ಶಾಪಿಂಗ್ ಮಾಡೋ ಭರಾಟೆಗೆ ಟ್ಯಾಕ್ಸಿಯಲ್ಲೇ ಮಗು ಮರೆತು ಹೋದ ಮಹಿಳೆ..!!

ಈ ಬಗ್ಗೆ ಕ್ಯಾಬ್ ಚಾಲನಿಗೂ ಮೊದಮೊದಲು ಯಾವುದೇ ರೀತಿಯಲ್ಲಿ ಗಮನಕ್ಕೆ ಬಂದಿಲ್ಲ. ತದನಂತರ 2 ಗಂಟೆಗಳ ಬಳಿಕ ಮಗು ಅಳುವಿನ ಶಬ್ದ ಕೇಳಿದ್ದು, ಮಗು ಕಂಡು ಕ್ಯಾಬ್ ಚಾಲಕನಿಗೆ ಶಾಕ್ ಆಗಿದೆ.

ತಕ್ಷಣವೇ ವಿಮಾನ ನಿಲ್ದಾಣಕ್ಕೆ ವಾಪಸ್ ಬಂದಿರುವ ಟ್ಯಾಕ್ಸಿ ಚಾಲಕ, ಮಗುವಿನ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಕಳೆದ 2 ಗಂಟೆಗಳ ಹಿಂದೆ ಮಹಿಳೆಯೊಬ್ಬಳು ತನ್ನ ಕಾರಿನಲ್ಲಿ ಪ್ರಯಾಣ ಮಾಡುವಾಗ ಮಗು ಬಿಟ್ಟುಹೊಗಿದ್ದಾಗಿ ಮಾಹಿತಿ ನೀಡಿದ್ದಾನೆ.

ಚಾಲಕ ಕೊಟ್ಟ ಮಾಹಿತಿಯಿಂದ ಅರ್ಲಟ್ ಆದ ಸ್ಥಳೀಯ ಪೊಲೀಸರು, ಮಹಿಳೆ ಬಗ್ಗೆ ಮಾಹಿತಿ ಕಲೆಹಾಕಿದ್ದಾರೆ. ತದನಂತರ ಮಗುವಿನ ಬಗ್ಗೆ ಎಲ್ಲ ಮಾಹಿತಿ ಪಡೆದುಕೊಂಡಿದ್ದು, ಲಂಡನ್ ಮೂಲದ ಮಹಿಳೆಗೆ ಮಗು ಹಸ್ತಾಂತರ ಮಾಡಿದ್ದಾರೆ.

ಇದಕ್ಕೂ ಮೊದಲು ಶಾಪಿಂಗ್ ಮೂಡ್‌ನಲ್ಲಿದ್ದ ಮಹಿಳೆಗೆ ತನ್ನ ಮಗುವಿನ ಬಗ್ಗೆ ಯಾವುದೇ ಯೋಚನೆ ಮಾಡದೇ ಶಾಪಿಂಗ್ ಮಾಡುತ್ತಾ ಸುತ್ತಾಡಿದ್ದಾಳೆ. ಒಂದು ಗಂಟೆಯ ಬಳಿಕ ಬೇರೆ ಮಕ್ಕಳನ್ನು ಕಂಡು ತನ್ನ ಮಗುವಿನ ಬಗ್ಗೆ ಅರಿವೆ ಬಂದಿದ್ದು, ಟ್ಯಾಕ್ಸಿಯಲ್ಲೇ ಮಗು ಬಿಟ್ಟು ಬಂದಿದ್ದು ನೆನಪಿಗೆ ಬಂದಿದೆ.

ಪೊಲೀಸ್ ಠಾಣೆಯಲ್ಲಿ ಈ ಬಗ್ಗೆ ದೂರು ನೀಡಲು ಮುಂದಾಗಿದ್ದಾಗ ಮಗು ಸುರಕ್ಷತೆಯಿಂದ ಇದೆ ಎಂದು ತಿಳಿದು ಮಹಿಳೆ ಸಂತಸಗೊಂಡಿದ್ದಾಳೆ. ಆಗ ವಿಮಾನ ನಿಲ್ದಾಣಕ್ಕೆ ವಾಪಸ್ ಆದ ಮಹಿಳೆ ಟ್ಯಾಕ್ಸಿ ಚಾಲಕನ ಸಮಯ ಪ್ರಜ್ಞೆಗೆ ಕೃತಜ್ಞತೆ ತಿಳಿಸಿದ್ದಾಳೆ.

ಸದ್ಯ ಮಗು ಸುರಕ್ಷತೆಯಿಂದ ತಾಯಿಯ ಮಡಿಲು ಸೇರಿದ್ದು, ಕಾರು ಚಾಲಕನ ಸಮಯ ಪ್ರಜ್ಞೆಯಿಂದ ಮಗು ಬಚಾವ್ ಆಗಿದೆ. ಆದ್ರೆ ಶಾಪಿಂಗ್ ಮಾಡೋ ಭರಾಟೆಯಲ್ಲಿ ಮಗು ಮರೆತು ಹೋಗುವ ಮಹಿಳೆಯ ಕ್ರಮಕ್ಕೆ ಅಲ್ಲಿದ್ದ ಜನ ಸಿಡಿಮಿಡಿಗೊಂಡ ಪ್ರಸಂಗವೂ ನಡೆದಿದೆ.

ಈ ಮಧ್ಯೆ ಪ್ರವಾಸಿಗರಿಗೆ ಕಟ್ಟುನಿಟ್ಟಿನ ಆದೇಶ ಹೊರಡಿಸಿರುವ ದುಬೈ ಪೊಲೀಸರು, ಟ್ಯಾಕ್ಸಿ ಇಳಿಯುವ ಮುನ್ನ ತಮ್ಮ ಲಗೇಜ್ ಮತ್ತು ಮಕ್ಕಳ ಬಗ್ಗೆ ಎಚ್ಚರಿಕೆ ವಹಿಸುವುದು ಕಡ್ಡಾಯವೆಂದು ಆದೇಶ ಹೊರಡಿಸಿದ್ದಾರೆ. ಆದ್ರೆ ಶಾಪಿಂಗ್ ಬಂದು ಮಗು ಮರೆತು ಹೋಗುವಷ್ಟು ಅವಿವೆಕಿ ತಾಯಿಯ ಬುದ್ಧಿಗೆ ಎನು ಹೇಳಬೇಕು ಗೊತ್ತಾಗುತ್ತಿಲ್ಲ.