ಹ್ಯೊಸಂಗ್ ಎಸ್‌ಟಿ7 ಪವರ್ ಕ್ರೂಸರ್ ಕಾನ್ಸೆಪ್ಟ್

ದಕ್ಷಿಣ ಕೊರಿಯೊ ಮೂಲದ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆಯಾಗಿರುವ ಹ್ಯೊಸಂಗ್ ತನ್ನ ನೂತನ ಎಸ್‌ಟಿ7 ಪವರ್ ಕ್ರೂಸರ್ ಕಾನ್ಸೆಪ್ಟ್‌ನ ರೇಖಾಚಿತ್ರವನ್ನು ಬಿಡುಗಡೆಗೊಳಿಸಿದೆ. ಈ ಬಹುನಿರೀಕ್ಷಿತ ಮೋಟಾರ್ ಸೈಕಲ್ ಇಟಲಿಯಲ್ಲಿ ನವೆಂಬರ್ ತಿಂಗಳಲ್ಲಿ ನಡೆಯಲಿರುವ ಮಿಲಾನ್ ಮೋಟಾರು ಶೋದಲ್ಲಿ ಅನಾವರಣವಾಗಲಿದೆ.

ಈ ಚಿತ್ರವನ್ನು ಸೂಕ್ಷ್ಮವಾಗಿ ನೋಡಿದಾಗ ನಿಮಗೆ ಡುಕಾಟಿ ಡಯಾವೆಲ್ ನೆನಪಾಗಬಹುದು. ವೇಗ ಹಾಗೂ ವೇಗವರ್ಧನೆಯ ಸಂಯುಕ್ತ ರೂಪವಾಗಿರುವ ಈ ಸ್ಪೋರ್ಟ್ಸ್ ಬೈಕ್ ಪ್ರಯಾಣಿಕರಿಗೆ ಆರಾಮದಾಯಕ ಪಯಣ ಖಾತ್ರಿಪಡಿಸಲಿದೆ.

ಸದ್ಯವಿರುವ ಹ್ಯೊಸಂಗ್ ಎಸ್‌‍ಟಿ7 678 ಸಿಸಿ ವಿ ಟ್ವಿನ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತಿದ್ದು, 57 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಇದೀಗ ಬಿಡುಗಡೆಗೊಳಿಸಿರುವ ಹೊಸ ಬೈಕ್ ಸಹ ಇದಕ್ಕೆ ಸಮಾನವಾದ ಎಂಜಿನ್ ತಂತ್ರಾಂಶವನ್ನು ಪಡೆದುಕೊಳ್ಳುವ ಸಾಧ್ಯತೆಯಿದೆ.