ವಿಶ್ವದ ಅತಿ ದೊಡ್ಡ ಪ್ರಯಾಣಿಕ ವಿಮಾನಗಳು ಯಾವವು ಗೊತ್ತಾ..?

ಹೀಗಾಗಿಯೇ ನಾವಿಂದು ನಿಮಗೆ ವಿಶ್ವದ 10 ಅತಿ ದೊಡ್ಡ ಪ್ರಯಾಣಿಕ ವಿಮಾನಗಳ ಬಗ್ಗೆ ತಿಳಿಸುವ ಪ್ರಯತ್ನ ಮಾಡುತ್ತಿದ್ದು, ಈ ಕೆಳಗೆ ನೀಡಲಾಗಿರುವ ಟಾಪ್ 10 ವಿಮಾನಗಳಿಂದಲೇ ಪ್ರತಿ ದಿನ ಲಕ್ಷಾಂತರ ಜನರು ಜಗತ್ತಿನ ಒಂದು ಭಾಗದಿಂದ ಮತ್ತೊಂದು ಭಾಗಕ್ಕೆ ತೆರಳು ಸಾಧ್ಯವಾಗಿದೆ.

10. ಏರ್ ಬಸ್ A333-300

ಏರ್‌ಬಸ್ A330-300(333) ಸುಮಾರು 293 ಮಂದಿ ಪ್ರಯಾಣಿಕರು ಪ್ರಯಾಣಿಸಬಹುದಾಗಿದ್ದು, ಈ ವಿಶೇಷ ವಿಮಾನವು ಪ್ರಾಥಮಿಕವಾಗಿ ಅಂತರಾಷ್ಟ್ರೀಯ ಮಾರ್ಗಗಳ ಪ್ರಮುಖ ಕೊಂಡಿಯಾಗಿದೆ.

9. ಏರ್ ಬಸ್ A340-300

ಏರ್‌ಬಸ್ A340-300 ವಿಮಾನವು ಫ್ರಾನ್ಸ್ ನಲ್ಲಿ 1993ರಲ್ಲಿ ನಿರ್ಮಾಣಗೊಂಡಿದ್ದು, ಐಷಾರಾಮಿ ಸೌಲಭ್ಯಗಳೊಂದಿಗೆ ಸುಮಾರು 277 ಮಂದಿ ಪ್ರಾಯಾಣಿಕರು ಈ ವಿಮಾನದಲ್ಲಿ ಪ್ರಯಾಣಿಸಬಹುದಾಗಿದೆ.

8. ಏರ್ ಬಸ್ A340-500

ಏರ್ ಬಸ್ A340-500 ವಿಮಾನವು ಕೂಡ 2002 ಇಸವಿಯಲ್ಲಿ ಫ್ರಾನ್ಸ್ ನಲ್ಲೇ ನಿರ್ಮಾಣಗೊಂಡಿದ್ದು, ಅಂತಾರಾಷ್ಟ್ರೀಯ ವಿಮಾನಗಳಿಗೆ ಕೊಂಡಿಯಾಗಿ ಕಾರ್ಯನಿರ್ವಹಿಸುವ ಈ ವಿಮಾನದಲ್ಲಿ ಸುಮಾರು 293 ಮಂದಿ ಪ್ರಾಯಾಣಿಕರು ಪ್ರಯಾಣಿಸಬಹುದಾಗಿದೆ.

7. ಏರ್ ಬಸ್ A350-900

ಏರ್ ಬಸ್ A350-900 ವಿಮಾನದಲ್ಲಿ 325 ಮಂದಿ ಪ್ರಾಯಾಣಿಕರು ಈ ವಿಮಾನದಲ್ಲಿ ಪ್ರಯಾಣಿಸಬಹುದಾಗಿದ್ದು, ವಿಶ್ವದರ್ಜೆಯ ಸೌವಲತ್ತುಗಳು ಈ ವಿಮಾನದಲ್ಲಿ ಒದಗಿಸಲಾಗಿದೆ.

