರ, ನಿಮ್ಮ ಮುಂದಿನ ಎಲ್ಲಾ ಅಕೌಂಟ್ ಸೆಟ್ಟಿಂಗ್ಸ್ ಕನ್ನಡದಲ್ಲಿಯೇ ಲಭ್ಯವಾಗುತ್ತದೆ

4 ತದನಂತ್ರ ನೀವು ಗೂಗಲ್ ಮ್ಯಾಪ್ ಒಪನ್ ಮಾಡಿದರೇ, ನಮ್ಮ ಪ್ರಾದೇಶಿಕ ಭಾಷೆಯಾದ ಕನ್ನಡದಲ್ಲಿಯೇ ಗೂಗಲ್ ಮ್ಯಾಪ್ ನಲ್ಲಿ ನಿಮಗೆ ಸ್ಥಳಗಳು, ಅಂಗಡಿಗಳು, ನಿಮಗೆ ಗೋಚರಿಸುತ್ತವೆ.

5 ಕನ್ನಡದಲ್ಲಿ ಗೂಗಲ್ ಮ್ಯಾಪ್ ಮೇಲು ಭಾಗದಲ್ಲಿ ತೋರಿಸುವ ಸೆರ್ಚ್ ಸ್ಥಳದಲ್ಲಿ ಟೈಪ್ ಮಾಡಿದರೇ, ನಿಮಗೆ ಬೇಕಾದ ರಸ್ತೆ ಸ್ಥಳವನ್ನು ಕನ್ನಡದಲ್ಲಿ ನೋಡಬಹುದಾಗಿದೆ.