ಕೆಟಿಎಂ ಸ್ಪೋರ್ಟ್ಸ್ ಬೈಕ್‌ಗೆ ಎಬಿಎಸ್ ಜಲಕ್

ಕೆಟಿಎಂ ಡ್ಯೂಕ್ 390 ಸ್ಪೋರ್ಟ್ಸ್ ಬೈಕ್ ಆಗಮನ ಇನ್ನು ಹತ್ತಿರದಲ್ಲಿದೆ. ಇದರಂತೆ ಬೈಕ್‌ಗೆ ಸ್ಪೋರ್ಟಿ ಟಚ್ ನೀಡಲು ಹೆಚ್ಚಿನ ಫೀಚರ್ಸ್ ಆಳವಡಿಸಲಾಗಿದೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಕಳೆದ ವರ್ಷದ EICMA ಶೋದಲ್ಲಿ ಕೆಟಿಎಂ ಡ್ಯೂಕ್ 390 ಬೈಕ್ ಅನಾವರಣಗೊಳಿಸಲಾಗಿತ್ತು. ಇದೀಗ ಬಜಾಜ್ ಪಾಲುದಾರಿಕೆಯಲ್ಲಿ ಪುಣೆಯ ಚಕಾನ್ ಘಟಕದಲ್ಲಿ ತಯಾರುಗೊಳ್ಳಲಿದೆ.

ಇದು ಶಕ್ತಿಶಾಲಿ ಎಂಜಿನ್ ಪಡೆಯಲಿದ್ದು 43 ಹಾರ್ಸ್ ಪವರ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿರಲಿದೆ. ಇನ್ನು ಭಾರತೀಯ ರಸ್ತೆಗಳಿಗೆ ಹೋಲಿಸಿದಾಗ ಎಬಿಎಸ್ ಆಯ್ಕೆ ಉತ್ತಮ ಸಮತೋಲನ ನೀಡಲಿದೆ.

ಈ ಮೂಲಕ ಎಬಿಎಸ್ ಆಯ್ಕೆಯುಳ್ಳ ದೇಶದ ಮೂರನೇ ಬೈಕ್ ಎನಿಸಿಕೊಳ್ಳಲಿದೆ. ಕೆಟಿಎಂ ಹೊರತಾಗಿ ಹೋಂಡಾ ಸಿಬಿಆರ್250ಆರ್ ಹಾಗೂ ಟಿವಿಎಸ್ ಆಪಾಚೆ ಆರ್‌ಟಿಆರ್180 ಬೈಕ್‌ಗಳಿಗೆ ಎಬಿಎಸ್ ಆಯ್ಕೆಗಳಿವೆ.

ಅಂದ ಹಾಗೆ ಕೆಟಿಎಂ ಡ್ಯೂಕ್ ದರ ಎರಡು ಲಕ್ಷ ಅಸುಪಾಸಿನಲ್ಲಿರಲಿದೆ ಎಂದು ಅಂದಾಜಿಸಲಿದೆ. ಈ ಬಗ್ಗೆ ಸಂಪೂರ್ಣ ವಿವರಣೆಯನ್ನು ಕಂಪನಿ ಮುಂದಿನ ದಿನಗಳಲ್ಲಿ ನೀಡಲಿದೆ.