ಮೈಲೇಜ್ ರಾಜ ಹೋಂಡಾ ಸಿಟಿ ಭೇಟಿಯಾಗಲು ಮರೆಯದಿರಿ

ಪೆಟ್ರೋಲ್ ಹಾಗೂ ಡೀಸೆಲ್ ಆವೃತ್ತಿಗಳಲ್ಲಿ 2014 ಹೋಂಡಾ ಸಿಟಿ ಲಭ್ಯವಿರಲಿದೆ. ಅಂದರೆ 1.5 ಲೀಟರ್ ಐ-ವಿಟೆಕ್ ಎಂಜಿನ್ 119 ಪಿಎಸ್ ಪವರ್ (145 ಎನ್‌ಎಂ ಟಾರ್ಕ್) ಮತ್ತು 1.5 ಲೀಟರ್ ಐಡಿಟೆಕ್ ಡೀಸೆಲ್ ಎಂಜಿನ್‌ 100 ಪಿಎಸ್ ಪವರ್ (200 ಎನ್‌ಎಂ ಟಾರ್ಕ್) ಉತ್ಪಾದಿಸಲಿದೆ.

ಹಾಗಿದ್ದರೂ ಹೆಚ್ಚು ಗುಣಮಟ್ಟದ ಕಾರು ಪ್ರದಾನ ಮಾಡುವುದರಲ್ಲಿ ಹೋಂಡಾ ಎಂಜಿನಿಯರುಗಳು ಯಶಸ್ವಿಯಾಗಿದ್ದಾರೆ. ಪ್ರಮುಖವಾಗಿಯೂ ಎಂಜಿನ್ ಶಬ್ದದಲ್ಲಿ ಗಣನೀಯವಾದ ಇಳಿಕೆ ಕಂಡಿದ್ದು, ಗರಿಷ್ಠ ಗಂಟೆಗೆ 190 ಕೀ.ಮೀ. ವೇಗದಲ್ಲಿ ಸಂಚರಿಸಲಿದೆ. ಇದು ಅಮೇಜ್‌ಗೆ ಹೋಲಿಸಿದರೆ 45 ಕೀ.ಮೀ.ಗಳಷ್ಟು ಹೆಚ್ಚಾಗಿದೆ.

ಇನ್ನು ಗೇರ್ ಬಾಕ್ಸ್ ಪರಿಗಣಿಸಿದರೆ ಸಿಟಿ ಡೀಸೆಲ್ ಮ್ಯಾನುವಲ್ 6 ಸ್ಪೀಡ್ ಗೇರ್ ಬಾಕ್ಸ್ ಹಾಗೆಯೇ ಪೆಟ್ರೋಲ್ ಆವೃತ್ತಿ 5 ಸ್ಪೀಡ್ ಮ್ಯಾನುವಲ್ ಮತ್ತು ಸಿವಿಟಿ ಆಟೋಮ್ಯಾಟಿಕ್ ಗೇರ್ ಬಾಕ್ಸ್‌ನಿಂದ ಲಭ್ಯವಾಗಲಿದೆ.

ಇಲ್ಲಿ ಕುತೂಹಲಕಾರಿ ಅಂಶವೆಂದರೆ 2014 ಹೋಂಡಾ ಸಿಟಿಯ ಪೆಟ್ರೋಲ್ ಆಟೋಮ್ಯಾಟಿಕ್ ಸಿವಿಟಿ, ಸಿಟಿ ಪೆಟ್ರೋಲ್ ಮ್ಯಾನುವಲ್ 5 ಸ್ಪೀಡ್ ಗೇರ್ ಬಾಕ್ಸ್‌ಗಿಂತಲೂ ಹೆಚ್ಚು ಇಂಧನ ಕ್ಷಮತೆ ನೀಡುವಲ್ಲಿ ಯಶಸ್ವಿಯಾಗಲಿದೆ.

ಒಟ್ಟಿನಲ್ಲಿ ದೇಶದ ರಸ್ತೆ ಪರಿಸ್ಥಿತಿಯಲ್ಲಿ ಅತ್ಯಂತ ಇಂಧನ ಕ್ಷಮತೆಯುಳ್ಳ ಕಾರೆಂಬ ಖ್ಯಾತಿಗೆ ಹೋಂಡಾ ಪಾತ್ರವಾಗಿದೆ. ಇದರೊಂದಿಗೆ ಅಮೇಜ್ ಕಾಂಪಾಕ್ಟ್ ಸೆಡಾನ್ ಕಾರು ಎರಡನೇ ಸ್ಥಾನಕ್ಕೆ ತಳ್ಳಲ್ಪಡಲಿದೆ.

