ಸಚಿನ್ ಅನಾವರಣ ಮಾಡಲಿರುವ ಬಿಎಂಡಬ್ಲ್ಯು ಕಾರು

ಬಿಎಂಡಬ್ಲ್ಯು ಕಂಪನಿಯ ಅಲ್ಟಿಮೆಟ್ 3 ಅದ್ದೂರಿ ಕಾರೊಂದನ್ನು ಸಚಿನ್ ತೆಂಡೂಲ್ಕರ್ ಅನಾವರಣ ಮಾಡಲಿದ್ದಾರೆ. ಇದು ಸ್ಪೋರ್ಟ್ಸ್ ಲೈನ್ ಮತ್ತು ಲಗ್ಷುರಿ ಆಯ್ಕೆಗಳಲ್ಲಿ ದೊರಕುತ್ತದೆ. ಆರನೇ ತಲೆಮಾರಿನ ನೂತನ 3 ಸೀರಿಸ್ ಕಾರು ಜಗತ್ತಿನ ಯಶಸ್ವಿ ಪ್ರೀಮಿಯಂ ಸೆಡಾನ್ ಕಾರಾಗಿದೆ ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.

ನೂತನ ಬಿಎಂಡಬ್ಲ್ಯು 3 ಸೀರಿಸ್ ಕಾರನ್ನು ಚೆನ್ನೈ ಘಟಕದಲ್ಲಿ ಕಂಪ್ಲಿಟ್ಲಿ ನಾಕ್ಡ್ ಡೌನ್(ಸಿಕೆಡಿ) ಮೂಲಕ ಅಸೆಂಬಲ್ ಮಾಡುವುದಾಗಿ ಕಂಪನಿಯು ಹೇಳಿದೆ. ವಿಶೇಷವೆಂದರೆ ಕಂಪನಿಯು ಪ್ರಸಕ್ತ ತಿಂಗಳಲ್ಲಿಯೇ ನೂತನ ಕಾರಿನ ಡೆಲಿವರಿ ಆರಂಭಿಸಲಿದೆ.

"ಸುಂದರ ವಿನ್ಯಾಸ, ಪ್ಯಾಷನ್ ಮತ್ತು ಸಾಟಿಯಿಲ್ಲದ ತಂತ್ರಜ್ಞಾನದೊಂದಿಗೆ ನೂತನ ಆರನೇ ತಲೆಮಾರಿನ 6 ಸೀರಿಸ್ ಕಾರು ಆಗಮಿಸಿದೆ" ಎಂದು ಬಿಎಂಡಬ್ಲ್ಯು ಗ್ರೂಪ್ ಇಂಡಿಯಾ ಅಧ್ಯಕ್ಷರಾದ ಡಾ. ಆಂಡ್ರೂಸ್ ಸ್ಕಾಫ್ ಹೇಳಿದ್ದಾರೆ.

ಹೆಚ್ಚಿನ ಮಾಹಿತಿಗೆ ನಿರೀಕ್ಷಿಸಿ.