ಆರ್‌ಎಸ್ 660 ಸ್ಪೋರ್ಟ್ಸ್ ಬೈಕಿನ ಟೀಸರ್ ಅನಾವರಣಗೊಳಿಸಿದ ಎಪ್ರಿಲಿಯಾ

ಎಪ್ರಿಲಿಯಾ ಆರ್‌ಎಸ್ 660 ಬೈಕಿನ ಪ್ರೀ-ಬುಕಿಂಗ್ ಗಳನ್ನು ಅಕ್ಟೋಬರ್ ನಲ್ಲಿ ಆರಂಭಿಸಲಾಗುವುದೆಂದು ಕಂಪನಿ ಹೇಳಿದೆ. ಕಂಪನಿಯು ಈ ಬೈಕ್‌ ಅನ್ನು ತನ್ನ ವೆಬ್‌ಸೈಟ್‌ನಲ್ಲಿ ಸೇರ್ಪಡೆಗೊಳಿಸಿದೆ. ಈ ಬೈಕ್ 2021ರ ಆರಂಭದಲ್ಲಿ ಭಾರತದಲ್ಲಿ ಬಿಡುಗಡೆಯಾಗುವ ಸಾಧ್ಯತೆಗಳಿವೆ. ಈ ವರ್ಷದ ಮಧ್ಯ ಭಾಗದಲ್ಲಿ ಈ ಬೈಕ್ ಅನ್ನು ಬಿಡುಗಡೆಗೊಳಿಸಲು ನಿರ್ಧರಿಸಲಾಗಿತ್ತು. ಆದರೆ ಕರೋನಾ ವೈರಸ್ ಕಾರಣದಿಂದಾಗಿ ಈ ಬೈಕಿನ ಬಿಡುಗಡೆಯನ್ನು ಮುಂದೂಡಲಾಗಿದೆ.

ಕಂಪನಿಯು ಈ ಬೈಕಿನ ಫೀಚರ್ ಗಳಿಗೆ ಸಂಬಂಧಿಸಿದ ಮಾಹಿತಿಯನ್ನು ಸಹ ಬಿಡುಗಡೆಗೊಳಿಸಿದೆ. ಎಪ್ರಿಲಿಯಾ ಆರ್‌ಎಸ್ 660 ಬೈಕಿನ ವಿನ್ಯಾಸವನ್ನು ಆರ್‌ಎಸ್ ವಿ 4 ಎಂಬ ದೊಡ್ಡ ಬೈಕಿನ ಮಾದರಿಯಿಂದ ಪಡೆಯಲಾಗಿದೆ.

MOST READ:ಒಂದು ಸಾವಿರ ರೂಪಾಯಿ ಪಾವತಿಸಿ ಈ ಸ್ಕೂಟರ್ ಬುಕ್ ಮಾಡಿ

ಆರ್‌ಎಸ್ 660 ಬೈಕ್ ಸ್ಪೋರ್ಟಿ ಹಾಗೂ ಅಗ್ರೇಸಿವ್ ಲುಕ್ ಅನ್ನು ಹೊಂದಿದೆ. ಬೈಕಿನ ಮುಂಭಾಗದಲ್ಲಿರುವ ಎಲ್‌ಇಡಿ ಡಿಆರ್‌ಎಲ್ ಗಳು ಬೈಕಿಗೆ ಆಕರ್ಷಕ ಲುಕ್ ನೀಡುತ್ತವೆ. ಈ ಬೈಕಿನಲ್ಲಿ ರೇಸಿಂಗ್‌ಗಾಗಿ ಏರೋಡೈನಾಮಿಕ್ ವಿನ್ಯಾಸವನ್ನು ನೀಡಲಾಗಿದೆ. ಇದರಿಂದಾಗಿ ಬೈಕ್‌ ಹೆಚ್ಚಿನ ವೇಗದಲ್ಲಿಯೂ ಬ್ಯಾಲೆನ್ಸ್ ಹೊಂದಿರುತ್ತದೆ.

