ಕೇವಲ 8 ಪೈಲಟ್‌ಗಳು ಮಾತ್ರ ಈ ವಿಮಾನ ನಿಲ್ದಾಣದಲ್ಲಿ ಹಾರಲು ಸಫಲ!

ಸಮುದ್ರ ಮಟ್ಟಕ್ಕಿಂತಲೂ 1.5 ಮೈಲು ಮೇಲ್ಗಡೆಯಲ್ಲಿ ಸ್ಥಿತಗೊಂಡಿರುವ ಪಾರೊ ವಿಮಾನ ನಿಲ್ದಾಣವನ್ನು 18,000 ಅಡಿ ಎತ್ತರದ ಎರಡು ಬೃಹತ್ ಪರ್ವತಗಳು ಸುತ್ತುವರಿದುಕೊಂಡಿದೆ.

ಜಗತ್ತಿನ ಅತಿ ಕಿರಿದಾದ ರನ್ವೇಗಳನ್ನು ಹೊಂದಿರುವ ವಿಮಾನ ನಿಲ್ದಾಣಗಳಲ್ಲಿ ಇದೂ ಒಂದಾಗಿದ್ದು, 6500 ಅಡಿ ಉದ್ದವನ್ನು ಪಡೆದಿದೆ.

ಕಣಿವೆಯಲ್ಲಿ ಬಲವಾಗಿ ಬೀಸುವ ಗಾಳಿ, ದಟ್ಟವಾದ ಮೋಡ, ಆಗಾಗೆ ಬದಲಾಗುತ್ತಿರುವ ವಾತಾವರಣ ಇವೆಲ್ಲವೂ ವಿಮಾನ ಲ್ಯಾಂಡಿಂಗ್ ಮಾಡುವಾಗ ಅತಿ ಹೆಚ್ಚು ಅಪಾಯವನ್ನು ಆಹ್ವಾನಿಸುತ್ತದೆ.

ಇಲ್ಲಿ ಪ್ರಯಾಣಿಕರನ್ನು ಸುರಕ್ಷಿತವಾಗಿ ಇಳಿಸುವುದೇ ದೊಡ್ಡ ಸವಾಲಿನ ವಿಷಯ ಎಂದು ಪೈಲಟ್ ಗಳು ಅಭಿಪ್ರಾಯಪಡುತ್ತಾರೆ. ಇಲ್ಲಿ ಟೇಕ್ ಮಾಡುವುದು ಸಹ ಅಷ್ಟೇ ಸವಾಲಿನ ವಿಷಯವಾಗಿದೆ.

ಹಗಲು ಸಮಯದಲ್ಲಿ ಮಾತ್ರ ವಿಮಾನಕ್ಕೆ ಹಾರಾಡಲು ಅವಕಾಶವಿರುತ್ತದೆ. ಹತ್ತಿರದಲ್ಲಿ ಹರಿಯುತ್ತಿರುವ ಪಾರೊ ನದಿಯು ವಿಮಾನ ನಿಲ್ದಾಣದ ಸೌಂದರ್ಯವನ್ನು ವರ್ಣಿಸುತ್ತದೆ.

ಬಲ್ಲ ಮೂಲಗಳ ಪ್ರಕಾರ ವರ್ಷಂಪ್ರತಿ 30,000ದಷ್ಟು ಪ್ರವಾಸಿಗರಿಗೆ ಪಾರೊ ವಿಮಾನ ನಿಲ್ದಾಣ ಸೇವೆಯೊದಗಿಸುತ್ತದೆ. ಅಲ್ಲದೆ ವಿಮಾನ ನಿಲ್ದಾಣದಲ್ಲಿ ಸುಧಾರಣೆ ತರುವ ಕೆಲಸ ಜಾರಿಯಲ್ಲಿದೆ.

ಈ ವಿಮಾನ ನಿಲ್ದಾಣದ ಸೇವೆ ಬಳಕೆ ಮಾಡುತ್ತಿರುವ ಏಕೈಕ ಅಂತರಾಷ್ಟ್ರೀಯ ವಿಮಾನ ಸಂಸ್ಥೆ ಬುದ್ಧ ಏರ್ ಆಗಿದೆ. ಇಲ್ಲಿಗೆ ಬರುವ ಪ್ರತಿಯೊಂದು ವಿಮಾನಗಳು ನೆರೆಯ ರಾಷ್ಟ್ರದಲ್ಲಿ ಮೊದಲು ಇಳಿಯಬೇಕಾಗಿದೆ. ಅಲ್ಲಿಂದ ಬಳಿಕ ಸಂಪರ್ಕ ವಿಮಾನ ಸೇವೆಯನ್ನು ಕಲ್ಪಿಸಲಾಗುತ್ತದೆ.

ಅಂದ ಹಾಗೆ 2011ರಲ್ಲಿ ಡ್ರಕ್ ಏರ್ ವಿಮಾನಕ್ಕೆ ಮಾತ್ರ ಇಲ್ಲಿ ವಿಮಾನ ಇಳಿಸಲು ಅನುಮತಿ ನೀಡಲಾಗಿತ್ತು.