ಬಜಾಜ್ ಪಲ್ಸರ್ ಎನ್ಎಸ್160 ಬೈಕ್ ಭಾರತದಲ್ಲಿ ಬಿಡುಗಡೆ : ಬೆಲೆ ರೂ. 82,400

ಪ್ರತಿಷ್ಠಿತ ಭಾರತೀಯ ದ್ವಿಚಕ್ರ ವಾಹನ ತಯಾರಕ ಬಜಾಜ್ ಆಟೊ ಪಲ್ಸರ್ ಸರಣಿಯ ಮತ್ತೊಂದು ದ್ವಿಚಕ್ರ ವಾಹನ ಏನ್‌ಎಸ್160 ಬಿಡುಗಡೆಗೊಳಿಸಿದೆ. ಪಲ್ಸರ್ ಎನ್ಎಸ್160 ರೂ. 82,400 (ಎಕ್ಸ್ ಷೋ ರೂಂ ಪುಣೆ) ಬೆಲೆ ಹೊಂದಿದೆ.

ಈ ಹೊಸ ಏನ್‌ಎಸ್160 ಬೈಕ್, ಪಲ್ಸರ್ ವಿಭಾಗದಲ್ಲಿ ಹೊಸ ಉತ್ಪನ್ನವಾಗಿದೆ ಮತ್ತು ಈ ಬೈಕ್‌ ಇತ್ತೀಚೆಗೆ ಸ್ಥಗಿತಗೊಂಡಿರುವ ಪಲ್ಸರ್ ಎಎಸ್150 ಬೈಕ್ ಆಧರಿಸಿದೆ.

ಒಟ್ಟಾರೆ ವಿನ್ಯಾಸವು ತನ್ನ ದೊಡ್ಡ ಸಹೋದರ ಪಲ್ಸರ್ ಏನ್‌ಎಸ್200ಗೆ ಹೋಲಿಕೆ ಹೊಂದಿದೆ, ಆದರೆ ಸ್ವಿಂಗ್ ಆರ್ಮ್ ಎನ್ಎಸ್200 ಮಾದರಿಗೆ ಹೋಲಿಸಿದರೆ ತೆಳುವಾಗಿದೆ.

ಹೊಸ ಪಲ್ಸರ್ ಬಿಡುಗಡೆಗೆ ಸಂಬಂಧಿಸಿದಂತೆ ಬಜಾಜ್ ಆಟೊ ಸಂಸ್ಥೆ ಅಧಿಕೃತ ಘೋಷಣೆ ಮಾಡಿಲ್ಲದಿದ್ದರೂ ಸಹ ಪುಣೆ ಮತ್ತು ಮುಂಬೈನಲ್ಲಿರುವ ಹಲವಾರು ವಿತರಕರು ಪಲ್ಸರ್ ಎನ್ಎಸ್ 160 ಮಾರಾಟದಲ್ಲಿದೆ ಎಂದು ಖಚಿತಪಡಿಸಿದ್ದಾರೆ.

ಈ ನೂತನ ದ್ವಿಚಕ್ರ ವಾಹನ ಸಿಂಗಲ್ ಸಿಲಿಂಡರ್ ಆಯಿಲ್ ಕೋಲ್ಡ್ 160.3 ಸಿಸಿ ಎಂಜಿನ್ ಹೊಂದಿದ್ದು, 14.6 ಏನ್‌ಎಂ ತಿರುಗುಬಲದಲ್ಲಿ 15.5 ಅಶ್ವಶಕ್ತಿ ಉತ್ಪಾದಿಸಲಿದೆ.

ಹೊಸ 160ಸಿಸಿ ಮೋಟಾರ್ ಸೈಕಲ್ ವಿಭಾಗಿಸಲಾದ ಸೀಟುಗಳು, ವಿಭಾಗಿಸಲಾದ ಹಿಂಭಾದಿಯ ಹಿಡಿ ಮತ್ತು ಎಲ್ಇಡಿ ಟೈಲ್ ಲ್ಯಾಂಪ್‌ ಮತ್ತು ಕೆಳಭಾಗದಲ್ಲಿರುವ ಹೋಗೆ ಉಗುಳುವ ಕೊಳವೆ ಪಡೆದುಕೊಂಡಿದೆ.

ಏನ್‌ಎಸ್160 ಬೈಕ್ 142 ಕೆ.ಜಿ ತೂಕ ಹೊಂದಿದ್ದು, ಎನ್ಎಸ್200 ಗಿಂತ 10 ಕೆ.ಜಿ ಹಗುರವಾಗಿ ಮತ್ತು ಮುಂಭಾಗದಲ್ಲಿ 240 ಎಂಎಂ ಡಿಸ್ಕ್ ಬ್ರೇಕ್ ಪಡೆದುಕೊಂಡಿದೆ.