ಸುನಾಮಿ ಕಡಲೊಳು ತೇಲಿ ಬಂದ ಹರ್ಲಿ ಬೈಕ್

Posted By:

ಕಳೆದ ವರ್ಷ ಜಪಾನಿನಲ್ಲಿ ಸುನಾಮಿಯ ಅಬ್ಬರಕ್ಕೆ ಸಿಲುಕಿ ಸಾವಿರಾರು ಜನರು ತಮ್ಮ ಪ್ರೀತಿ ಪಾತ್ರರನ್ನು ಕಳೆದುಕೊಂಡಿದ್ದರು. ಲೆಕ್ಕವಿಲ್ಲದಷ್ಟು ಆಸ್ತಿ ಪಾಸ್ತಿ ನಷ್ಟವಾಗಿತ್ತು. ಜಪಾನಿನ ಇಕೊ ಯೊಕೊಯಮಾ ಕೂಡ ಸುನಾಮಿಯಲ್ಲಿ ಮನೆಮಠ ಮತ್ತು ತನ್ನ ಕುಟುಂಬದ ಮೂವರನ್ನು ಕಳೆದುಕೊಂಡಿದ್ದ. ಜೊತೆಗೆ ತನ್ನ ಪ್ರೀತಿಯ ಬೈಕನ್ನೂ ಕಳೆದುಕೊಂಡಿದ್ದ!

ಸುನಾಮಿಗೆ ಸಿಲುಕಿ ಈತನ ಹರ್ಲಿ ಡೇವಿಡ್ ಸನ್ ಬೈಕೊಂದು ಸಾಗರದಲೆಯೊಂದಿಗೆ ಕೊಚ್ಚಿ ಹೋಗಿತ್ತು. ಕುಟುಂಬವೇ ಹೋದಮೇಲೆ ಕಳಕೊಂಡ ವಾಹನದ ಕುರಿತು ಚಿಂತೆ ಮಾಡುವುದರಲ್ಲಿ ಅರ್ಥವಿಲ್ಲ. ಸದ್ಯ ನನ್ನ ಪ್ರಾಣವುಳಿಯಿತ್ತಲ್ಲವೆಂದು ಸಮಧಾನದಿಂದ ಇದ್ದ.

ಆದರೆ ಅಚ್ಚರಿಯೆಂಬಂತೆ ಈ ಹರ್ಲಿ ಡೇವಿಡ್ ಸನ್ ಬೈಕ್ ಕೆನಡಾದಲ್ಲಿ ಪತ್ತೆಯಾಗಿದೆ. ಅಂದ್ರೆ ಸುನಾಮಿಗೆ ಸಿಕ್ಕಿ ಕಡಲಿಗೆ ಬಿದ್ದ ಈ ಬೈಕನ್ನು ಸಾಗರದ ಅಲೆಗಳು ಕಾರ್ಗೊ ಕಂಟೈನರ್ ಹಡಗೊಂದಕ್ಕೆ ಸಿಲುಕಿಸಿಬಿಟ್ಟಿದವು. ಈ ಬೈಕಿನ ನಂಬರ್ ಪ್ಲೇಟ್ ಮೂಲಕ ಮಾಲೀಕನ ಹೆಸರನ್ನು ಪತ್ತೆ ಮಾಡಲಾಯಿತು.

"ಈ ಬೈಕ್ ವಾಪಸ್ ಸಿಕ್ಕಿದು ನನಗೆ ಸಂತೋಷವನ್ನುಂಟುಮಾಡಿದೆ. ನನ್ನ ಬೈಕ್ ನನಗೆ ತಲುಪಿಸಿದವರಿಗೆ ಧನ್ಯವಾದಗಳು" ಎಂದು ಸುದ್ದಿ ವಾಹಿನಿಗಳಿಗೆ ನೀಡಿದ ಸಂದರ್ಶನದಲ್ಲಿ ಆತ ಹೇಳುತ್ತಿದ್ದ. ಅದೇ ರೀತಿ ಕಳೆದುಕೊಂಡ ತನ್ನ ಕುಟುಂಬದವರೂ ಜೀವಂತವಾಗಿ ಸಿಕ್ಕಿದರೆ ಎಷ್ಟು ಚೆನ್ನಾಗಿತ್ತು ಎಂದು ಆತನ ದುಃಖಭರಿತ ಕಣ್ಣುಗಳು ಹೇಳುತ್ತಿದ್ದವು.

ಸಾಗರದ ಉಪ್ಪು ನೀರಲ್ಲಿ ಹಲವು ಸಮಯ ಕಳೆದಿರುವ ಹರ್ಲಿ ಡೇವಿಡ್ ಸನ್ ಬೈಕನ್ನು ಸದ್ಯ ಚಾಲನೆ ಮಾಡುವ ಸ್ಥಿತಿಯಲಿಲ್ಲ. ಇದರ ರಿಪೇರಿಗೆ ಸುಮಾರು 40 ಸಾವಿರ ಡಾಲರ್ ಬೇಕಂತೆ. ಅಂದ್ರೆ ಹೊಸ ಹರ್ಲಿ ಡೇವಿಡ್ ಸನ್ ಬೈಕಿನ ಎರಡು ಪಟ್ಟು ವೆಚ್ಚ ಮಾಡಬೇಕಿದೆ.

ವಿಶೇಷವೆಂದರೆ ಈ ಬೈಕ್ ಪೆಸಿಫಿಕ್ ಸಾಗರದಲ್ಲಿ ಸುಮಾರು 6,500 ಕಿ.ಮೀ. ತೇಲಿ ಹೋಗಿದೆ. ಇದೀಗ ಅಳುವ ಕಡಲೊಳು ಹರ್ಲಿ ಡೇವಿಡ್ ಸನ್ ಮತ್ತೆ ತೇಲಿ ಬಂದಿದೆ.

English summary
The devastating tsunami left many people with lost loved ones and belongings. A Japanese motorcycle enthusiast Ikuo Yokoyama who lost three of his family members also lost his favourite 2008 Harley Davidson Night Train motorcycle to the Tsunami. The Harley Davidson was swept away in to the sea by the tsunami and Yokoyuma though the Motorcycle was lost forever.
Story first published: Wednesday, May 2, 2012, 14:56 [IST]

Latest Photos

ಕರ್ನಾಟಕ ವಿಧಾನಸಭೆ ಚುನಾವಣೆ 2018

ತಕ್ಷಣದ ಆಟೊ ಸುದ್ದಿಗಳನ್ನು ಡ್ರೈವ್ಸ್ಪಾರ್ಕ್ನಲ್ಲಿ ಪಡೆದುಕೊಳ್ಳಿ- Kannada DriveSpark

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more