ಮಹೀಂದ್ರ ವೆರಿಟೊ ಎಲೆಕ್ಟ್ರಿಕ್ ಕಾರು ಆಗಮನ ಖಚಿತ!

ದೇಶದ ಎಲೆಕ್ಟ್ರಿಕ್ ಕಾರು ತಯಾರಕ ಸಂಸ್ಥೆಗಳಲ್ಲಿ ಅಗ್ರಗಣ್ಯ ಎನಿಸಿಕೊಂಡಿರುವ ಮಹೀಂದ್ರ ಆಂಡ್ ಮಹೀಂದ್ರ ಕಂಪನಿಯು, ತನ್ನ ಜನಪ್ರಿಯ ಮಹೀಂದ್ರ ವೆರಿಟೊ ವಿದ್ಯುತ್ ಚಾಲಿತ ಕಾರು ಬಿಡುಗಡೆ ಮಾಡುವುದಾಗಿ ಖಚಿತಪಡಿಸಿದೆ.

ಇದಕ್ಕೆ ನೀವು ತುಂಬಾ ಸಮಯ ಕಾಯಬೇಕಾಗಿಲ್ಲ. ಇನ್ನೊಂದು ವರ್ಷದೊಳಗೆ ಎಂಟ್ರಿ ಲೆವೆಲ್ ವೆರಿಟೊ ಸೆಡಾನ್ ಎಲೆಕ್ಟ್ರಿಕ್ ಕಾರು ಪರಿಚಯಿಸುವುದಾಗಿ ಮಹೀಂದ್ರ ಘೋಷಿಸಿದೆ. ಕಂಪನಿಯು ಇದಕ್ಕಾಗಿ 150 ಕೋಟಿ ರೂಪಾಯಿಗಳನ್ನು ಹೂಡಿಕೆ ಮಾಡುತ್ತಿದೆ.

ಒಟ್ಟು ಮೂರು ಮಾಡೆಲ್ ಎಲೆಕ್ಟ್ರಿಕ್ ಕಾರು ಆಗಮನವಾಗಲಿದೆ. ಅವುಗಳೆಂದರೆ

• ಗಿಯೊ (gio)
• ಮಾಕ್ಸಿಮೊ (maxximo)
• ವೆರಿಟೊ (verito)

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

50 ಮಾಕ್ಸಿಮೊ ವಿದ್ಯುತ್ ಚಾಲಿತ ವಾಹನಗಳು ಈಗಾಗಲೇ ತಯಾರುಗೊಂಡಿವೆ. ಇವುಗಳ ಬಿಡುಗಡೆ ಈಗಷ್ಟೇ ಮಾರುಕಟ್ಟೆಗೆ ಲಾಂಚ್ ಆಗಿರುವ ಇ2ಒ ಮಾರಾಟವನ್ನು ಅವಲಂಬಿಸಿರಲಿದೆ.

ದೇಶದಲ್ಲಿ ಪ್ರತಿ ತಿಂಗಳು 400ರಿಂದ 500 ಇ2ಒ ಸೇಲ್ ಆಗುವ ನಿರೀಕ್ಷೆಯನ್ನು ಕಂಪನಿ ಹೊಂದಿದೆ. ಆದರೆ ದೆಹಲಿ ಹೊರತುಪಡಿಸಿ ಇತರ ರಾಜ್ಯಗಳಲ್ಲಿ ದರ ಸ್ವಲ್ಪ ದುಬಾರಿಯಾಗಿರುವುದರಿಂದ ಈ ಸಂಖ್ಯೆ ತಲುಪುವುದು ಸ್ವಲ್ಪ ಕಷ್ಟಕರ. ಹಾಗಿದ್ದರೂ ಮುಂದಿನ 8-9 ತಿಂಗಳಲ್ಲಿ ಇ2ಒ ಯುರೋಪ್‌ಗೆ ರಫ್ತು ಮಾಡುವ ಕುರಿತಂತೆ ಯೋಜನೆಯಿದೆ. ಇದೇ ಸಂದರ್ಭದಲ್ಲಿ ಎಲೆಕ್ಟ್ರಿಕ್ ಸ್ಕೂಟರ್ ತಂತ್ರಜ್ಞಾನ ಅಭಿವೃದ್ಧಿಪಡಿಸಲು ಮಹೀಂದ್ರ ಹೊಂಚು ಹಾಕುತ್ತಿದೆ.

ಇವನ್ನೂ ಓದಿ: ಜಗತ್ತಿನ ಅತಿ ವೇಗದ ಎಲೆಕ್ಟ್ರಿಕ್ ಸ್ಪೋರ್ಟ್ಸ್ ಕಾರು

ಟ್ವಿಟರ್‌ನಲ್ಲಿ ನಮ್ಮನ್ನು ಫಾಲೋ ಮಾಡಿ