ಚಲಿಸುವಾಗಲೇ ಮುರಿದುಬಿತ್ತು ಕೆಟಿಎಂ ಡ್ಯೂಕ್ 390 ಬೈಕಿನ ಎಂಜಿನ್ ಕೇಸ್

ಈ ಕೆಟಿಎಂ ಡ್ಯೂಕ್ 390 ಬೈಕಿನ ಕ್ರ್ಯಾಂಕ್ಶಾಫ್ಟ್ ಕೌಂಟರ್ ಬ್ಯಾಲೆನ್ಸರ್ ಎಂಜಿನ್ ಕೆಳಗೆ ತೂಗುತ್ತಿದ್ದು, ಬೈಕಿನ ಕೂಲೆಂಟ್ ಪೂರ್ತಿಯಾಗಿ ಸೋರಿಕೆಯಾಗುತ್ತಿದೆ. ಆದರೆ ಈ ವೀಡಿಯೊದಲ್ಲಿ ಬೈಕ್ ಎಂಜಿನ್‌ಗೆ ಹೇಗೆ ಹಾನಿಯಾಯಿತು ಎಂಬುದನ್ನು ಬಹಿರಂಗಪಡಿಸಿಲ್ಲ. ಮೂಲಗಳ ಪ್ರಕಾರ ಈ ಬೈಕ್ ಚಾಲನೆಯಲ್ಲಿರುವಾಗಲೇ ಎಂಜಿನ್ ಗೆ ಹಾನಿಯಾಗಿದೆ.

ಈ ಬೈಕ್ ಅನ್ನು 2016ರ ಇಐಸಿಎಂಎನಲ್ಲಿ ಜಾಗತಿಕವಾಗಿ ಬಿಡುಗಡೆಗೊಳಿಸಲಾಗಿತ್ತು. 2017ರಲ್ಲಿ ಕೆಟಿಎಂ ಡ್ಯೂಕ್ 390 ಬೈಕ್ ಅನ್ನು ದೇಶೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಾಯಿತು.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಪುಣೆಯ ಚಕನ್‌ನಲ್ಲಿರುವ ಕಂಪನಿಯ ಉತ್ಪಾದನಾ ಘಟಕದಲ್ಲಿ ಈ ಬೈಕ್‌ನ್ನು ದೇಶಿಯ ಮಾರುಕಟ್ಟೆಗಾಗಿ ಉತ್ಪಾದಿಸಲಾಗುತ್ತದೆ. ಈ ಬೈಕಿನ ಎಂಜಿನ್ ಕೇಸ್ ಅನ್ನು ಕಾಸ್ಟ್ ಅಲ್ಯೂಮಿನಿಯಂ ಅಲಾಯ್ ನಿಂದ ತಯಾರಿಸಲಾಗಿದೆ. ಸಾಕಷ್ಟು ಬಲಿಷ್ಟವಾಗಿರುವ ಎಂಜಿನ್ ಅಷ್ಟು ಸುಲಭವಾಗಿ ಮುರಿಯುವುದಿಲ್ಲ.

ಕೆಟಿಎಂ ಕಂಪನಿಯು ತನ್ನ ಬೈಕುಗಳನ್ನು ಅತ್ಯುತ್ತಮ ಗುಣಮಟ್ಟದ ವಸ್ತುಗಳಿಂದ ತಯಾರಿಸಲಾಗುತ್ತದೆ ಎಂದು ಹೇಳಿದೆ. ಆದರೆ ಈ ಡ್ಯೂಕ್ 390 ಬೈಕಿನ ಎಂಜಿನ್ ತಾಂತ್ರಿಕ ಕಾರಣಗಳಿಂದ ಮುರಿದು ಬಿದ್ದಿರುವ ಸಾಧ್ಯತೆಗಳಿವೆ.

MOSTREAD: ಬೀದಿ ನಾಯಿಯೇ ಈ ಶೋರೂಂನ ರಿಸೆಪ್ಶನಿಸ್ಟ್

ಹೆಚ್ಚಿನ ಪ್ರಮಾಣದಲ್ಲಿ ಬಿಸಿಯಾಗಿರುವ ಕಾರಣಕ್ಕೆ ಎಂಜಿನ್ ಕೇಸ್ ವಿಸ್ತರಣೆಗೊಂಡು ಮುರಿದುಹೋಗಿರುವ ಸಾಧ್ಯತೆಗಳಿವೆ. ಇದನ್ನು ತಡೆಗಟ್ಟಲು ಆಂಟಿಫ್ರೀಜ್ ಬ್ಲಾಕ್ ಮೂಲಕ ಎಂಜಿನ್ ಅನ್ನು ಸುರಕ್ಷಿತ ತಾಪಮಾನಕ್ಕೆ ತರಲು ಹೋಗಿರಬಹುದು.

ಆದರೆ ಸೋರಿಕೆಯಿಂದಾಗಿ ಆಂಟಿಫ್ರೀಜ್ ಎಂಜಿನ್ ಅನ್ನು ಕೂಲ್ ಮಾಡಲು ಸಾಧ್ಯವಾಗಿಲ್ಲ. ಈ ಕಾರಣಕ್ಕೆ ಎಂಜಿನ್ ಹೆಚ್ಚಿನ ಪ್ರಮಾಣದಲ್ಲಿ ಬಿಸಿಯಾಗಿದೆ. ಮತ್ತೊಂದು ಕಾರಣವೆಂದರೆ ಎಂಜಿನ್ ನಲ್ಲಿ ಉತ್ಪಾದನಾ ದೋಷವೂ ಆಗಿರಬಹುದು.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಮೊಲ್ಡಿಂಗ್ ಮಾಡುವ ಸಮಯದಲ್ಲಿ ಸರಿಯಾಗಿ ಕಾಳಜಿ ವಹಿಸದಿದ್ದರೆ, ಕೆಲವು ಸ್ಥಳಗಳಲ್ಲಿ ಮೆಟಲ್ ತೆಳ್ಳಗಾಗುತ್ತದೆ. ನಂತರ ಈ ರೀತಿಯ ಅಪಘಾತಗಳಿಗೆ ಕಾರಣವಾಗುತ್ತದೆ.