ಪ್ರೇಮಿಗಳ ದಿನದಂದು ಪ್ರೇಯಸಿಗೆ ಅಚ್ಚರಿ ಪಡಿಸಬೇಕು ಎಂದುಕೊಂಡವ ಜೈಲು ಪಾಲಾದ !!

ಹೊಸ ಬಗೆಯ ಉಡುಗೊರೆ ನೀಡಿ ಸಂಗಾತಿಗೆ ಅಚ್ಚರಿ ಪಡಿಸಬೇಕು ಎಂದು ಎಲ್ಲಾ ಪ್ರೇಮಿಗಳ ಬಯಕೆ ಆಗಿರುತ್ತದೆ. ಹಾಗಾಗಿ ಸಂಗಾತಿಯನ್ನು ಖುಷಿಗೊಳಿಸಲು ಇನ್ನಿಲ್ಲದ ಪ್ರಯತ್ನ ಮಾಡ್ತಾರೆ. ಆದರೆ ಇಲ್ಲೊಬ್ಬ ಆಸಾಮಿ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿದ್ದಾನೆ.

ಹೌದು, ತನ್ನ ಪ್ರೇಯಸಿಯನ್ನು ಸಂತೋಷಗೊಳಿಸಲು ತನ್ನ ಹೋಂಡಾ ಸಿಟಿ ಕಾರಿಗೆ ಮೋದಿ ನೀಡಿದ ಹೊಸ 2 ಸಾವಿರದ ನೋಟುಗಳಿಗೆ ಅಂಟಿಸಿ ನಾನು ನಿನ್ನನು ಪ್ರೀತಿಸುತ್ತೇನೆ ಎಂದು ಬರೆದು ಕಾರನ್ನು ಉಡುಗೊರೆಯಾಗಿ ನೀಡಿದ್ದಾನೆ.

ವಿಪರ್ಯಾಸ ಏನ್ ಅಂದ್ರೆ ಈತ ಕಾರನ್ನು ಹುಡುಗಿಗೆ ತೋರಿಸುವ ಸಲುವಾಗಿ ಹೋಗುವಾಗ ಮಾರ್ಗ ಮಧ್ಯದಲ್ಲಿ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದಾನೆ.

ಈ ರೀತಿ ದೇಶದ ನೋಟುಗಳನ್ನು ದುರುಪಯೋಗ ಪಡಿಸಿಕೊಳ್ಳುವುದು ಅಕ್ಷಮ್ಯ ಅಪರಾಧ ಎಂದು ತಿಳಿದಿದ್ದರೂ ಈ ರೀತಿಯ ಕೆಲಸಕ್ಕೆ ಕೈಹಾಕಿ ಪ್ರೇಮಿಗಳ ದಿನದಂದು ತನ್ನ ಪ್ರಿಯತಮೆ ಜೊತೆ ಇರುವ ಬದಲು ಪೋಲೀಸರ ಅತಿಥಿಯಾಗಿ ಕಂಬಿ ಎಣಿಸುವಂತಾಗಿದೆ ಆತನ ಸ್ಥಿತಿ.

ನೋಟು ನಿಷೇಧದ ನಂತರ ಹಣವಿಲ್ಲ ಎಂದು ಸಾರ್ವಜನಿಕರು ಬೊಬ್ಬೆ ಹಾಕುತ್ತಿರುವ ಸಂದರ್ಭದಲ್ಲಿ ಈ ವಿಚಿತ್ರ ಪ್ರೇಮಿ ಅದೆಲ್ಲಿಂದ ಇಷ್ಟೊಂದು ಮೊತ್ತದ 2 ಸಾವಿರ ರೂಪಾಯಿ ನೋಟುಗಳನ್ನು ಸಂಗ್ರಹಿಸಿದ್ದಾನೋ ಗೊತ್ತಿಲ್ಲ.

ಹೋಂಡಾ ಸಿಟಿ ಕಾರು ಇದಾಗಿದ್ದು, ಮಹಾರಾಷ್ಟ್ರಕ್ಕೆ ಸೇರಿದ ವಾಹನ ಎಂದು ತಿಳಿದು ಬಂದಿದೆ.

ನೀವು ಏನೇ ಹೇಳಿ ಪೊಲೀಸರು ಆ ಹುಡುಗನಿಗೆ ತನ್ನ ಪ್ರೇಯಸಿಯನ್ನು ಭೇಟಿ ಮಾಡಲು ಅನುವು ಮಾಡಿಕೊಡಬೇಕಿತ್ತು, ಪಾಪ ಬಡ ಜೀವ ನೊಂದುಕೊಂಡು ಪೊಲೀಸರಿಗೆ ಹಿಡಿ ಶಾಪ ಹಾಕುತ್ತಿದೆ.