ಕಾರ್ ಸ್ಟಂಟ್ ಮಾಡುವಾಗ ಆಯತಪ್ಪಿ ಓರ್ವ ಸವಾರ ಸಾವು- ವಿಡಿಯೋ ವೈರಲ್

ಅಂದಹಾಗೆ ಇದೆಲ್ಲಾ ನಡೆದಿದ್ದು, ಓಡಿಶಾ ರಾಜಧಾನಿ ಭುವನೇಶ್ವರ ಬಳಿ. ಮೋಟಾರ್ ಶೋ ಕಾರ್ನಿವಾಲ್ ಸಂದರ್ಭದಲ್ಲಿ ಈ ಅವಘಡ ಸಂಭವಿಸಿದೆ.

ಕಾರು ಸ್ಟಂಟ್ ಪ್ರದರ್ಶನ ನೋಡಲು ಸಾವಿರಾರು ಜನ ಕೂಡಾ ಆಗಮಿಸಿದ್ದರು, ಆದ್ರೆ ಕಾರು ಪ್ರದರ್ಶನ ಆರಂಭವಾದ ಎರಡೇ ನಿಮಿಷದಲ್ಲಿ ಈ ದುರಂತ ನಡೆದಿದೆ.

ಮೊದಲು ಸರಳವಾಗಿಯೇ ಪ್ರದರ್ಶನ ತೊರಿದ ಚಾಲಕ, ನಂತರ ಆಯತಪ್ಪಿ ಚಾಲನೆ ಮೇಲಿನ ಹಿಡಿತ ಕಳೆದುಕೊಂಡಿದ್ದಾನೆ.

ನಿಯಂತ್ರಣ ತಪ್ಪಿದ ಹಿನ್ನೆಲೆ ಕಾರಿನ ಹಿಂದಿಯೇ ಇದ್ದ ಬೈಕ್‌ವೊಂದು ನೆಲಕ್ಕೆ ಬಿದ್ದಿದ್ದು, ಈ ಎಲ್ಲಾ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.

ಕಾರು ನೆಲಕ್ಕೆ ಬಿದ್ದ ಪರಿಣಾಮ ಕಾರು ಚಾಲಕ ಸ್ಥಳದಲ್ಲೇ ಸಾವನ್ನಪ್ಪಿದ್ದು, ಬೈಕ್ ಸವಾರಿಗೆ ಗಂಭೀರ ಗಾಯಗಳಾಗಿವೆ.

ಕಾರ್ ಸ್ಟಂಟ್‌ನಲ್ಲಿ ಸ್ಥಳೀಯವಾಗಿ ಭಾರೀ ಪ್ರಸಿದ್ಧಿಯಾಗಿದ್ದ ಜೀತು ಬಣ್‌ಕಾರ್ (26) ಮೃತ ಪಟ್ಟಿದ್ದಾನೆ.

ಇತ್ತೀಚೆಗೆ ಭುವನೇಶ್ವರ ಸುತ್ತಮುತ್ತ ಪ್ರದೇಶಗಳಲ್ಲಿ ವೃತ್ತಾಕಾರದ ಕಟ್ಟಿಗೆ ಗೋಡೆಗಳ ಮೇಲಿನ ಕಾರ್ ಸ್ಟಂಟ್‌ಗಳು ಪ್ರಸಿದ್ಧಿ ಪಡೆಯುತ್ತಿದ್ದು, ಹತ್ತಾರು ಅನಾಹುತ ದಾರಿಮಾಡಿಕೊಡುತ್ತಿವೆ.

ಇನ್ನು ಮುಂಜಾಗ್ರತ ಕ್ರಮಗಳಲ್ಲಿದ ಹಿನ್ನೆಲೆಯೇ ಕಾರು ಚಾಲಕನ ಸಾವನ್ನಪ್ಪಿದ್ದು, ಆಯೋಜಕರ ಮೇಲೆ ದೂರು ಕೂಡಾ ದಾಖಲಾಗಿದೆ.

ಆದ್ರೆ ಅದೇನೇ ಇರಲಿ ಮುಂಜಾಗ್ರತ ಕ್ರಮಕೈಗೊಂಡಿದ್ದರೆ ಒಂದು ಜೀವ ಉಳಿತಿತ್ತು. ಜೊತೆಗೆ ಮೋಟಾರ್ ಸ್ಟಂಟ್‌ ಶೋಗಳಿಗೆ ಮುನ್ನ ಮುಂಜಾಗ್ರತ ಕ್ರಮಗನ್ನು ಕೈಗೊಳ್ಳುವುದು ಒಳಿತು.

ಗೋಡೆ ಮೇಲೆ ನಡೆಸಲಾಗುತ್ತಿದ್ದ ಕಾರಿನ ಸ್ಟಂಟ್ ವಿಡಿಯೋ ಇಲ್ಲಿದೆ ನೋಡಿ.