ದಟ್ಸನ್ ರೆಡಿ ಗೊ; ನಿಮ್ಮ ಅಂತಸ್ತಿಗೆ ತಕ್ಕ ಕಾರು ಹೌದೇ?

By Nagaraja

Published: Friday, April 15, 2016, 16:47 [IST]

ಹೇಳಿ ಕೇಳಿ ತಿಳಿದಂತೆ ಭಾರತೀಯರ ಪಾಲಿಗೆ ದಟ್ಸನ್ ಹೊಸ ಬ್ರಾಂಡ್. ನೂತನ ಬ್ರಾಂಡ್ ಆಗಿರುವಂತೆಯೇ ಕಾರು ಖರೀದಿಗಾರರಲ್ಲಿ ಹಲವಾರು ಗೊಂದಲಗಳಿರುವುದು ಸಹಜ. ಎರಡು ವರ್ಷಗಳ ಹಿಂದೆಯಷ್ಟೇ ಭಾರತ ಪ್ರವೇಶಿಸಿರುವ ದಟ್ಸನ್ ಈಗಗಾಲೇ ಗೊ ಹ್ಯಾಚ್ ಬ್ಯಾಕ್ ಮತ್ತು ಗೊ ಪ್ಲಸ್ ಎಂಪಿವಿಗಳೆಂಬ ಎರಡು ಮಾದರಿಗಳನ್ನು ಬಿಡುಗಡೆಗೊಳಿಸಿದರೂ ನಿರೀಕ್ಷಿಸಿದಷ್ಟು ಯಶ ದೊರಕಿರಲಿಲ್ಲ.

ಮೋಡಿ ಮಾಡಿದ ದಟ್ಸನ್ ರೆಡಿ ಗೊ ಜಾಗತಿಕ ಅನಾವರಣ

ಈ ಎಲ್ಲ ಅಂಶಗಳು ಒಂದೆಡೆಯಾದರೆ ವಿಶಾಲವಾಗಿ ಹರಡಿರುವ ಭಾರತೀಯ ಸಣ್ಣ ಕಾರು ಮಾರುಕಟ್ಟೆಯಲ್ಲಿ ಪ್ರಭಾವ ಬೀರುವ ನಿರೀಕ್ಷೆ ಹೊಂದಿರುವ ದಟ್ಸನ್, 'ರೆಡಿ ಗೊ' ಎಂಬ ಆಕರ್ಷಕ ಕಾರನ್ನು ಅನಾವರಣಗೊಳಿಸಿದೆ. ಅಷ್ಟಕ್ಕೂ ದಟ್ಸನ್ ರೆಡಿ ಗೊ ನಿಮ್ಮ ಅಂತಸ್ತಿಗೆ ತಕ್ಕ ಕಾರು ಹೌದೇ? ಎಂಬುದನ್ನು ಎಕ್ಸ್ ಕ್ಲೂಸಿವ್ ಚಿತ್ರಗಳು ಮತ್ತು ಸಮಗ್ರ ವಿವರಣೆಯ ಮುಖಾಂತರ ಇಲ್ಲಿ ತಿಳಿಯುವ ಪ್ರಯತ್ನ ಮಾಡಲಿದ್ದೇವೆ.

ಅರ್ಬನ್ ಕ್ರಾಸ್

ನೂತನ ದಟ್ಸನ್ ರೆಡಿ ಗೊ ತನ್ನನ್ನು ತಾನೇ ಅರ್ಬನ್ ಕ್ರಾಸ್ ಎಂದು ಬಿಂಬಿಸಿದ್ದು, ನಗರ ಪ್ರದೇಶದ ಯುವ ವಾಹನ ಖರೀದಿಗಾರರನ್ನು ಹೆಚ್ಚು ಗುರಿಯಾಗಿಸಿಕೊಂಡಿದೆ.

