ಛೇ, ಹೊಸ ಅಂಬಾಸಡರ್ ಕಾರು ಬರೋಲ್ವಂತೆ!

Posted By:
Hindustan Motors Will Not Unveil New Ambassador
ದೇಶದ ಕಾರುಗಳಿಗೆ ಜಾಗತಿಕವಾಗಿ ಪ್ರಚಾರ ನೀಡಲು ದೆಹಲಿ ವಾಹನ ಪ್ರದರ್ಶನ ಪ್ರಮುಖ ಅವಕಾಶ. ಹೀಗಾಗಿ ದೇಶದ ಕಾರು ಕಂಪನಿಗಳೆಲ್ಲ ಹೊಸ ಹೊಸ ಕಾರುಗಳನ್ನು ಇಲ್ಲಿ ಪರಿಚಯಿಸಲು ನಿರ್ಧರಿಸಿವೆ. ಆದರೆ ದೇಶದ ಹಳೆಯ ಕಾರು ಕಂಪನಿ ಹಿಂದೂಸ್ತಾನ್ ಮೋಟರ್ಸ್ ಮಾತ್ರ ನೂತನ ಅಂಬಾಸಡರ್ ಕಾರನ್ನು ಪ್ರದರ್ಶಿಸುವುದಿಲ್ಲವೆಂದು ಹೇಳಿದೆ.

ಕಂಪನಿಯು ದೆಹಲಿ ವಾಹನ ಪ್ರದರ್ಶನದಿಂದ ಹಿಂದೆ ಸರಿಯುವ ನಿರ್ಧಾರಕ್ಕೆ ಬಂದಿದೆ. ಇದರೊಂದಿಗೆ ಹಿಂದೂಸ್ತಾನ್ ಮೋಟರ್ಸ್ ನ ಪಾಲುದಾರ ಕಂಪನಿ ಮಿಟ್ಸುಬಿಸಿ ಕೂಡ ಯಾವುದೇ ವಾಹನವನ್ನು ಪ್ರದರ್ಶಿಸದಿರಲು ನಿರ್ಧರಿಸಿದೆ. ಈಗಾಗಲೇ ನಷ್ಟವನ್ನು ಅನುಭವಿಸುತ್ತಿರುವ ಈ ಕಂಪನಿಗಳೆರಡು ವಾಹನ ಪ್ರದರ್ಶನದಲ್ಲಿ ಭಾಗವಹಿಸಿ ಇನ್ನಷ್ಟು ಕಳೆದುಕೊಳ್ಳದಿರಲು ನಿರ್ಧರಿಸಿವೆ.

ಆದರೆ ಹಿಂದೂಸ್ತಾನ್ ಮೋಟರ್ಸ್ ಕಂಪನಿಯು ಒಂದು ಆವೃತ್ತಿ ಅಂಬಾಸಡರ್ ಮಾತ್ರ ಹೊಂದಿದೆ. ಮಿಟ್ಸುಬಿಸಿ ಕಂಪನಿಯು ದೇಶದಲ್ಲಿ ಸ್ಪೋರ್ಟ್ಸ್ ಕಾರನ್ನು ಪರಿಚಯಿಸಿದೆ. ಮಿಟ್ಸುಬಿಸಿ ಕಂಪನಿಯು ಸಣ್ಣಕಾರು ಮಿರೇಜನ್ನು ದೆಹಲಿ ವಾಹನ ಪ್ರದರ್ಶನದಲ್ಲಿ ಪರಿಚಯಿಸಲು ನಿರ್ಧರಿಸಿತ್ತು. ಆದರೆ ಕೊನೆ ಕ್ಷಣದಲ್ಲಿ ತನ್ನ ನಿರ್ಧಾರವನ್ನು ವಾಪಸ್ ತೆಗೆದುಕೊಂಡಿದೆ. ಮಿರೇಜ್ ಸಣ್ಣಕಾರನ್ನು ಕಂಪನಿಯು ಇತ್ತೀಚೆಗೆ ಟೋಕಿಯೊ ವಾಹನ ಪ್ರದರ್ಶನದಲ್ಲಿ ಪ್ರದರ್ಶಿಸಿತ್ತು.

ದೇಶದ ವಾಹನ ಮಾರುಕಟ್ಟೆಯಲ್ಲಿ ಹಿಂದೂಸ್ತಾನ್ ಮೋಟರ್ಸ್ ಮತ್ತು ಮಿಟ್ಸುಬಿಸಿ ಕಂಪನಿಗಳು ಮಾರಾಟ ಹೆಚ್ಚಿಸುವಲ್ಲಿ ವಿಫಲವಾಗಿವೆ. ಕಂಪನಿಗಳ ಕಾರ್ಯತಂತ್ರಕ್ಕೆ ಹಣಕಾಸು ನಷ್ಟಗಳು ಹೊಡೆತ ನೀಡಿವೆ. ಹೀಗಾಗಿ ಯಾವುದೇ ಹೆಚ್ಚುವರಿ ವೆಚ್ಚ ಮಾಡದಿರಲು ನಿರ್ಧರಿಸಿವೆ.

English summary
The Delhi Auto Expo is the only auto show of international reputation in India. It is where Indian carmakers can boast of a home turf and show off their products. But one Indian carmaker who was once the pride of the Indian auto scene has backed of its participation in the show. Hindustan Motors, the maker of the Ambassador has withdrawn its participation from the Auto Expo according to reports.
Story first published: Sunday, December 18, 2011, 15:50 [IST]
Please Wait while comments are loading...

Latest Photos