ಈ ಬೈಕಿನಲ್ಲಿ ಎಲ್‌ಇಡಿ ಡಿಆರ್‌ಎಲ್ ಗಳನ್ನು ಹೊಂದಿರುವ ಎಲ್ಇಡಿ ಹೆಡ್ ಲ್ಯಾಂಪ್ ಅನ್ನು ಅಳವಡಿಸಲಾಗಿದೆ. ಇನ್ನು ಸೈಡ್ ಪ್ರೊಫೈಲ್ ಶಾರ್ಪ್ ಆದ ವಿನ್ಯಾಸವನ್ನು ಹೊಂದಿದೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಈ ಬೈಕ್ ಶಾರ್ಪ್ ಕ್ರೀಸ್ ಲೈನ್ ಹೊಂದಿರುವ ಸ್ಪೋರ್ಟಿ ಫ್ಯೂಯಲ್ ಟ್ಯಾಂಕ್ ಹೊಂದಿದೆ. ಈ ಬೈಕಿನ ವಿನ್ಯಾಸವು ಎಪ್ರಿಲಿಯಾ ಆರ್‌ಎಸ್ ವಿ 4 ಬೈಕಿನ ವಿನ್ಯಾಸದಂತಿದೆ. ಎಪ್ರಿಲಿಯಾ ಆರ್‌ಎಸ್ 660 ಬೈಕಿನಲ್ಲಿ 660 ಸಿಸಿ ಪ್ಯಾರಲೆಲ್-ಟ್ವಿನ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 100 ಬಿಹೆಚ್‌ಪಿ ಪವರ್ ಉತ್ಪಾದಿಸುತ್ತದೆ.

ಈ ಬೈಕಿನಲ್ಲಿ ದೊಡ್ಡ ಗಾತ್ರದ ಎಂಜಿನ್ ಇದ್ದರೂ, ಈ ಬೈಕಿನ ತೂಕ 165 ಕೆ.ಜಿಗಳಾಗಿದೆ. ಆರ್‌ಎಸ್ 660 ಬೈಕ್ 650 ಸಿಸಿ ಸೆಗ್ ಮೆಂಟಿನಲ್ಲಿರುವ ಕಡಿಮೆ ತೂಕದ ಬೈಕ್ ಆಗಿದೆ. ಎಪ್ರಿಲಿಯಾ ಕಂಪನಿಯು ಈ ಬೈಕಿನಲ್ಲಿ ಹಲವು ಹೊಸ ಟೆಕ್ನಾಲಜಿ ಹಾಗೂ ಸುರಕ್ಷತಾ ಫೀಚರ್ ಗಳನ್ನು ಅಳವಡಿಸಿದೆ.

MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ

ಈ ಬೈಕ್ ಎಬಿಎಸ್, ಕಾರ್ನರಿಂಗ್ ಅಸಿಸ್ಟ್, ಕ್ರೂಸ್ ಕಂಟ್ರೋಲ್, ವ್ಹೀಲಿ ಕಂಟ್ರೋಲ್ ಹಾಗೂ 5 ಡ್ರೈವ್ ಮೋಡ್ ಸೇರಿದಂತೆ ಹಲವು ಫೀಚರ್ ಗಳನ್ನು ಹೊಂದಿದೆ. ಇದರ ಜೊತೆಗೆ ಈ ಬೈಕಿನಲ್ಲಿ ಟಿಎಫ್‌ಟಿ ಇನ್ಸ್ ಟ್ರೂಮೆಂಟ್ ಕ್ಲಸ್ಟರ್ ಅಳವಡಿಸಲಾಗಿದೆ.

ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾದ ನಂತರ ಈ ಬೈಕ್ ಹೋಂಡಾ ಸಿಬಿಆರ್ 650, ಕವಾಸಕಿ ನಿಂಜಾ 650 ಹಾಗೂ ಕೆಟಿಎಂ 790 ಡ್ಯೂಕ್ ಬೈಕ್ ಗಳಿಗೆ ಪೈಪೋಟಿ ನೀಡಲಿದೆ.