ಮಹೇಂದ್ರ ಧೋನಿಯ ರೇಸಿಂಗ್ ಟೀಮ್ ಪ್ರಕಟ

ಸೂಪರ್ ಬೈಕ್ ಚಾಂಪಿಯನ್‌ಶಿಪ್ ಗುರಿ

2012ರ ಮಧ್ಯಂತರ ಅವಧಿಯಲ್ಲಿ ಬೈಕ್ ರೇಸಿಂಗ್ ಯುಗಕ್ಕೆ ಕಾಲಿರಿಸಿದ್ದ ಧೋನಿ ತಂಡವು 2013ನೇ ಸಾಲಿನಲ್ಲಿ ಪೂರ್ಣವಧಿಯಲ್ಲಿ ಸ್ಪರ್ಧಿಸುವ ಇರಾದೆ ಹೊಂದಿದ್ದು, ಸೂಪರ್ ಬೈಕ್ ಚಾಂಪಿಯನ್‌ಶಿಪ್ ಗೆಲ್ಲುವ ಗುರಿ ಹೊಂದಿದೆ.

ಸ್ಪರ್ದೆಯಲ್ಲಿ ಭಾಗಿಯಾಗಲು ಮಹಿ ಉತ್ಸುಕತೆ

ಇನ್ನು ಕುತೂಹಲಕಾರಿ ಸಂಗತಿ ಏನೆಂದರೆ ಸ್ವತ: ಟೀಮ್ ಇಂಡಿಯಾ ನಾಯಕ ಮಹಿ ಅವರೇ ಬೈಕ್ ರೇಸಿಂಗ್‌ನಲ್ಲಿ ಸ್ಪರ್ಧಿಸಲು ತುಂಬಾನೇ ಉತ್ಸುಕರಾಗಿದ್ದಾರೆ. ಸದ್ಯ ಲಭ್ಯವಿರುವ ಮಾಹಿತಿ ಪ್ರಕಾರ ಸ್ಪೋರ್ಟ್ ಹಾಗೂ ಸೂಪರ್‌ಸ್ಪೋರ್ಟ್ ವಿಭಾಗದಲ್ಲಿ ಸ್ಪರ್ಧಿಸಲು ಮಹಿ ಯೋಜನೆ ಹಾಕಿಕೊಂಡಿದ್ದಾರೆ.

ಚಾಂಪಿಯನ್ ಚಾಲಕರೊಂದಿಗೆ ಒಪ್ಪಂದ

ಪ್ರಸಕ್ತ ಸಾಲಿನಲ್ಲೇ ಚಾಂಪಿಯನ್ ಗೆಲ್ಲುವುದು ಮಹಿ ರೇಸಿಂಗ್ ಟೀಮ್ ಇಂಡಿಯಾದ ಗುರಿಯಾಗಿದೆ. ಈ ನಿಟ್ಟಿನಲ್ಲಿ ವಿಶ್ವ ಚಾಂಪಿಯನ್ ಕೆನಾನ್ ಸೊಫೊಗ್ಲು ಮತ್ತು ಮಾಜಿ ವಿಶ್ವ ಚಾಂಪಿಯನ್ ಫ್ಯಾಬಿಯನ್ ಫೋರೆಟ್ ಜತೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಮಹಿ ತಂಡವು ಈಗಾಗಲೇ ಉತ್ತಮ ನಿರ್ವಹಣೆ ನೀಡುತ್ತಾ ಬಂದಿವೆ.

ತಂಡದ ಬಗ್ಗೆ ಮಹಿ ಹೆಮ್ಮೆ

ತಮ್ಮ ತಂಡದ ಬಗ್ಗೆ ಮಹಿಗೆ ತುಂಬಾನೇ ಹೆಮ್ಮೆಯಿದೆ. ಇವೆಲ್ಲವೂ ತಂಡದ ವಿಚಾರದಲ್ಲಿ ಅಡಗಿದ್ದು, ಉತ್ತಮ ತಂಡ ಹೊಂದಿರಬೇಕಾಗಿದೆ. ಸ್ಪರ್ದಿಗಳು ಉತ್ತಮ ನಿರ್ವಹಣೆ ನೀಡಬೇಕಾಗಿದೆ. ರೇಸಿಂಗ್‌ನಲ್ಲೂ ಇದು ಅನ್ವಯವಾಗುತ್ತದೆ. ನೀವು ಗುಣಮಣ್ಣದ ರೈಡರ್‌ಗಳನ್ನು, ತಂಡವನ್ನು ಹಾಗೂ ತಾಂತ್ರಿಕ ತಜ್ಞರನ್ನು ಹೊಂದಿರಬೇಕಾಗುತ್ತದೆ. ರೇಸಿಂಗ್ ಎಂಬುದು ಡ್ರೈವರುಗಳ ಹೊರತುಪಡಿಸಿ ತಾಂತ್ರಿಕ ನೆರವಿನ ಅಗತ್ಯವಿದೆ ಎಂದಿದ್ದಾರೆ.

ನನಸಾಯ್ತು ಮಹಿ ಕನಸು (ವೀಡಿಯೋ)

ದೇಶದಲ್ಲಿ ಡ್ರೈವಿಂಗ್ ಸ್ಕೂಲ್ ಆರಂಭಿಸುವುದು ನನ್ನ ಕನಸಾಗಿತ್ತು. ಇದೀಗ ರೇಸಿಂಗ್ ತಂಡ ಕಟ್ಟುವುದರೊಂದಿಗೆ ಕನಸನ್ನು ಹಿಂಬಾಲಿಸಿದಂತಾಗಿದೆ. ಅಲ್ಲದೆ ದೇಶದ ಮೋಟಾರ್ ರೇಸಿಂಗ್‌ಗೆ ಉತ್ತೇಜನ ನೀಡಲು ಬಯಸುತ್ತಿರುವ ಧೋನಿ ತಮ್ಮ ಈ ತಂಡ ಸರಿಯಾದ ದಿಶೆಯತ್ತ ಸಾಗುತ್ತಿದೆ ಎಂಬುದನ್ನು ನಂಬಿಕೊಂಡಿದ್ದಾರೆ. ಮುಂಬರುವ ವರ್ಷಗಳಲ್ಲಿ ಮಹಿ ರೇಸಿಂಗ್ ಟೀಮ್ ಟೀಮ್ ಇಂಡಿಯಾ ದೇಶದ ರೈಡರ್‌ಗಳನ್ನು ಹೊಂದಿದ್ದರೆ ಯಾರು ಅಚ್ಚರಿಪಡಬೇಕಾಗಿಲ್ಲ ಎಂದು ಧೋನಿ ತಿಳಿಸಿದ್ದಾರೆ.