ಅಬ್ಬಾ!! ಮಕ್ಕಳಿಗಿಂತ ಮೋಜು ಹೆಚ್ಚಾಯಿತು ಈ ಮಹಿಳೆಗೆ...

ಇತ್ತೀಚಿನ ಜನತೆ ಎಷ್ಟರ ಮಟ್ಟಿಗೆ ಸಂಬಂಧಗಳ ಸೆಲೆಯನ್ನು ಕಳೆದುಕೊಳ್ಳುತ್ತಿದೆ ಎನ್ನುವುದಕ್ಕೆ ಈ ಘಟನೆ ತಾಜಾ ಉದಾಹರಣೆ ಎನ್ನಬಹುದು. ಹೌದು, ಶಾಪಿಂಗ್ ಗೀಳು ಹತ್ತಿಸಿಕೊಂಡ ಅಮೆರಿಕಾದ ಮಹಿಳೆಯೊಬ್ಬರು ತಮ್ಮ ಮಕ್ಕಳನ್ನು ಪಶುಗಳಂತೆ ನೆಡೆಸಿಕೊಂಡ ಘಟನೆ ನೆಡೆದಿದೆ.

ಉತ್ತ್ ಮೂಲದ 39 ವರ್ಷದ ಟೋರಿ ಕಾಸ್ಟಿಲ್ಲೊ ಎಂಬ ಮಹಿಳೆಯೊಬ್ಬರು ಈ ಕೃತ್ಯ ಎಸಗಿದ್ದು, ಈ ವಿಚಾರ ಪ್ರತಿಯೊಬ್ಬರಿಗೂ ಕೋಪ ತರಿಸಿರುವುದಂತೂ ಸುಳ್ಳಲ್ಲ.

ವಾಲ್- ಮಾರ್ಟ್‌ನಲ್ಲಿ ಶಾಪಿಂಗ್ ಮಾಡಲು ತನ್ನ ಎರಡು ಮತ್ತು ಐದು ವರ್ಷ ವಯಸ್ಸಿನ ಮಕ್ಕಳು ತೊಂದರೆ ಉಂಟು ಮಾಡುವರು ಎಂಬ ಚಿಕ್ಕ ಕಾರಣಕ್ಕೆ ಮಹಿಳೆ ಈ ಕೆಟ್ಟ ನಿರ್ಧಾರ ತೆಗೆದುಕೊಂಡಿದ್ದಾರೆ.

ಪ್ರತ್ಯಕ್ಷದರ್ಶಿಯೊಬ್ಬರ ಹೇಳಿಕೆಯ ಪ್ರಕಾರ, ರಸ್ತೆಯ ಪಕ್ಕ ನಿಲ್ಲಿಸಿದ್ದ ವಾಹನದ ಒಳಗೆ ಮಕ್ಕಳು ಸಹಾಯಕ್ಕಾಗಿ ಅಳುತ್ತ ಕುಳಿತಿದ್ದು, ಕಾರು ಅಲುಗಾಡುವುದನ್ನು ಗಮನಿಸಿದಾಗ ಈ ಪ್ರಕರಣ ಬೆಳೆಕಿಗೆ ಬಂದಿದೆ.

ಕಾರು ಹೆದ್ದಾರಿಯ ಪಕ್ಕ ಇದ್ದ ಕಾರಣ ವಾಹನಗಳ ಓಡಾಟದಲ್ಲಿ ಮಕ್ಕಳ ಚೀರಾಟ ಕೇಳಿಸದೇ ಇದ್ದದ್ದು ಘಟನೆಯ ತೀವ್ರತೆ ಹೆಚ್ಚಿಸುವಂತೆ ಮಾಡಿದ್ದು, ಹೆಚ್ಚು ಹೊತ್ತು ಕಾರಿನಲ್ಲೇ ಕಾಲ ಕಳೆಯುವಂತಾಗಿತ್ತು.

ತನ್ನ ಶಾಪಿಂಗ್ ಸಂಭ್ರಮವನ್ನು ಮುಗಿಸಿ ಬಂದ ಮಹಿಳೆಯನ್ನು ಸಾರ್ವಜನಿಕರು ಹಿಗ್ಗಾ ಮುಗ್ಗ ನಿಂದಿಸಿ ಟೋರಿ ಕಾಸ್ಟಿಲ್ಲೊ ಅವರನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ.