ಬಜೆಟ್ ಎಫೆಕ್ಟ್; ಕಾರು, ಬೈಕ್ ದರ ಇಳಿಕೆ ಸಾಧ್ಯತೆ

ದಾಖಲೆಯ ಒಂಬತ್ತನೇ ಬಾರಿಗೆ ಕೇಂದ್ರ ಬಜೆಟ್ ಮಂಡಿಸಿರುವ ವಿತ್ತ ಸಚಿವ ಪಿ. ಚಿದಂಬರಂ, ಮುಂಬರುವ ಲೋಕಸಭಾ ಚುನಾವಣಾ ಗಮನದಲ್ಲಿಟ್ಟುಕೊಂಡು ಜನಪರ ಮಧ್ಯಂತರ ಬಜೆಟ್ ಮಂಡಿಸಲು ಯಶಸ್ವಿಯಾಗಿದ್ದಾರೆ.

ಇದರಂತೆ ವಾಹನೋದ್ಯಮಕ್ಕೆ ಖುಷಿ ತರುವ ಸುದ್ದಿ ಎಂಬಂತೆ ಕಾರು ಹಾಗೂ ದ್ವಿಚಕ್ರ ವಾಹನಗಳ ದರಗಳಲ್ಲಿ ಇಳಿಕೆ ಕಂಡುಬರಲಿದೆ. ಕೇವಲ ಕಾರು, ಬೈಕ್ ಮಾತ್ರವಲ್ಲ. ಕ್ರೀಡಾ ಬಳಕೆಯ ವಾಹನ (ಎಸ್‌ಯುವಿ) ಹಾಗೂ ವಾಣಿಜ್ಯ ವಾಹನಗಳ ದರಗಳಲ್ಲೂ ಇಳಿಕೆ ಕಂಡುಬರಲಿದೆ.

ಪ್ರಸ್ತುತ ನೀತಿಯು ಸದ್ಯದಲ್ಲೇ ಚಾಲ್ತಿಗೆ ಬರುವ ನಿರೀಕ್ಷೆಯಿದ್ದು, ಕುಸಿದತ್ತ ಮುಖ ಮಾಡಿರುವ ಕಾರು ಮಾರುಕಟ್ಟೆಗೆ ಉತ್ತೇಜನ ತುಂಬುವ ನಿರೀಕ್ಷೆಯಿದೆ.