ನಿರೀಕ್ಷಿಸಿ ಟಿವಿಎಸ್ 'ಸ್ಕೂಟಿ ಜೆಸ್ಟ್' ಸ್ಕೂಟರ್

ನಿಮಗೆಲ್ಲರಿಗೂ ತಿಳಿದಂತೆಯೇ ಸ್ಕೂಟಿ ಟಿವಿಎಸ್‌ನ ಜನಪ್ರಿಯ ಸ್ಕೂಟರ್ ಬ್ರಾಂಡ್ ಆಗಿದೆ. ಸ್ಕೂಟರ್ ವಿಭಾಗದಲ್ಲಿ ಟಿವಿಎಸ್ ಯಶಸ್ಸಿನ ಹಿಂದುಗಡೆ ಸ್ಕೂಟಿ ಪಾತ್ರ ಬಹುದೊಡ್ಡದಾಗಿತ್ತು.

ಪ್ರಸ್ತುತ ದೇಶದ ಮುಂಚೂಣಿಯ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆಯಾಗಿರುವ ಟಿವಿಎಸ್, 2014 ಆಟೋ ಎಕ್ಸ್ ಪೋದಲ್ಲಿ ನೂತನ ಸ್ಕೂಟಿ ಜೆಸ್ಟ್ 110 ಸಿಸಿ ಸ್ಕೂಟರ್ ಪರಿಚಯಿಸಿದ್ದು ವಾಹನ ಪ್ರೇವಮಿಗಳಲ್ಲಿ ಭಾರಿ ನಿರೀಕ್ಷೆಗೆ ಕಾರಣವಾಗಿದೆ. ಟಿವಿಎಸ್ ದೇಶಕ್ಕೆ ಪರಿಚಯಿಸಿರುವ ಎಲ್ಲ ಆಟೋಮ್ಯಾಟಿಕ್ ಸ್ಕೂಟರ್ ಆವೃತ್ತಿಗಳು ಹೆಚ್ಚು ಜನಪ್ರಿಯತೆಯನ್ನು ಗಿಟ್ಟಿಸಿಕೊಂಡಿತ್ತು. ಪ್ರಮುಖವಾಗಿಯೂ ಹೆಣ್ಮಕ್ಕಳಲ್ಲಿ ಸ್ಕೂಟಿ ಹೆಚ್ಚು ಜನಪ್ರಿಯತೆ ಪಡೆದಿತ್ತು.

ಈ ಎಲ್ಲ ಕಾಸ್ಮೆಟಿಕ್ ಬದಲಾವಣೆಗಳ ಹೊರತಾಗಿ ನೂತನ ಸ್ಕೂಟಿ ಜೆಸ್ಟ್, ಹೆಚ್ಚು ಸ್ಥಳಾವಕಾಶ ಹೊಂದಿರುವ ಸೀಟು, ದೊಡ್ಡದಾದ ಫುಟ್ ಬೋರ್ಡ್ ಮತ್ತು 19 ಲೀಟರ್ ಸ್ಟೋರೆಜ್ ಪ್ರದೇಶ ಪಡೆದುಕೊಂಡಿದೆ. ಹಾಗೆಯೇ ದೊಡ್ಡದಾದ ಹೆಡ್ ಲೈಟ್ ಜತೆಗೆ ಡ್ಯುಯಲ್ ಟೋನ್ ಬಾಡಿ ಕಲರ್ ಸಹ ಪಡೆದುಕೊಂಡಿದೆ. ಇನ್ನು ಮೈಲೇಜ್ ಬಗ್ಗೆ ಮಾತನಾಡುವುದಾದ್ದಲ್ಲಿ ಪ್ರತಿ ಲೀಟರ್‌ಗೆ 62 ಕೀ.ಮೀ. ವರೆಗೂ ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿರಲಿದೆ.