ಮಹೀಂದ್ರ ಘಟಕದಲ್ಲಿ ಭಾರಿ ಬೆಂಕಿ ಅನಾಹುತ

ಚಿತ್ರಲೋಕ

ಘಟಕದ ಸ್ಕಾರ್ಪಿಯೊ ಲಾಜಿಸ್ಟಿಕ್ ವಿಭಾಗದಲ್ಲಿ ಬೆಂಕಿ ಅನಾಹುತ ಸಂಭವಿಸಿದೆ. ಕಂಪನಿಯ ಯಾವುದೇ ಕೆಲಸಗಾರರು ಗಾಯಗೊಂಡಿಲ್ಲ. ಸುರಕ್ಷತೆಯ ದೃಷ್ಟಿಯಿಂದ ಮೊದಲ ಶಿಫ್ಟ್ ಕೆಲಸವನ್ನು ಸ್ಥಗಿತಗೊಳಿಸಲಾಗಿದೆ ಎಂದು ಮಹೀಂದ್ರ ವಕ್ತಾರರು ಹೇಳಿದ್ದಾರೆ.

ನಾಸೀಕ್ ಘಟಕದಲ್ಲಿ ಮಹೀಂದ್ರ ಕಂಪನಿಯು ಸುಮಾರು 300-350 ವಾಹನಗಳನ್ನು ಉತ್ಪಾದಿಸುತ್ತದೆ. ಇಲ್ಲಿ ಬೊಲೆರೊ, ಸ್ಕಾರ್ಪಿಯೊ, ಕ್ಷೈಲೊ ಮತ್ತು ವೆರಿಟೊ ವಾಹನಗಳನ್ನು ಉತ್ಪಾದಿಸಲಾಗುತ್ತದೆ.

ಸರಕಾರದ ನೀತಿನಿಯಮದ ಅನುಸಾರವೇ ಕಂಪನಿಯು ಸುರಕ್ಷತಾ ಕ್ರಮಗಳನ್ನು ಕೈಗೊಳ್ಳುತ್ತಿದೆ. ಬೆಂಕಿ ಅನಾಹುತದ ನಷ್ಟದ ಕುರಿತು ತನಿಖೆ ಮಾಡಲಾಗುತ್ತಿದೆ ಎಂದು ಕಂಪನಿ ಪ್ರಕಟಣೆಯಲ್ಲಿ ತಿಳಿಸಿದೆ. ಇದೀಗ ಬಂದ ಮಾಹಿತಿಯ ಪ್ರಕಾರ ನಾಸೀಕ್ ಘಟಕದಲ್ಲಿ ಸುಮಾರು 250 ಸ್ಕಾರ್ಪಿಯೊಗಳು ಉರಿದಿವೆ.