ರಾಂಚಿಯಲ್ಲಿ ಸೂಪರ್ ಬೈಕ್ ಶೋ ರೂಂ ತೆರೆಯಲಿರುವ ಧೋನಿ

ತಮ್ಮದೇ ಆದ ಮಹಿ ರೇಸಿಂಗ್ ತಂಡವನ್ನು ಹೊಂದಿರುವ ಧೋನಿ, ಜನವರಿ ತಿಂಗಳಲ್ಲಿ ನಡೆದ ಬೈಕ್ ಫೆಸ್ಟಿವಲ್ ಆಫ್ ಇಂಡಿಯಾ (ಬಿಎಫ್‌ಐ) ಯಶಸ್ಸಿನಲ್ಲೂ ಪ್ರಮುಖ ಪಾತ್ರ ವಹಿಸಿದ್ದರು. 2014 ಜನವರಿ ತಿಂಗಳಲ್ಲಿ ನಡೆದ ಈ ಹಬ್ಬದಲ್ಲಿ 120ಕ್ಕೂ ಹೆಚ್ಚು ಸ್ಪರ್ಧಿಗಳು ಭಾಗವಹಿಸಿದ್ದರು. ಇಲ್ಲಿ ವಿಜೇತರಾದವರು ಪ್ರಸಕ್ತ ಸಾಲಿನಲ್ಲೇ (ಅಕ್ಟೋಬರ್) ಗ್ರೇಟರ್ ನೋಯ್ಡಾದ ಬುದ್ಧ ಅಂತರಾಷ್ಟ್ರೀಯ ಸರ್ಕ್ಯೂಟ್‌ನಲ್ಲಿ ನಡೆಯಲಿರುವ ಫೈನಲ್‌ನಲ್ಲಿ ಭಾಗವಹಿಸಲಿದ್ದಾರೆ.

ಈ ನಡುವೆ ಮಹೇಂದ್ರ ಸಿಂಗ್ ಧೋನಿ, ಪೂರ್ಣವಾಗಿಯೂ ತಮ್ಮದೇ ಹೂಡಿಕೆಯಲ್ಲಿ ಸೂಪರ್ ಬೈಕ್ ಶೋ ರೂಂ ತೆರೆಯುವ ಉತ್ಸುಕತೆ ವ್ಯಕ್ತಪಡಿಸಿದ್ದಾರೆ. ಅಷ್ಟೇ ಅಲ್ಲದೆ ರಾಂಚಿಯಲ್ಲಿ ಶಾಂಪಿಂಗ್ ಕಾಂಪ್ಲೆಕ್ಸ್ ತೆರೆಯುವ ಇರಾದೆಯಲ್ಲಿದ್ದಾರೆ.

10 ಅಂತಸ್ತಿನ ಶಾಪಿಂಗ್ ಕಾಂಪ್ಲೆಕ್ಸ್‌ನಲ್ಲೇ ಈ ಸೂಪರ್ ಬೈಕ್ ಶೋ ರೂಂ ತೆರೆಯಲಾಗುವುದು. ಈ ಸಂಬಂಧ ಮಹಾನಗರ ಪಾಲಿಕೆಯಿಂದಲೂ ಅನುಮತಿ ಪಡೆಯಲಾಗಿದೆ.

ಈ ಮೂಲಕ ಸೂಪರ್ ಬೈಕ್‌ಗಳ ಮೇಲಿನ ಪ್ರೇಮವನ್ನು ಮಹೇಂದ್ರ ಸಿಂಗ್ ಮಗದೊಮ್ಮೆ ಸಾಬೀತುಪಡಿಸಿದ್ದಾರೆ. ಅವರ ಗ್ಯಾರೇಜ್‌ನಲ್ಲಿ ಹೆಲಿಕ್ಯಾಟ್, ಹರ್ಲಿ ಡೇವಿಡ್ಸನ್, ಬಿಎಂಡಬ್ಲ್ಯು, ಡುಕಾಟಿ, ಯಮಹಾಗಳಂತಹ ಸೂಪರ್ ಬೈಕ್‌ಗಳ ದೊಡ್ಡ ಶೇಖರಣೆಯಿದೆ.

ಧೋನಿ ಹರ್ಲಿ ರೈಡಿಂಗ್ ಮಜಾ

ಮತ್ತೆ ಬಯಲಾಯ್ತು ಧೋನಿ ಬೈಕ್ ಪ್ರೇಮ

ಮಹೇಂದ್ರ ಧೋನಿಯ ರೇಸಿಂಗ್ ಟೀಮ್ ಪ್ರಕಟ

ಧೋನಿ ಮೊದಲ ಬೈಕ್ ರಿಪೇರಿ ಮಾಡಲು ಯಾರಿಂದ ಸಾಧ್ಯ?