ಒಳಮೈ

ಸಣ್ಣ ಕಾರು ಆಗಿರುವ ಹೊರತಾಗಿಯೂ ಕೈಗೆಟುಕುವ ದರಗಳಲ್ಲಿ ಗರಿಷ್ಠ ವೈಶಿಷ್ಟ್ಯಗಳನ್ನು ಒದಗಿಸುವುದರತ್ತ ದಟ್ಸನ್ ಗಮನ ಹರಿಸಿದೆ.

ಚಾರ್ಚಿಂಗ್ ಪೋರ್ಟ್

ಆಧುನಿಕ ಜಗತ್ತಿನಲ್ಲಿ ಮೊಬೈಲ್ ಫೋನ್ ಇಲ್ಲದೆಯೇ ಜೀವನ ಇಲ್ಲ ಎಂಬಂತಾಗಿದೆ. ಇದನ್ನು ಮನಗಂಡಿರುವ ದಟ್ಸನ್ 12 ವಾಟ್ ಮೊಬೈಲ್ ಚಾರ್ಜಿಂಗ್ ಪಾಯಿಂಟ್ ನೀಡಿರುವುದು ಸ್ವಾಗತಾರ್ಹವೆನಿಸುತ್ತಿದೆ.

ತ್ರಿ ಸ್ಪೋಕ್ ಸ್ಟೀರಿಂಗ್ ವೀಲ್

ತ್ರಿ ಸ್ಪೋಕ್ ಸ್ಟರೀಂಗ್ ವೀಲ್ ಸೇವೆಯೂ ಅತ್ಯುತ್ತಮ ಚಾಲನೆಯನ್ನು ಖಾತ್ರಿಪಡಿಸಲಿದೆ. ಇದರ ನಿರ್ಮಾಣ ಶೈಲಿ ಅತ್ಯಂತ ಸರಳವಾಗಿದ್ದು, ಎಂಟ್ರಿ ಲೆವೆಲ್ ಕಾರಿಗೆ ಸೂಕ್ತವೆನಿಸುತ್ತಿದೆ.

ಇನ್ಸ್ಟ್ರುಮೆಂಟ್ ಕ್ಲಸ್ಟರ್

ಸಿಂಗಲ್ ಡಯಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಜೊತೆಗೆ ಸ್ಪೀಡೋಮೀಟರ್, ಡಿಜಿಟಲ್ ಮಾಹಿತಿ ಸ್ಕ್ರೀನ್, ಫ್ಯೂಯಲ್ ಗೇಜ್, ಓಡೋಮೀಟರ್ ಮತ್ತು ವೇಗ ಮಾಪಕ ಸೌಲಭ್ಯಗಳಿರಲಿದೆ.

ಆಡಿಯೋ ಸಿಸ್ಟಂ

ದಟ್ಸನ್ ರೆಡಿ ಗೊ ಆಡಿಯೋ ಸಿಸ್ಟಂ, ಸಿಡಿ, ಆಕ್ಸ್ ಇನ್, ಯುಎಸ್ ಬಿ, ರೆಡಿಯೋ, ಹೊಂದಾಣಿಸಬಹುದಾದ ಎಸಿ ವೆಂಟ್ಸ್ ಸೇವೆಗಳಿರಲಿದೆ.

ಸ್ಟೋರೆಜ್ ಜಾಗ

ದಟ್ಸನ್ ರೆಡಿ ಗೊ ಸಣ್ಣ ಕಾರಿನಲ್ಲಿ ಬೇಕಾದಷ್ಟು ಸ್ಟೋರೆಜ್ ಜಾಗವನ್ನು ಕೊಡಲಾಗಿದೆ.

ಹೆಡ್ ರೆಸ್ಟ್

ಇನ್ನು ಸ್ಪರ್ಧಾತ್ಮಕ ಬೆಲೆ ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿ ಸೀಟುನೊಂದಿಗೆ ಜೋಡಿಸಿದ ಹೆಡ್ ರೆಸ್ಟ್ ಗಳನ್ನು ನೀಡಲಾಗಿದೆ.

