ಕೇವಲ ಕಪ್ಪು ಬಣ್ಣದಲ್ಲಿ ಮಾತ್ರ ನಿರ್ಮಾಣವಾಗುತ್ತಿದ್ದ ಫೋರ್ಡ್ ಮಾಡೆಲ್ ಟಿ ಕಾರುಗಳು...

1903ರಲ್ಲಿ ಮೊಟ್ಟ ಮೊದಲ ಬಾರಿಗೆ ಹೆನ್ರಿ ಫೋರ್ಡ್ ಅವರಿಂದ ಆರಂಭವಾದ ಫೋರ್ಡ್ ವಾಹನ ಉತ್ಪಾದನಾ ಸಂಸ್ಥೆಯು ಮೊದಮೊದಲು ಅಮೆರಿಕ ಮತ್ತು ಯುರೋಪಿನ ಕೆಲವು ರಾಷ್ಟ್ರಗಳಲ್ಲಿ ಮಾತ್ರ ತನ್ನ ಕಾರ್ಯಾಚರಣೆ ಹೊಂದಿತ್ತು. ಜೊತೆಗೆ ವಿಶೇಷ ಕಾರು ಉತ್ಪಾದನೆ ಮೂಲಕ ಗ್ರಾಹಕರ ವಿಶ್ವಾಸ ಗಳಿಸತೊಡಗಿತ್ತು.

Recommended Video

2018 ನೆಕ್ಸಾನ್ ಎಎಂಟಿ | Tata Nexon AMT Details & Specifications - DriveSpark

ಇದೇ ವೇಳೆ 1908ರಲ್ಲಿ ಮೊದಲ ಬಾರಿಗೆ ಮಾರುಕಟ್ಟೆ ಪ್ರವೇಶಿಸಿದ್ದ ಫೋರ್ಡ್ ಮಾಡೆಲ್ ಟಿ(ಟಿನ್ ಲೀಜಿ) ಕಾರು ಸುಮಾರು 18 ವರ್ಷಗಳ ಕಾಲ ಗ್ರಾಹಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದ್ದಲ್ಲೇ ಕೇವಲ ಕಪ್ಪು ಬಣ್ಣ ಹೊಂದುವ ಮೂಲಕ ಹಲವು ವಿಶೇಷತೆಗಳಿಗೆ ಕಾರಣವಾಗಿತ್ತು.

1908ರಿಂದ 1927ರ ತನಕ ಮಾರುಕಟ್ಟೆಯಲ್ಲಿ ಲಭ್ಯವಿದ್ದ ಮಾಡೆಲ್ ಟಿ ಕಾರುಗಳು ವಿಶ್ವಾದ್ಯಂತ ಬರೋಬ್ಬರಿ 15 ಮಿಲಿಯನ್ ಕಾರುಗಳು ಮಾರಾಟಗೊಂಡಿದ್ದಲ್ಲದೇ, ಉತ್ಪಾದನೆಗೊಂಡ ಎಲ್ಲಾ ಕಾರುಗಳು ಕೇವಲ ಕಪ್ಪು ಬಣ್ಣವನ್ನು ಮಾತ್ರ ಹೊಂದಿದ್ದವು.

ಕಪ್ಪು ಬಣ್ಣವೇ ಏಕೆ?

ನಿಜ, ಇದು ವಾಹನ ಉದ್ಯಮ ಮಹತ್ತರ ಬದಲಾವಣೆ ತರುವುದು ಎನ್ನುವುದಕ್ಕೆ ಸ್ಪಷ್ಟ ಉದಾಹರಣೆ. ನೀವು ನಂಬುತ್ತಿರೋ ಇಲ್ಲವೋ ಗೊತ್ತಿಲ್ಲಾ. ಆದ್ರೆ ಕಪ್ಪು ಕಾರಿನ ಉತ್ಪಾದನೆ ಮೂಲಕ ಕಾರಿನ ಬೆಲೆಗಳನ್ನು ತಗ್ಗಿಸಲು ಹೆನ್ರಿ ಫೋರ್ಡ್ ಈ ಯೋಜನೆ ಮಹತ್ವದಾಗಿತ್ತು.

