ಅಗ್ಗದ ಪುಟ್ಟ ರೆನೊ ಕಾರು ಬರಲಿದೆಯಂತೆ!

Posted By:

ದೇಶದ ಕಾರು ಮಾರುಕಟ್ಟೆಯಲ್ಲಿ ಸಾಕಷ್ಟು ವಿಸ್ತರಣಾ ಯೋಜನೆಗಳನ್ನು ರೆನೊ ಹೊಂದಿದೆ. ಫ್ರಾನ್ಸಿನ ಕಾರು ಕಂಪನಿಯು ಸಣ್ಣಕಾರೊಂದನ್ನು ಪರಿಚಯಿಸಲು ಯೋಜಿಸಿದೆ. ಈ ಕಾರಿನ ದರ 4.5 ಲಕ್ಷ ರುಪಾಯಿ ಆಸುಪಾಸಿನಲ್ಲಿರಲಿದೆ.

ನೂತನ ಸಣ್ಣಕಾರಿನ ಬಗ್ಗೆ ಮಾಹಿತಿ ನೀಡಿದ್ದು ರೆನೊ ಇಂಡಿಯಾ ವ್ಯವಸ್ಥಾಪಕ ನಿರ್ದೇಶಕ ಮಾರ್ಕ್ ನಾಸೀಫ್. ಕೇರಳದಲ್ಲಿ ನೂತನ ಸ್ಪೋರ್ಟ್ ಯುಟಿಲಿಟಿ ವೆಹಿಕಲ್ ಡಸ್ಟರ್ ಪರಿಚಯಿಸುವ ಸಂದರ್ಭದಲ್ಲಿ ಅವರು ಈ ಮಾಹಿತಿಯನ್ನು ನೀಡಿದ್ದಾರೆ.

ನವೆಂಬರಿಗಿಂತ ಮುನ್ನ ಎಂಟ್ರಿ ಲೆವೆಲ್ ಸೆಡಾನ್ ಕಾರು ಪರಿಚಯಿಸುವುದಾಗಿ ರೆನೊ ಈ ಹಿಂದೆ ಹೇಳಿತ್ತು. "ದೀಪಾವಳಿ ವೇಳೆಗೆ ಸಣ್ಣ ಸೆಡಾನ್ ಕಾರನ್ನು ಪರಿಚಯಿಸಲಿದ್ದೇವೆ. ಜೊತೆಗೆ ಸಣ್ಣಕಾರೊಂದನ್ನು ಅಭಿವೃದ್ಧಿಪಡಿಸುತ್ತಿದ್ದೇವೆ" ಎಂದು ನಾಸೀಫ್ ಹೇಳಿದ್ದಾರೆ. ಆದರೆ ಅವರು ಸಣ್ಣಕಾರಿನ ಬಗ್ಗೆ ಹೆಚ್ಚಿನ ಮಾಹಿತಿ ನೀಡಲು ನಿರಾಕರಿಸಿದ್ದಾರೆ.

ಪ್ರಸಕ್ತ ವರ್ಷ ಐದು ಹೊಸ ಕಾರುಗಳನ್ನು ಪರಿಚಯಿಸುವುದಾಗಿ ಈ ಹಿಂದೆ ರೆನೊ ಭರವಸೆ ನೀಡಿತ್ತು. ಫೋರ್ಡ್ ಫಿಗೊ, ಹ್ಯುಂಡೈ ಐ10, ಮಾರುತಿ ಸುಜುಕಿ ವ್ಯಾಗನಾರ್, ಎಸ್ಟಾರ್ ಇತ್ಯಾದಿ ಕಾರುಗಳಿಗೆ ಪೈಪೋಟಿ ನೀಡುವಂತಹ ಕಾರೊಂದನ್ನು ಪರಿಚಯಿಸಲು ಕಂಪನಿ ನಿರ್ಧರಿಸಿದೆ.

ಕಂಪನಿಯು ಈಗಾಗಲೇ ರೆನೊ ಪಲ್ಸ್ ಎಂಬ ಎಂಟ್ರಿ ಲೆವೆಲ್ ಹ್ಯಾಚ್ ಬ್ಯಾಕ್ ಕಾರು ಪರಿಚಯಿಸಿದೆ. ರೆನೊ ಪಲ್ಸ್ ಬೇಸ್ ಆವೃತ್ತಿ ದರ ಸುಮಾರು 6 ಲಕ್ಷ ರು. ಆಸುಪಾಸಿನಲ್ಲಿದೆ. 2013ರ ಅಂತ್ಯದೊಳಗೆ ದೇಶದಲ್ಲಿ 100ಕ್ಕೂ ಹೆಚ್ಚು ಮಳಿಗೆಗಳನ್ನು ಸ್ಥಾಪಿಸುವ ಯೋಜನೆಯನ್ನು ಕಂಪನಿ ಹೊಂದಿದೆ.

English summary
Renault India is looking to launch a new small car in the country. Renault is working on the small car which will be placed in the below Rs 4.5 lakh segment.
Story first published: Tuesday, July 17, 2012, 11:47 [IST]

Latest Photos

ಕರ್ನಾಟಕ ವಿಧಾನಸಭೆ ಚುನಾವಣೆ 2018

ತಕ್ಷಣದ ಆಟೊ ಸುದ್ದಿಗಳನ್ನು ಡ್ರೈವ್ಸ್ಪಾರ್ಕ್ನಲ್ಲಿ ಪಡೆದುಕೊಳ್ಳಿ- Kannada DriveSpark

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more