ಇಂಡೋನೇಷ್ಯಾ ಶೋ ರೂಂ ಒಳನುಗ್ಗಿದ ಟಿವಿಎಸ್ ಡ್ರೇಕನ್

ಪ್ರತಿಷ್ಠಿತ 2014 ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನ ಕಂಡಿದ್ದ ಟಿವಿಎಸ್ ಡ್ರೇಕನ್ ಕಾನ್ಸೆಪ್ಟ್ ವಾಹನ ಯಾವಾಗ ಬಿಡುಗಡೆಯಾಗಲಿದೆ ಎಂಬುದು ದೇಶದ ಅಭಿಮಾನಿಗಳಲ್ಲಿ ಅತೀವ ಕುತೂಹಲ ಮೂಡಿಸಿದೆ.

ಹಾಗಿರಬೇಕೆಂದರೆ ನೆರೆಯ ಇಂಡೋನೇಷ್ಯಾದ ನಿರ್ದಿಷ್ಟ ಶೋ ರೂಂವೊಂದರಲ್ಲಿ ಈ ಬಹುನಿರೀಕ್ಷಿತ ಬೈಕ್ ಪ್ರದರ್ಶನಗೊಂಡಿದೆ. 250 ಸಿಸಿ ವಿಭಾಗದಲ್ಲಿ ಡ್ರೇಕನ್ ಹೊಸ ಅಲೆಯೆಬ್ಬಿಸಲಿದೆ ಎಂಬುದು ಅಭಿಮಾನಿಗಳ ನಂಬಿಕೆ.

ಬಜಾಜ್ ಹಾಗೂ ಕೆಟಿಎಂ ಹಾದಿಯನ್ನೇ ತುಳಿದಿದ್ದ ಟಿವಿಎಸ್. ಜರ್ಮನಿಯ ಐಕಾನಿಕ್ ಬಿಎಂಡಬ್ಲ್ಯು ಮೊಟೊರಾಡ್ ಜತೆಗೂಡಿ ಸಾಧಾರಣ ಬೈಕ್ ಉತ್ಪಾದಿಸುವದರಲ್ಲಿ ಮಗ್ನವಾಗಿದೆ. ಈ ಮೂಲಕ ಬೆಳೆದು ಬರುತ್ತಿರುವ ರಾಷ್ಟ್ರಗಳತ್ತ ತನ್ನ ಗಮನ ಕೇಂದ್ರಿಕರಿಸುತ್ತಿದೆ.

250 ಸಿಸಿ ಸಿಂಗಲ್ ಸಿಲಿಂಡರ್ ಡಿಒಎಚ್‌ಸಿ ಎಂಜಿನ್ ಹೊಂದಲಿರುವ ಟಿವಿಎಸ್ ಡ್ರೇಕನ್ 38.5 ಅಶ್ವಶಕ್ತಿ (23 ಎನ್‌ಎಂ ಟಾರ್ಕ್) ಉತ್ಪಾದಿಸಲಿದೆ. ಹಾಗೆಯೇ 6 ಸ್ಪೀಡ್ ಗೇರ್ ಬಾಕ್ಸ್ ಪಡೆದುಕೊಳ್ಳಲಿದೆ. ವರದಿಗಳ ಪ್ರಕಾರ 2015 ಮಧ್ಯಂತರ ಅವಧಿಯಲ್ಲಿ ಡ್ರೇಕನ್ ಮಾದರಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.