ಮೈಲೇಜ್ ಮಂತ್ರವ ಪಠಿಸುತ್ತಿದೆ ಟಿವಿಎಸ್ ಮೋಟರ್ಸ್

Posted By:
ಪೆಟ್ರೋಲ್ ದರ ದುಬಾರಿಯಾಗುತ್ತಿರುವುದರಿಂದ ಗ್ರಾಹಕರು ಹೆಚ್ಚು ಮೈಲೇಜ್ ಇರುವ ಬೈಕುಗಳಿಗೆ ಆದ್ಯತೆ ನೀಡುತ್ತಿದ್ದಾರೆ. ಮೈಲೇಜ್ ಹೆಚ್ಚಿಸುವ ನಿಟ್ಟಿನಲ್ಲಿ ಟಿವಿಎಸ್ ಮೋಟರ್ಸ್ ಕೂಡ ಕಾರ್ಯಪ್ರವೃತವಾಗಿದ್ದು, ನೂತನ ತಂತ್ರಜ್ಞಾನಗಳನ್ನು ಅಳವಡಿಸುವ ಮೂಲಕ ಬೈಕುಗಳ ಇಂಧನ ದಕ್ಷತೆಯನ್ನು ಶೇಕಡ 20ರಷ್ಟು ಹೆಚ್ಚಿಸಲು ಯೋಜಿಸಿದೆ.

ಚೆನ್ನೈ ಮೂಲದ ದ್ವಿಚಕ್ರವಾಹನ ತಯಾರಿಕಾ ಕಂಪನಿ ಟಿವಿಎಸ್ ಮೋಟರ್ಸ್ ನೂತನ ಎಂಜಿನ್ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಿದೆ. ಇದು ಮೈಲೇಜ್ ಹೆಚ್ಚಿಸಲು ಮತ್ತು ಬೈಕ್ ದರ ತಗ್ಗಿಸಲು ನೆರವಾಗಲಿದೆ ಎಂದು ಕಂಪನಿಯು ಪ್ರಕಟನೆಯಲ್ಲಿ ತಿಳಿಸಿದೆ.

ಟಿವಿಎಸ್ ಮೋಟರ್ಸ್ ಕಂಪನಿಯು ಎಂಜಿನ್ ಮತ್ತು ಟ್ರಾನ್ಸ್ ಮಿಷನ್ ಪರಿಷ್ಕರಿಸುವ ಮೂಲಕ ಮೈಲೇಜ್ ಹೆಚ್ಚಿಸಲಿದೆ. ಜೊತೆಗೆ ಕಂಪನಿಯು ಎನರ್ಜಿ ಮರುಬಳಕೆ ಮಾಡುವ ತಂತ್ರಜ್ಞಾನದ ಕುರಿತೂ ಆಲೋಚಿಸುತ್ತಿದೆ. ಹೆಚ್ಚು ಗ್ರಾಹಕರು ಮೈಲೇಜ್ ಬೈಕುಗಳಿಗೆ ಆದ್ಯತೆ ನೀಡುವ ಕಾರಣ ಕಂಪನಿಯು ಮೈಲೇಜ್ ಮಂತ್ರ ಪಠಿಸತೊಡಗಿದೆ.

ಸೆಪ್ಟಂಬರ್ ವೇಳೆಗೆ ನೂತನ ಎಂಜಿನ್ ತಂತ್ರಜ್ಞಾನವನ್ನು ಕಂಪನಿಯು ಟೆಸ್ಟ್ ಮಾಡಲಿದೆ. ದೀರ್ಘಕಾಲದ ಟೆಸ್ಟ್ ಹಂತ ದಾಟಿ ಮುಂದಿನ ವರ್ಷದಲ್ಲಿ ಈ ಎಂಜಿನನ್ನು ಬೈಕುಗಳಿಗೆ ಜೋಡಿಸುವ ನಿರೀಕ್ಷೆಯಿದೆ.. ಡಿಸೆಂಬರ್ 2013ರ ವೇಳೆಗೆ ಗ್ರಾಹಕರಿಗೆ ನೂತನ ತಂತ್ರಜ್ಞಾನದ ಬೈಕುಗಳು ದೊರಕಲಿದೆ.

ಕಂಪನಿಯು ತನ್ನ ವಾಹನಗಳಿಗೆ ಹೈಬ್ರಿಡ್ ತಂತ್ರಜ್ಞಾನ ಅಳವಡಿಸುವ ಕುರಿತು ಕಾರ್ಯನಿರತವಾಗಿದೆ. ಹೈಬ್ರಿಡ್ ತಂತ್ರಜ್ಞಾನವು ಬೈಕುಗಳ ಮೈಲೇಜನ್ನು ಗರಿಷ್ಠವಾಗಿ ಹೆಚ್ಚಿಸಲಿದೆ.

ಸತತವಾಗಿ ಗೇರ್ ಬದಲಾಯಿಸುವುದರಿಂದ ಎಂಜಿನ್ ದಕ್ಷತೆ ಮತ್ತು ಇಂಧನ ನಷ್ಟ ಹೆಚ್ಚಾಗುತ್ತದೆ. ಇದನ್ನು ಕಡಿಮೆ ಮಾಡಲು ಕಂಪನಿಯು ಟ್ರಾನ್ಸ್ ಮಿಷನ್ ತಂತ್ರಜ್ಞಾನವನ್ನೂ ಪರಿಷ್ಕರಿಸಲು ಯೋಜಿಸಿದೆ. ಜೊತೆಗೆ ಬೈಕಿನ ಏರೋ ಡೈನಾಮಿಕ್ ವಿನ್ಯಾಸವನ್ನೂ ಅಭಿವೃದ್ಧಿಪಡಿಸಲಿದೆ.

English summary
TVS Motor, the Chennai based two wheeler manufacturer has announced new measures to develop technologies that will make engines more fuel efficient and cheaper to build. TVS has stated that its new technologies will help increase a motorcycle's mileage by as much as 20 per cent.
Story first published: Tuesday, June 26, 2012, 15:53 [IST]
Please Wait while comments are loading...

Latest Photos