ದೇಶದ 1 ಲಕ್ಷ ಕಾರುಗಳಿಗೆ ಹೋಂಡಾ ಐ-ಡಿಟೆಕ್ ಎಂಜಿನ್ ಬಲ

ಜಪಾನ್‌ನ ದೈತ್ಯ ವಾಹನ ತಯಾರಕ ಸಂಸ್ಥೆಯಾಗಿರುವ ಹೋಂಡಾ, ಭಾರತದಲ್ಲೂ ಮುಂಚೂಣಿಯ ಆಟೋಮೊಬೈಲ್ ತಯಾರಕರ ಪಟ್ಟಿಯಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದೆ.

ಜನಪ್ರಿಯ ಅಮೇಜ್ ಹಾಗೂ ಸಿಟಿ ಹಾಗೂ ಮೊಬಿಲಿಯೊದಲ್ಲಿ 1.5 ಲೀಟರ್ ಐ-ಡಿಟೆಕ್ (ಐ-ಡಿಟೆಕ್) ಎಂಜಿನ್ ಪರಿಚಯಪಡಿಸಿದ್ದ ಹೋಂಡಾ, ಹೆಚ್ಚಿನ ಮಾರಾಟ ಗಿಟ್ಟಿಸಿಕೊಂಡಿತ್ತು. ಇದೀಗ ಒಂದು ಲಕ್ಷ ಯುನಿಟ್‌ಗಳ ಮಾರಾಟ ಕಂಡುಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

ಹೋಂಡಾ ಇದಕ್ಕೆ 'ಅರ್ಥ್ ಡ್ರೀಮ್ ಟೆಕ್ನಾಲಜಿ' ಎಂದು ಹೆಸರನ್ನಿಟ್ಟಿದೆ. ಇದು ಈ ವಿಭಾಗದ ಅತ್ಯಂತ ಹಗುರ ಎಂಜಿನ್ ಆಗಿದೆ. ಇದು ಪ್ರತಿ ಲೀಟರ್‌ಗೆ 26 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿರಲಿದೆ. ಇದನ್ನು ಪ್ರಮುಖವಾಗಿಯೂ ಭಾರತದಂತಹ ಬೆಳೆದು ಬರುತ್ತಿರುವ ಮಾರುಕಟ್ಟೆಯನ್ನು ಗಮನದಲ್ಲಿಟ್ಟುಕೊಂಡು ಬಿಡುಗಡೆ ಮಾಡಲಾಗಿತ್ತು.