ದೇಶಕ್ಕೆ ಇನ್ನೆರಡು ರೆನಾಲ್ಟ್ ಕಾರುಗಳು ಬರಲಿವೆಯಂತೆ!

"ಕಂಪನಿಯು ಭಾರತಕ್ಕೆ ವಿವಿಧ ಮಾದರಿಯ ನೂತನ ವಾಹನಗಳನ್ನು ಪರಿಚಯಿಸಲಿದೆ. ರಷ್ಯಾ ಮತ್ತು ಬ್ರೆಝಿಲ್ ನಂತರದ ಮೂರನೇ ಬೃಹತ್ ವಾಹನ ಮಾರುಕಟ್ಟೆಯಾದ ಭಾರತದಲ್ಲಿ ಕಂಪನಿಯು ಹಲವು ವಿಸ್ತರಣಾ ಯೋಜನೆಗಳನ್ನು ಹೊಂದಿದೆ" ಎಂದು ರೆನಾಲ್ಟ್ ಕಂಪನಿಯು ಪ್ರಕಟಣೆಯೊಂದರಲ್ಲಿ ತಿಳಿಸಿದೆ.

ಕಳೆದ ವರ್ಷ ಕಂಪನಿಯು ರೆನಾಲ್ಟ್ ಕೊಲಿಯೊಸ್ ಮತ್ತು ರೆನಾಲ್ಟ್ ಫ್ಲೂಯೆನ್ಸ್ ಕಾರುಗಳನ್ನು ಅನಾವರಣ ಮಾಡಿತ್ತು. ಇತ್ತೀಚೆಗೆ ದೆಹಲಿಯಲ್ಲಿ ನಡೆದ ವಾಹನ ಪ್ರದರ್ಶನದಲ್ಲಿ ರೆನಾಲ್ಟ್ ಕಂಪನಿಯು ಪಲ್ಸ್ ಎಂಬ ಕಾರನ್ನು ಹೊರತಂದಿತ್ತು.

ನೂತನ ಸ್ಪೋರ್ಟ್ ಯುಟಿಲಿಟಿ ವೆಹಿಕಲ್ ಡಸ್ಟರ್ ಈ ವರ್ಷದ ದೀಪಾವಳಿಗೆ ಮುನ್ನ ರಸ್ತೆಗಿಳಯುವ ನಿರೀಕ್ಷೆಯಿದೆ. ಇದೇ ವರ್ಷದ ಅಂತ್ಯದೊಳಗೆ ಕಂಪನಿಯು ಮತ್ತೊಂದು ಕಾರನ್ನು ಕೂಡ ಹೊರತರಲಿದೆಯಂತೆ. ಅದರ ಹೆಸರು ಬಹಿರಂಗಗೊಂಡಿಲ್ಲ. ಯುರೋಪ್ ನಿಂದಾಚೆಗೆ ಕಂಪನಿಯ ಮಾರಾಟ ವಹಿವಾಟು ಈಗ ಶೇಕಡ 19.2ರಷ್ಟು ಏರಿಕೆ ಕಂಡಿದೆ ಎಂದು ಕಂಪನಿ ಹೇಳಿದೆ.