ಕನಸಿನ ಕಾರು ಖರೀದಿಗಾಗಿ ವೃಷಣವನ್ನೇ ಮಾರಿದ ಮಹಾಶಯ!

ಮಾರ್ಕ್ ಪ್ಯಾರಿಸಿ ಎಂಬ ಮಹಾಶಯ ಬರೋಬ್ಬರಿ 35,000 ಅಮೆರಿಕನ್ ಡಾಲರ್‌ಗೆ (ಅಂದಾಜು 22 ಲಕ್ಷ ರು.) ತನ್ನ ವೃಷಣವನ್ನೇ ಮಾರಿಬಿಟ್ಟಿದ್ದಾನೆ.

ಅಮೆರಿಕದ ರಾಷ್ಟ್ರೀಯ ಟಿವಿ ಚಾನೆಲ್‌ವೊಂದಕ್ಕೆ ನೀಡಿರುವ ಸಂದರ್ಶನದಲ್ಲಿ ತಮ್ಮ ಈ ಕಾರ್ಯ ಸಾಧನೆಯ ಬಗ್ಗೆ ಮಾರ್ಕ್ ಹೆಮ್ಮೆಯಿಂದಲೇ ಹೇಳಿಕೊಳ್ಳುತ್ತಿದ್ದಾರೆ.

ಅಂದ ಹಾಗೆ ಮಾರ್ಕ್ ಅವರ ಈ ಕನಸಿನ ಕಾರು ಯಾವುದೇ ಗೊತ್ತೆ? ಅದುವೇ ನಿಸ್ಸಾನ್ 370ಝಡ್.

ಪ್ರಸ್ತುತ ನಿಸ್ಸಾನ್ 370ಝಡ್ ಕೂಪೆ ಕಾರಿನ ದರ 29,900 ಅಮೆರಿಕನ್ ಡಾಲರ್ (ಅಂದಾಜು 18 ಲಕ್ಷ ರು.) ಆಗಿದೆ.

ಅಷ್ಟಕ್ಕೂ ಮಾರ್ಕ್ ಮಾರಿರುವ ವೃಷಣ ವೈದ್ಯಕೀಯ ಸಂಶೋಧನೆಗಾಗಿ ವೈದ್ಯರು ಬಳಕೆ ಮಾಡಲಿದ್ದಾರೆ.

ಒಟ್ಟಿನಲ್ಲಿ ಈತನ ಕೃತ್ಯ ವಿವಿಧ ಮೂಲಗಳಿಂದ ಟೀಕೆಗೆ ಗುರಿಯಾಗುತ್ತಿದೆ. ಇನ್ನು ಕೆಲವರು ಈತನ ನಿರ್ಧಾರವನ್ನು ತಯಾಷೆಯಾಗಿ ತಗೊಂಡಿದ್ದಾರೆ.

ಎಂಟ್ರಿ ಲೆವೆಲ್ ಸ್ಪೋರ್ಟ್ಸ್ ಕಾರಿನಲ್ಲಿ ಗುರುತಿಸಿಕೊಂಡಿರುವ ನಿಸ್ಸಾನ್ 370ಝಡ್ ಭಾರತದಲ್ಲಿ ದರ 55ರಿಂದ 56 ಲಕ್ಷ ರು.ಗಳಷ್ಟು ದುಬಾರಿಯಾಗಿದೆ. ಪ್ರಸ್ತುತ ಕಾರು ಭಾರತಕ್ಕೆ ಆಮದಾಗುತ್ತಿರುವುದರಿಂದ ಇಷ್ಟೊಂದು ದುಬಾರಿಯಾಗಿದೆ.

ವೀಡಿಯೋ ವೀಕ್ಷಿಸಿ