ಸ್ವಿಫ್ಟ್ ಡಿಜೈರ್ ಪ್ರತಿಸ್ಪರ್ಧಿ ಸೈಲ್ ಸೆಡಾನ್ ಲಾಂಚ್

ದೇಶದ ಮಾರುಕಟ್ಟೆಯಲ್ಲಿ ಮಾರುತಿ ಸುಜುಕಿ ಸ್ವಿಫ್ಟ್ ಡಿಜೈರ್ ಪ್ರಬಲ ಪ್ರತಿಸ್ಪರ್ಧಿ ಎನಿಸಿಕೊಂಡಿರುವ ಷೆವರ್ಲೆ ಸೈಲ್ ಸೆಡಾನ್ ಕಾರನ್ನು ದೇಶದಲ್ಲಿ ಜನರಲ್ ಮೋಟಾರ್ಸ್ ಬಿಡುಗಡೆಗೊಳಿಸಿದೆ.

ಎಕ್ಸ್ ಶೋ ರೂಂ ಪ್ರಾರಂಭಿಕ ದರ 4.99 ಲಕ್ಷ ರು.ಗಳಿಂದ ಷೆವರ್ಲೆ ಸೈಲ್ ಸೆಡಾನ್ ಲಾಂಚ್ ಮಾಡಲಾಗಿದೆ. ಡೀಸೆಲ್ ವೆರಿಯಂಟ್ ಎಕ್ಸ್ ಶೋ ರೂಂ ದರ 6.29ರಿಂದ 7.51 ಲಕ್ಷ ರು.ಗಳ ವರೆಗಿದೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಭಾರತೀಯ ರಸ್ತೆಗೆ ಅನುಗುಣವಾಗಿ ಫೈವ್ ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಆಳವಡಿಸಲಾಗಿದೆ. ಸುಧಾರಿತ ಸಸ್ಪೆಷನ್ ಆರಾಮದಾಯಕ ಚಾಲನೆಗೆ ನೆರವಾಗಲಿದೆ. ಷೆವರ್ಲೆ ಸೈಲ್‌ನ 1.2 ಲೀಟರ್ ಪೆಟ್ರೋಲ್ ಎಂಜಿನ್ 8600 ಆರ್‌ಪಿಎಂನಲ್ಲಿ 86 ಪಿಎಸ್ ಪವರ್ ಉತ್ಪಾದಿಸಲಿದೆ. ಹಾಗೆಯೇ ಡೀಸೆಲ್ ಆವೃತ್ತಿಯಲ್ಲಿ 1.3 ಲೀಟರ್ ಮಲ್ಟಿ ಜೆಟ್ ಎಂಜಿನ್ ಹೊಂದಿರಲಿದೆ.

ದೇಶದ ಮಾರುಕಟ್ಟೆಯಲ್ಲಿ ಅಗ್ರ ಪಂಕ್ತಿಯಲ್ಲಿರುವ ಮಾರುತಿ ಸುಜುಕಿ ಸ್ವಿಫ್ಟ್ ಡಿಜೈರ್, ಟೊಯೊಟಾ ಎಟಿಯೋಸ್, ಫೋರ್ಡ್ ಕ್ಲಾಸಿಕ್, ಮಹೀಂದ್ರ ವೆರಿಟೊ ಹಾಗೂ ಟಾಟಾ ಇಂಡಿಗೊ ಇಸಿಎಸ್ ಕಾರುಗಳಿಗೆ ಪ್ರಬಲ ಪೈಪೋಟಿ ನೀಡುವ ನಿರೀಕ್ಷೆಯಿದೆ.