ಪ್ರಭಾವ

ಒಟ್ಟಾರೆಯಾಗಿ ಕಾರಿನ ಒಳಮೈ ಮಾರುತಿ ಆಲ್ಟೊ 800 ಮತ್ತು ಹ್ಯುಂಡೈ ಇಯಾನ್ ಗಳಿಗೆ ನಿಕಟ ಪ್ರತಿಸ್ಪರ್ಧೆಯನ್ನು ಒಡ್ಡುವ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ.

ಹೊರಮೈ ಚಿತ್ರಗಳು

ಕ್ವಿಡ್ ತರಹನೇ 185 ಎಂಎಂ ಗ್ರೌಂಡ್ ಕ್ಲಿಯರನ್ಸ್ ಕಾಪಾಡಿಕೊಂಡಿರುವ ರೆಡಿ ಗೊ, ಗುಂಡಿಗಳಿಂದ ತುಂಬಿಕೊಂಡಿರುವ ಭಾರತೀಯ ರಸ್ತೆಯಲ್ಲಿ ಅತ್ಯುತ್ತಮ ಚಾಲನಾ ಅನುಭವ ನೀಡಲಿದೆ.

ಡಿ ಕಟ್ ಗ್ರಿಲ್

ಮುಂಭಾಗದಲ್ಲಿ ದೊಡ್ಡದಾದ 'ಡಿ ಕಟ್' ಗ್ರಿಲ್ ಪ್ರಮುಖ ಆಕರ್ಷಣೆಯಾಗಲಿದೆ. ಇದು ಇತರ ಸಣ್ಣ ಕಾರುಗಿಂತಲೂ ಹೊರತಾಗಿ ಎತ್ತರದ ರಸ್ತೆ ಸಾನಿಧ್ಯವನ್ನು ಪಡೆದಿದೆ.

ಸ್ವಭಾವ ರೇಖೆ

ಬದಿಯಲ್ಲಿ ಸ್ವಭಾವ ರೇಖೆಗಳು ಹಾದು ಹೋಗುತ್ತಿದ್ದು, ಕಪ್ಪು ವರ್ಣದ ಪಿಲ್ಲರ್ ಗಳು ಕ್ರೀಡಾತ್ಮಕ ಲುಕ್ ನೀಡಲಿದೆ.

ಟೈಲ್ ಲ್ಯಾಂಪ್

ಅಂತೆಯೇ ಹಿಂಭಾಗದಲ್ಲಿ ಬಾಗಿದ ಡೋರ್, ಟೈಲ್ ಲ್ಯಾಂಪ್ ಮತ್ತು ದಟ್ಸನ್ ಲಾಂಛನವು ಎದ್ದು ಕಾಣಿಸಲಿದೆ.

ಸಿಎಂಎಫ್-ಎ ತಳಹದಿ

ಫ್ರಾನ್ಸ್ ಮೂಲದ ರೆನೊ ಜೊತೆ ಸಿಎಂಎಫ್-ಎ ತಹಹದಿ ಹಂಚಿಕೊಂಡಿರುವ ನಿಸ್ಸಾನ್, ದಟ್ಸನ್ ರೆಡಿ ಗೊ ಕಾರನ್ನು ಚೆನ್ನೈನಲ್ಲಿ ಸ್ಥಿತಗೊಂಡಿರುವ ಓರಂಗಡಂ ಘಟಕದಲ್ಲಿ ನಿರ್ಮಿಸಲಿದೆ

ಎಂಜಿನ್

ರೆನೊ ಕ್ವಿಡ್‌ಗೆ ಸಮಾನವಾದ 800 ಸಿಸಿ ಎಂಜಿನ್ ನಿಂದ ನಿಯಂತ್ರಿಸ್ಪಡುವ ದಟ್ಸನ್ ರೆಡಿ ಗೊ 5 ಸ್ಪೀಡ್ ಗೇರ್ ಬಾಕ್ಸ್ ಪಡೆಯಲಿದೆ. ಇದು 74 ಎನ್ ಎಂ ತಿರುಗುಬಲದಲ್ಲಿ 54 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