ವಿಶ್ವದ ಮೊಟ್ಟ ಮೊದಲ ಸ್ಮಾರ್ಟ್‌ಫೋನ್ ನಿಯಂತ್ರಿತ ವಿಮಾನ

ಸ್ಮಾರ್ಟ್‌ಪ್ಲೇನ್

ಹೌದು ಸ್ಮಾರ್ಟ್ ಫೋನ್‌ಗಳನ್ನು ತಯಾರಿಸುವುದರಲ್ಲಿ ಪರಿಣತವಾಗಿರುವ ಈ ಸಂಸ್ಥೆಯು ಸ್ಮಾರ್ಟ್‌ಫೋನ್ ನಿಯಂತ್ರಿತ ಸ್ಮಾರ್ಟ್‌ಪ್ಲೇನ್ ವಿಮಾನಗಳನ್ನು ತಯಾರಿಸಿದೆ.

ವಿಶೇಷತೆ ಏನು?

ನಿಜವಾಗ್ಲೂ ಇದು ಹಗುರ ಭಾರದ ಸ್ಮಾರ್ಟ್‌ಪ್ಲೇನ್ ಆಗಿದ್ದು, 15 ನಿಮಿಷಗಳ ವರೆಗೆ ಹಾರಾಡುವ ಸಾಮರ್ಥ್ಯ ಹೊಂದಿದೆ. 13 ನಿಮಿಷಗಳಲ್ಲಿ ಚಾರ್ಜ್ ಮಾಡಿಸುವಂತಹ ಈ ಸ್ಮಾರ್ಟ್‌ಪ್ಲೇನ್ ಗರಿಷ್ಠ 200 ಅಡಿ ಎತ್ತರದಲ್ಲಿ ಹಾರಬಲ್ಲದು.

ಸಂಪರ್ಕ ಹೇಗೆ?

ಬ್ಲೂಟೂತ್ ಮೂಲಕ ಸ್ಮಾರ್ಟ್‌ಪ್ಲೇನ್‌ನಿಂದ ಸ್ಮಾರ್ಟ್‌ಫೋನ್‌ಗೆ ಸಂಪರ್ಕ ಸಾಧಿಸಬಹುದಾಗಿದೆ. ಒಮ್ಮೆ ಸಂಪರ್ಕ ಸಾಧಿಸಿದರೆ ನಿಮಗೆ ಬೇಕಾದ ಹಾಗೆ ಕೈಯಿಂದಲೇ ಮೇಲೆ ಕೆಳಕ್ಕೆ, ಎಡಕ್ಕೆ ಬಲಕ್ಕೆ ಎಲ್ಲಿಗೆ ಬೇಕಾದರೂ ವೇಗ ನಿಯಂತ್ರಣವನ್ನು ಸಾಧಿಸಬಹುದಾಗಿದೆ. ಇನ್ನು ವಿಶೇಷತೆ ಏನೆಂದರೆ ಒಂದೇ ಕೈಯಲ್ಲಿ ನಿಯಂತ್ರಿಸಬಹುದಾಗಿದೆ.

ಹಗುರ ಭಾರದ ವಿಮಾನವಾಗಿದ್ದರಿಂದ ಪೂರ್ಣವಾಧಿಯ ಬಳಕೆಗಾಗಿ ಸ್ಮಾರ್ಟ್‌ಪ್ಲೇನ್‌ಗಳನ್ನು ತಯಾರಿಸಲಾಗಿಲ್ಲ. ಹಾಗಿದ್ದರೂ ನಿಮಗೆ ಮೋಜು ಅಂತೂ ಖಂಡಿತ ದೊರಕಲಿದೆ. ಇದು ವಿ.4.3 ಅಥವಾ ಅದಕ್ಕಿಂತ ಮೇಲ್ಪಟ್ಟ ಬ್ಲೂಟೂತ್ ವರ್ಷನ್ ಹೊಂದಿರುವ ಎಲ್ಲ ಆಂಡ್ರಾಯ್ಡ್ ಡಿವೈಸ್‌‌ಗಳಲ್ಲಿ, ಐಫೋನ್ 4ಎಸ್, ಐಪೊಡ್ ಟಚ್ 5ನೇ ಜನರೇಷನ್ ಹಾಗೂ ಮೇಲ್ಪಟ್ಟ ಮತ್ತು ಐಪ್ಯಾಡ್ ಥರ್ಡ್ ಜನರೇಷನ್ ಮತ್ತು ಮೇಲ್ಪಟ್ಟ ಡಿವೈಸ್‌ಗಳಲ್ಲಿ ಕಾರ್ಯ ನಿರ್ವಹಿಸಲಿದೆ.

ಪ್ರಸ್ತುತ ಸ್ಮಾರ್ಟ್‌ಪ್ಲೇನ್, ಫ್ಲೈಟ್ ಅಸಿಸ್ಟ್ ಮೋಡ್ ಸಹ ಹೊಂದಿದ್ದು, ಇದು ಆಟೋ ಪೈಲಟ್ ಮೋಡ್ ತರಹನೇ ಕೆಲಸ ಮಾಡಲಿದೆ. ಸ್ಮಾರ್ಟ್‌ಪ್ಲೇನ್ ಜೊತೆ ಸಂಪರ್ಕ ಸಾಧಿಸುವುದು ಬಹಳ ಸುಲಭ. ಅಲ್ಲದೆ ಸಂಪರ್ಕ ಸಾಧಿಸಿದ ಕೆಲವೇ ಸೆಕೆಂಡುಗಳಲ್ಲಿ ನಿರ್ವಹಿಸಬಹುದಾಗಿದೆ.

ಮೂರು ಸಾವಿರದಷ್ಟು (49 ಅಮೆರಿಕನ್ ಡಾಲರ್) ದುಬಾರಿಯಾಗಿರುವ ಈ ಸ್ಮಾರ್ಟ್‌ಪ್ಲೇನ್ ಸೀಮಿತ ಅವಧಿಯ ವರೆಗೆ ಮಾತ್ರ ಮಾರಾಟದಲ್ಲಿರಲಿದೆ.

ಪ್ರಮುಖವಾಗಿಯೂ ಸ್ಮಾರ್ಟ್‌ಪ್ಲೇನ್‌ಗಳನ್ನು ಒಳಾಂಗಣ ಬಳಕೆಗಾಗಿ ವಿನ್ಯಾಸಗೊಳಿಸಲಾಗಿದ್ದು, ವಿಮಾನ ಪ್ರೇಮಿಗಳ ಕನಸನ್ನು ನನಸಾಗಿಸಲಿದೆ. ಈ ಮೂಲಕ ನೀವು ಕೂಡಾ ವಿಮಾನ ಚಾಲಕನ ರೋಚಕತೆಯನ್ನು ಅನುಭವಿಸಬಹುದಾಗಿದೆ.

ಸ್ಮಾರ್ಟ್‌ಪ್ಲೇನ್ ವೀಡಿಯೋ ವೀಕ್ಷಿಸಿ