6. ಬೋಯಿಂಗ್ 777-200

ಈ ಬೋಯಿಂಗ್ 777-200 ವಿಮಾನವು ಯುನೈಟೆಡ್ ಸ್ಟೇಟ್ಸ್ ನಲ್ಲಿ ನಿರ್ಮಾಣಗೊಂಡ ಅತಿ ದೊಡ್ಡ ಪ್ರಯಾಣಿಕ ವಿಮಾನವಾಗಿದ್ದು, ಈ ವಿಮಾನದಲ್ಲಿ ಬರೋಬ್ಬರಿ 400 ಮಂದಿ ಪ್ರಯಾಣಿಕರು ಪ್ರಯಾಣಿಸಬಹುದಾಗಿದೆ.

5. ಏರ್ ಬಸ್ A340-600

ಈ ಏರ್ ಬಸ್ A340-600 ವಿಮಾನದಲ್ಲಿ ಸುಮಾರು 460ರಿಂದ 475 ಮಂದಿ ಪ್ರಯಾಣಿಕರು ಪ್ರಾಯಾಣಿಸಬಹುದಾಗಿದ್ದು, 63 ಮೀಟರ್ ಉದ್ದವಾಗಿರುವ ಈ ವಿಮಾನವು ಗಂಟೆಗೆ 930 ಕಿಮಿ ಸಾಗಬಲ್ಲ ವೇಗ ಹೊಂದಿದೆ.

4. ಬೋಯಿಂಗ್ 777-300

ಬೋಯಿಂಗ್ 777-300 ಪ್ರಯಾಣಿಕ ವಿಮಾನವು ದೇಶದ ವಿಮಾನಯಾನ ಸೇವೆಯಲ್ಲಿ ಮಹತ್ತರ ಪಾತ್ರ ವಹಿಸುತ್ತಿದ್ದು, ಇದರಲ್ಲಿ ಸುಮಾರು 550 ಮಂದಿ ಪ್ರಯಾಣಿಕರು ಪ್ರಯಾಣಿಸಬಹುದಾಗಿದೆ.

3.ಬೋಯಿಂಗ್ 747-400

ಬ್ರಿಟಿಷ್ ಏರ್‌ವೆಸ್ ಅಧೀನದಲ್ಲಿರುವ ಬೋಯಿಂಗ್ 747-400 ಪ್ರಯಾಣಿಕ ವಿಮಾನದಲ್ಲಿ 624 ಮಂದಿ ಪ್ರಯಾಣಿಕರು ಪ್ರಯಾಣಿಸಬಹುದಾಗಿದ್ದು, 71 ಮೀಟರ್ ಉದ್ದದೊಂದಿಗೆ ಗಂಟೆಗೆ 988ಕಿಮಿ ದೂರ ಕ್ರಮಿಸಬಲ್ಲವು.

2. ಬೋಯಿಂಗ್ 747-8

2005ರಿಂದ ವಾಣಿಜ್ಯ ಸೇವೆಗಳಿಗೆ ಲಭ್ಯವಿರುವ ಬೋಯಿಂಗ್ 747-8 ಪ್ರಯಾಣಿಕ ವಿಮಾನದಲ್ಲಿ ಸುಮಾರು 700 ಮಂದಿ ಪ್ರಯಾಣಿಕರು ಪ್ರಯಾಣಿಸಬಹುದಾದ ವಿಸ್ತಾರವನ್ನು ಹೊಂದಿದ್ದು, ಅಮೆರಿಕ ಸಂಯುಕ್ತ ಸಂಸ್ಥಾನ ರಾಷ್ಟ್ರಗಳಲ್ಲಿ ಪ್ರಮುಖ ರಾಷ್ಟ್ರಗಳ ಮಧ್ಯೆ ಸೇವೆ ಒದಗಿಸುತ್ತಿದೆ.

1. ಏರ್ ಬಸ್ A380-800

ಜಗತ್ತಿನಲ್ಲೇ ಅತಿ ದೊಡ್ಡ ಏರ್ ಬಸ್ ಎಂದೇ ಖ್ಯಾತಿಯಾಗಿರುವ A380-800 ವಿಮಾನದಲ್ಲಿ ಬರೋಬ್ಬರಿ 850 ಮಂದಿ ಪ್ರಯಾಣಿಸಬಹುದಾದ ವಿಸ್ತಾರವನ್ನು ಹೊಂದಿದ್ದು, ಅತ್ಯಾಧುನಿಕ ಸೌಲಭ್ಯಗಳನ್ನು ಪಡೆದಿರುವುದು ಈ ವಿಮಾನದ ವಿಶೇಷ.