ನಿಮ್ಮ ಮಾಹಿತಿಗಾಗಿ, ಸಿವಿಕ್ ಫೆರಿಯೊ ತಲಹದಿಯಲ್ಲಿ ನಿರ್ಮಾಣವಾಗಿದ್ದ ಮೊದಲ ತಲೆಮಾರಿನ ಹೋಂಡಾ ಸಿಟಿ (ವಿಟೆಕ್ ಎಂಜಿನ್) ಪ್ರಮುಖವಾಗಿಯೂ ದಕ್ಷಿಣಪೂರ್ವ ಏಷ್ಯಾ ಪ್ರದೇಶಗಳನ್ನು ಗುರಿ ಮಾಡಲಾಗಿತ್ತು.

ಬಳಿಕ ಎರಡನೇ ತಲೆಮಾರಿನ ಹೋಂಡಾ ಸಿಟಿ (ಐಡಿಎಸ್‌ಐ) 2002ನೇ ಇಸವಿಯಲ್ಲಿ ಮಾರುಕಟ್ಟೆಗಿಳಿದಿತ್ತು. ಇದು ತನ್ನ ಮಾರಾಟವನ್ನು ಜಪಾನ್ ಹಾಗೂ ಚೀನಾ ದೇಶಗಳಿಗೂ ವಿಸ್ತರಿಸಿತ್ತು. ಒಂದು ಮಿಲಿಯನ್ ಯುನಿಟ್ ಮಾರಾಟ ಕಂಡುಕೊಂಡ ಹೋಂಡಾ ಸಿಟಿ 2008ರ ವೇಳೆಗೆ ಜಾಗತಿಕ ಮಾರುಕಟ್ಟೆಯಲ್ಲಿ ಹೆಚ್ಚು ಗುರುತಿಸಿಕೊಂಡಿತ್ತು.

ಇದಾದ ಬಳಿಕ ಮೂರನೇ ತಲೆಮಾರಿನ ಹೋಂಡಾ ಸಿಟಿ (ಐವಿಟೆಕ್ ಎಂಜಿನ್) 2008ರಲ್ಲಿ ಆಗಮನವಾಗಿತ್ತು. ಇದು ಏಷ್ಯಾದಲ್ಲಿ ಹೋಂಡಾ ಮೌಲ್ಯವನ್ನು ಇನ್ನಷ್ಟು ಹೆಚ್ಚಿಸಿತ್ತು.

ಇದೀಗ ನಾಲ್ಕನೇ ತಲೆಮಾರಿನ 2014 ಹೋಂಡಾ ಸಿಟಿ ಮಿಡ್ ಸೈಜ್ ಕಾರಿನ ಅನಾವರಣವು ಭಾರತದಲ್ಲಿ 2013 ನವೆಂಬರ್ ತಿಂಗಳಲ್ಲಿ ಅದ್ಧೂರಿಯಾಗಿ ಸಾಗಿದೆ.

ಈ ಮೂಲಕ 1996ನೇ ಇಸವಿಯಲ್ಲಿ ಲಾಂಚ್ ಆಗಿದ್ದ ಹೋಂಡಾ ಸಿಟಿ ಇದುವರೆಗೆ 55 ರಾಷ್ಟ್ರಗಳಲ್ಲಾಗಿ 2.2 ಮಿನಿಯನ್ ಯಶಸ್ವಿ ಗ್ರಾಹಕರನ್ನು ಪಡೆಯುವಲ್ಲಿ ಯಶಸ್ವಿಯಾಗಿದೆ.

ಕೇವಲ ಮಾರಾಟ ಮಾತ್ರವಲ್ಲ. ಜಾಗತಿಕವಾಗಿ 100ಕ್ಕೂ ಹೆಚ್ಚು ಪ್ರಶಸ್ತಿಗಳನ್ನು ಸೊರೆಗೈಯುವಲ್ಲಿ ಈ ಮಿಡ್ ಸೈಜ್ ಸೆಡಾನ್ ಕಾರು ಯಶಸ್ವಿಯಾಗಿದೆ.

ಸದ್ಯ ಬಂದಿರುವ ಮಾಹಿತಿಗಳ ಪ್ರಕಾರ ಹೋಂಡಾ ಸಿಟಿ ಅನಧಿಕೃತ ಬುಕ್ಕಿಂಗ್ ಈಗಾಗಲೇ ಆರಂಭಗೊಂಡಿದ್ದು, ರು. 50000 ಪಾವತಿಸಬೇಕಾಗುತ್ತದೆ.

ಒಟ್ಟಿನಲ್ಲಿ ಹೋಂಡಾ ಸಿಟಿ ಬೆಲೆ 8ರಿಂದ 9 ಲಕ್ಷ ರು.ಗಳ ಅಸುಪಾಸಿನಲ್ಲಿರುವ ನಿರೀಕ್ಷೆಯಿದೆ.