ಮೊದಲ ಬಾರಿಗೆ ಉತ್ಪಾದನೆ ಆರಂಭವಾದಾಗ 800 ಅಮೆರಿಕನ್ ಡಾಲರ್ ಬೆಲೆ ಹೊಂದಿದ್ದ ಮಾಡೆಲ್ ಟಿ ಕಾರುಗಳು ಕೇವಲ 5 ವರ್ಷಗಳ ಅವಧಿಯಲ್ಲಿ 300 ಅಮೆರಿಕನ್ ಡಾಲರ್‌ಗೆ ಗ್ರಾಹಕರು ಖರೀದಿಸುವಂತೆ ಮಾಡಿದ್ದ.

ಇದಕ್ಕೆ ಕಾರಣ ಕಾರು ಉತ್ಪಾದನೆಯಲ್ಲಿ ಹೊಸ ಮಾರ್ಗ ಕಂಡುಕೊಂಡಿದ್ದ ಫೋರ್ಡ್ ಸಂಸ್ಥೆಯು, ಕಾರಿನ ಬಿಡಿಭಾಗಗಳಿಗಾಗಿ ಅಂದಿನ ಕಾಲದಲ್ಲೇ ಅಸಂಬ್ಲಿ ಉತ್ಪನ್ನಗಳನ್ನು ಬಳಕೆ ಮಾಡಲು ಶುರು ಮಾಡಿತ್ತು.

ಮೊದಮೊದಲು ಕಾರಿನ ಎಲ್ಲಾ ಬಿಡಿಭಾಗಗಳನ್ನು ತಾನೇ ಉತ್ಪಾದನೆ ಮಾಡುತ್ತಿದ್ದ ಫೋರ್ಡ್, ಅಸೆಂಬ್ಲಿ ಉತ್ಪನ್ನಗಳ ಬಗ್ಗೆ ಮಹತ್ವದ ನಿರ್ಧಾರ ಕೈಗೊಂಡಿತು. ಅದೇ ಮಾರ್ಗವನ್ನು ಇಂದಿನ ಕಾರು ಉತ್ಪಾದನಾ ಸಂಸ್ಥೆಗಳು ಸಹ ಅನುಕರಣೆ ಮಾಡುತ್ತಿದ್ದಾರೆ.

ಹೀಗಾಗಿಯೇ ಮಾಡೆಲ್ ಟಿ ಕಾರಿನ ಉತ್ಪಾದನೆಯಲ್ಲಿ ಇತಿಹಾಸ ನಿರ್ಮಾಣ ಮಾಡಿದ್ದ ಫೋರ್ಡ್ ಸಂಸ್ಥೆಯು, ಕಪ್ಪು ಬಣ್ಣ ಮತ್ತು ಅಸಂಬ್ಲಿ ಬಿಡಿಭಾಗಗಳ ಮೂಲಕ ಹೊಸ ಸಂಶೋಧನೆಗಳಿಗೆ ಅಡಿಗಲ್ಲು ಹಾಕಿತ್ತು.

ಆದ್ರೆ 1925ರ ನಂತರ ಕಾರು ಉತ್ಪಾದನೆಯಲ್ಲಿ ಇತರೆ ಸಂಸ್ಥೆಗಳ ಸ್ಪರ್ಧಿಯಿಂದ ಹಿಂದೆ ಸರಿದ ಫೋರ್ಡ್ 1927ರಲ್ಲಿ ಮಾಡೆಲ್ ಟಿ ಉತ್ಪಾದನೆಗೆ ಬ್ರೇಕ್ ಹಾಕಿದ್ದಲ್ಲದೇ, ಸಾಂಪ್ರಾದಾಯಿಕ ಕಾರು ಮಾದರಿಗಳನ್ನು ವಿವಿಧ ಬಣ್ಣಗಳಲ್ಲಿ ಉತ್ಪಾದನೆ ಮಾಡುತ್ತಿರುವುದನ್ನು ನಾವು ಇಂದಿಗೂ ನೋಡಬಹುದಾಗಿದೆ.