ಹೀರೊ ಸ್ಪ್ಲೆಂಡರ್ ಐಸ್ಮಾರ್ಟ್ ಮಾರಾಟ ಸ್ಥಗಿತ; ಕಾರಣ ಏನಿರಬಹುದು?

ಹೀರೊ ಸಂಸ್ಥೆಯು 2014ನೇ ಇಸವಿಯಲ್ಲಿ ಮೊದಲ ಬಾರಿಗೆ ಐಸ್ಮಾರ್ಟ್ ತಂತ್ರಜ್ಞಾನವನ್ನು (ಐ3ಎಸ್) ಒಳಗೊಂಡಿರುವ ಐಸ್ಮಾರ್ಟ್ ಬೈಕನ್ನು ಪರಿಚಯಿಸಿತ್ತು.

ಇದರಲ್ಲಿರುವ ಎಂಜಿನ್ ಸ್ಟ್ಯಾರ್ಟ್-ಸ್ಟಾಪ್ ತಂತ್ರಗಾರಿಕೆಯು ಇಂಧನ ಉಳಿತಾಯದೊಂದಿಗೆ ಹೆಚ್ಚಿನ ಇಂಧನ ಕ್ಷಮತೆ ಕಾಪಾಡಿಕೊಳ್ಳಲು ನೆರವಾಗಿತ್ತು.

ಇದರ 97.2 ಸಿಸಿ ಏರ್ ಕೂಲ್ಡ್ ಫೋರ್ ಸ್ಟ್ರೋಕ್ ಸಿಂಗಲ್ ಸಿಲಿಂಡರ್ ಎಪಿಡಿವಿ ಎಂಜಿನ್ 8.05 ಎನ್ ಎಂ ತಿರುಗುಬಲದಲ್ಲಿ 8.36 ಅಶ್ವಶಕ್ತಿಯನ್ನು ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಹಾಗೆಯೇ ನಾಲ್ಕು ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿದ್ದು, ಗಂಟೆಗೆ ಗರಿಷ್ಠ 87 ಕೀ.ಮೀ. ವೇಗದಲ್ಲಿ ಸಂಚರಿಸುತ್ತದೆ.

ಸಂಸ್ಥೆಯ ಪ್ರಕಾರ ಹೀರೊ ಸ್ಪ್ಲೆಂಡರ್ ಐಸ್ಮಾರ್ಟ್ 100 ಸಿಸಿ ಬೈಕ್ ಪ್ರತಿ ಲೀಟರ್ ಗೆ 102 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿದೆ.

ಇನ್ನೊಂದೆಡೆ ತನ್ನದೇ ಘಟಕದಲ್ಲಿ ಅಭಿವೃದ್ಧಿಪಡಿಸಿರುವ ಹೀರೊ ಸ್ಪ್ಲೆಂಡರ್ ಐಸ್ಮಾರ್ಟ್ 110 ಪ್ರಯಾಣಿಕ ಬೈಕ್, ಏರ್ ಕೂಲ್ಡ್ ಸಿಂಗಲ್ ಸಿಲಿಂಡರ್ 4 ಸ್ಟ್ರೋಕ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದ್ದು, 9 ಎನ್ ಎಂ ತಿರುಗುಬಲದಲ್ಲಿ 8.9 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಅಲ್ಲದೆ 4 ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿರುತ್ತದೆ.

ನೂತನ ಸ್ಪ್ಲೆಂಡರ್ ಐಸ್ಮಾರ್ಟ್ 110 ಸಿಸಿ ಬೈಕ್ ಭಾರತದಲ್ಲಿ ಅಂದಾಜು 58,000 ರು.ಗಳಷ್ಟು ದುಬಾರಿಯೆನಿಸಲು ಸಾಧ್ಯತೆಯಿದೆ. ಇದು ಕೂಡಾ 90ರಿಂದ 100ರ ಅಸುಪಾಸಿನಲ್ಲಿ ಮೈಲೇಜ್ ಕಾಪಾಡಿಕೊಳ್ಳಲಿದೆ.