ಐಕಾನಿಕ್ ಎಲ್‌ಎಂಎಲ್ ರಿ ಎಂಟ್ರಿ; ಇತಿಹಾಸ ಮರುಕಳಿಸಲಿದೆಯೇ?

ನೂತನ ಯುರೋ ಸ್ಟಾರ್ ಯುರೋ 150ಸಿಸಿ ಆಟೋಮ್ಯಾಟಿಕ್ ಸ್ಕೂಟರಿನ ಪ್ರಮುಖ ವಿಶೇಷತೆಯೆಂದರೆ ದಶಕಗಳ ಹಿಂದಿನ ಕ್ಲಾಸಿಕ್ ವಿನ್ಯಾಸ ಕಾಪಾಡಿಕೊಳ್ಳುವಲ್ಲಿ ಎಲ್‌ಎಂಎಲ್ ಯಶ ಕಂಡಿದೆ.

ಇದರ ಜತೆಗೆ ಆಧುನಿಕ ಸಿವಿಟಿ ಆಟೋಮ್ಯಾಟಿಕ್ ತಂತ್ರಗಾರಿಕೆಯನ್ನು ಆಳವಡಿಸಿಕೊಳ್ಳಲಾಗಿದೆ. ಆದರೆ ಹೊಸ ಆವೃತ್ತಿಯಲ್ಲಿ ಸ್ಕೂಟರ್ ಹಿಂದುಗಡೆ ಹೆಚ್ಚುವರಿ ಚಕ್ರ ಅಲಭ್ಯತೆ ಕಾಡಲಿದೆ.

ಸಂಪೂರ್ಣ ಮೆಟಲ್ ದೇಹ ವಿನ್ಯಾಸವನ್ನು ಪಡೆದಿರುವ ಸ್ಟಾರ್ ಯುರೋ, ವೆಸ್ಪಾ ತರಹನೇ ಮೊನೊಕಾಕ್ ಚಾಸೀಸ್ ಪಡೆದುಕೊಂಡಿದೆ.

ಪ್ರಸ್ತುತ ದೇಶದಲ್ಲಿ 150 ಸಿಸಿ ಆಟೋಮ್ಯಾಟಿಕ್ ಸ್ಕೂಟರ್ ಮಾತ್ರ ಲಭ್ಯವಿರಲಿದೆ. ಇದು 1760 ಎಂಎಂ ಉದ್ದ, 695 ಎಂಎಂ ಅಗಲ, 820 ಎಂಎಂ ಎತ್ತರ ಮತ್ತು 1260 ಎಂಎಂ ವೀಲ್ ಬೇಸ್ ಹೊಂದಿರಲಿದೆ. ಹಾಗೆಯೇ 112 ಕೆ.ಜಿ ಭಾರ ಹೊಂದಿರುವ ಎಲ್‌ಎಂಎಲ್ ಸ್ಟಾರ್ ಯುರೋ, 160 ಎಂಎಂ ಗ್ರೌಂಡ್ ಕ್ಲಿಯರನ್ಸ್ ಸಹ ಪಡೆದುಕೊಂಡಿರಲಿದೆ.

ಅಂದ ಹಾಗೆ ಎಲ್‌ಎಂಎಲ್ ಸ್ಟಾರ್ ಯುರೋದಲ್ಲಿ ಸಿಂಗಲ್ ಸಿಲಿಂಡರ್, ಫೋರ್ ಸ್ಟ್ರೋಕ್, ಫೋರ್ಸ್ಡ್ ಏರ್ ಕೂಲ್ಡ್ ಎಂಜಿನ್ ಲಗತ್ತಿಸಲಾಗಿದೆ. ಇದು 9 ಅಶ್ವಶಕ್ತಿ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.

ಅದೇ ರೀತಿ ಗಂಟೆಗೆ ಗರಿಷ್ಠ 90 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯ ಹೊಂದಿರಲಿದೆ.

ಇನ್ನು ಸಂಸ್ಥೆಯ ಪ್ರಕಾರ ಪ್ರತಿ ಲೀಟರ್‌ಗೆ 55 ಕೀ. ಮೀ. ಮೈಲೇಜ್ ನೀಡುವ ಸಾಮರ್ಥ್ಯವನ್ನು ನೂತನ ಎಲ್‌ಎಂಎಲ್ ಆಟೋಮ್ಯಾಟಿಕ್ ಸ್ಕೂಟರ್ ಹೊಂದಿರಲಿದೆ. ಇದು ಏಳು ಲೀಟರ್ ಇಂಧನ ಸಹ ಪಡೆದುಕೊಂಡಿದೆ.

ವೆಸ್ಪಾ ಹಾಗೂ ಆಕ್ಟಿವಾ ತರಹನೇ ಸ್ಟಾರ್ ಯುರೋ ಸಹ ಮುಂದುಗಡೆ ಸಿಂಗಲ್ ಸೈಡಡ್ ಸಸ್ಫೆಷನ್ ಪಡೆದುಕೊಳ್ಳಲಿದೆ. ಹಾಗೆಯೇ ಡ್ರಮ್ ಬ್ರೇಕ್ ಸ್ಟಾಂಡರ್ಡ್ ಆಗಿರಲಿದ್ದು, ಫ್ರಂಟ್ ಡಿಸ್ಕ್ ಬ್ರೇಕ್ ಐಚ್ಛಿಕವಾಗಿರಲಿದೆ.

ದರ ಮಾಹಿತಿ (ಎಕ್ಸ್ ಶೋ ರೂಂ ಅಹಮದಾಬಾದ್)

• ಎಲ್‌ಎಂಎಲ್ ಸ್ಟಾರ್ ಯುರೋ 150 ಬೇಸ್ - ರು. 54,014
• ಎಲ್‌ಎಂಎಲ್ ಸ್ಟಾರ್ ಯುರೋ 150 ಜತೆಗೆ ಡಿಸ್ಕ್ ಬ್ರೇಕ್ - ರು. 57,918
• ಎಲ್‌ಎಂಎಲ್ ಸ್ಟಾರ್ ಯುರೋ 150 ಸಿಸಿ ಜತೆಗೆ ಡಿಸ್ಕ್ ಬ್ರೇಕ್ ಮತ್ತು ಮಲ್ಟಿ ಶೇಡ್ ಕಲರ್ - ರು. 59,422