ಭಾರತದಲ್ಲಿ ಯಮಹಾ ಆಲ್ಫಾ ಸ್ಕೂಟರ್‌ಗೆ ಹಿಂದಕ್ಕೆ ಕರೆ

ಭಾರತದ ವಿಸ್ತಾರವಾದ ದ್ವಿಚಕ್ರ ವಾಹನ ಮಾರುಕಟ್ಟೆಯಲ್ಲಿ ಜಪಾನ್ ಮೂಲದ ಯಮಹಾ ಸ್ಕೂಟರ್‌ಗಳು ತನ್ನದೇ ಆದ ಮಾರಾಟ ವಲಯವನ್ನು ಕಾಯ್ದುಕೊಂಡಿದೆ. ಈ ಪೈಕಿ ಯಮಹಾ ಆಲ್ಫಾ ಉತ್ತಮ ಹೆಸರು ಮಾಡಿಕೊಂಡಿದೆ.

ಆದರೆ ಈಗ ಬಂದಿರುವ ಮಾಹಿತಿಗಳ ಪ್ರಕಾರ ಯಮಹಾ ಆಲ್ಫಾದಲ್ಲಿ ಸಂಭವನೀಯ ಸಮಸ್ಯೆಗಳನ್ನು ತಪ್ಪಿಸುವ ನಿಟ್ಟಿನಲ್ಲಿ ಈ ಜನಪ್ರಿಯ ಮಾದರಿಯನ್ನು ಹಿಂದಕ್ಕೆ ಕರೆಯಿಸಿಕೊಳ್ಳಲಾಗುತ್ತದೆ.

ಪ್ರಸ್ತುತ ಸಮಸ್ಯೆಯನ್ನು ಕೇವಲ ಮೂರು ತಾಸಿನೊಳಗೆ ಸರಿಪಡಿಸಿ ಕೊಡಲಾಗುತ್ತದೆ. ಈ ಸಂಬಂಧ ಯಮಹಾ ಡೀಲರುಗಳು ಗ್ರಾಹಕರ ಸಂಪರ್ಕದಲ್ಲಿದ್ದಾರೆ ಎಂಬ ಬಗ್ಗೆಯೂ ಮಾಹಿತಿ ಲಭಿಸಿದೆ.

ನೂತನ ಆಲ್ಫಾದಲ್ಲಿ 113 ಸಿಸಿ ಸಿಂಗಲ್ ಸಿಲಿಂಡರ್ ಏರ್ ಕೂಲ್ಡ್ ಎಂಜಿನ್ ಆಳವಡಿಸಲಾಗಿದ್ದು, 7.1 ಅಶ್ವಶಕ್ತಿ (8.1 ಎನ್‌ಎಂ ಟಾರ್ಕ್) ಉತ್ಪಾದಿಸುತ್ತದೆ. ಇದು ಮಾರುಕಟ್ಟೆಯಲ್ಲಿ ಹೋಂಡಾ ಆಕ್ಟಿವಾ, ಸುಜುಕಿ ಸ್ವಿಷ್, ಟಿವಿಎಸ್ ಜೂಪಿಟರ್ ಹಾಗೂ ಪಿಯಾಜಿಯೊ ವೆಸ್ಪಾ ಸ್ಕೂಟರುಗಳ ಸವಾಲುಗಳನ್ನು ಎದುರಿಸುತ್ತದೆ.