ಪಿಯಾಜಿಯೊ ವಿಸ್ತರಣೆ: ಐಕಾನಿಕ್ ವೆಸ್ಪಾ ಸ್ಕೂಟರ್ ಬರುತ್ತಾ?

ಹೊಸ ಉತ್ಪಾದನೆ, ಮಾಡೆಲ್ ಮತ್ತು ಮಾರಾಟ ಚಟುವಟಿಕೆಗಳ ಮೂಲಕ ಕಂಪನಿಯು ವಿಸ್ತರಣೆಯನ್ನು ಮುಂದುವರೆಸುವುದು 2011-14 ವರ್ಷದ ಕಾರ್ಯತಂತ್ರವಾಗಿದೆ ಎಂದು ವರದಿಯೊಂದು ಹೇಳಿದೆ. ಕಂಪನಿಯು ದೇಶದ ಸ್ಕೂಟರ್ ಮಾರುಕಟ್ಟೆಗೆ ಪ್ರವೇಶಿಸುವುದು ಕೂಡ ಈ ಕಾರ್ಯತಂತ್ರದ ಭಾಗವಾಗಿದೆ.

"ಗ್ರಾಹಕರು, ಕೆಲಸಗಾರರು ಮತ್ತು ಷೇರುದಾರರಿಗೆ ಹೆಚ್ಚು ಮೌಲ್ಯ ಒದಗಿಸಲು ಕಂಪನಿಯು ಸದೃಢ ಉತ್ಪಾದನಾ ಶಕ್ತಿಯಾಗಲಿದೆ. ಇದಕ್ಕಾಗಿ ಜಾಗತಿಕ ಮಾರುಕಟ್ಟೆಯಲ್ಲಿನ ವಹಿವಾಟಿಗೆ ಹೆಚ್ಚು ಒತ್ತು ನೀಡಲಾಗುವುದು" ಎಂದು ಕಂಪನಿ ಹೇಳಿದೆ.

2012ರ ಫೆಬ್ರವರಿಯಿಂದ ಮಾರ್ಚ್ ನಡುವೆ ನೂತನ ವೆಸ್ಪಾವನ್ನು ರಸ್ತೆಗಿಳಿಸುವ ನಿರೀಕ್ಷೆಯಲ್ಲಿದ್ದೇವೆ" ಎಂದು ಪಿಯಾಜಿಯೊ ವೆಹಿಕಲ್ ಇಂಡಿಯಾದ ನಿರ್ದೇಶಕ ರವಿ ಛೋಪ್ರಾ ಈ ಹಿಂದೆ ಹೇಳಿದ್ದರು.

ಸೂಪರ್ ಬೈಕ್: ಪಿಯಾಜಿಯೊ ಕಂಪನಿಯ "ಏಪ್ರಿಲಿಯಾ" ಸೂಪರ್ ಬೈಕ್ ಭಾರತದಲ್ಲಿ ದೊರಕುತ್ತಿದೆ. ಗ್ರಾಹಕರ ಬೇಡಿಕೆ ತಕ್ಕಂತೆ ಇದನ್ನು ಆಮದುಮಾಡಿಕೊಳ್ಳಲಾಗುತ್ತಿದೆ. ಇದರ ದರ ಸುಮಾರು 18 ಲಕ್ಷ ರೂಪಾಯಿ ಆಸುಪಾಸಿನಲ್ಲಿದೆ.