ಮಹೀಂದ್ರ, ಟಾಟಾದಿಂದಲೂ ಬೆಲೆಯೇರಿಕೆ ಸಾಧ್ಯತೆ

ಹೋಂಡಾ ಕಾರ್ಸ್ ಇಂಡಿಯಾ ಬೆನ್ನಲ್ಲೇ ದೇಶದ ಮುಂಚೂಣಿಯ ವಾಹನ ತಯಾರಕ ಸಂಸ್ಥೆಗಳಾದ ಮಹೀಂದ್ರ ಆಂಡ್ ಮಹೀಂದ್ರ ಹಾಗೂ ಟಾಟಾ ಮೋಟಾರ್ಸ್ ಸಂಸ್ಥೆಗಳು ಸಹ ಬೆಲೆಯೇರಿಕೆ ನೀತಿ ಅನುಸರಿಸುವ ಸಾಧ್ಯತೆಯಿದೆ.

ವರದಿಗಳ ಪ್ರಕಾರ ಹೋಂಡಾ ದರ ಏರಿಕೆ ನೀತಿಯು ಎಪ್ರಿಲ್ 1ರಂದು ಜಾರಿಗೆ ಬರಲಿದೆ. ಇದರ ಬೆನ್ನಲ್ಲೇ ಮಹೀಂದ್ರ ಹಾಗೂ ಟಾಟಾ ಸಹ ಇದೇ ಹಾದಿ ಅನುಸರಿಸುವ ಬಗ್ಗೆ ಗಂಭೀರ ಚಿಂತನೆಯಲ್ಲಿ ತೊಡಗಿದೆ ಎಂಬುದು ತಿಳಿದು ಬಂದಿದೆ.

ಇಲ್ಲಿ ಆಸಕ್ತಿದಾಯಕ ವಿಚಾರವೆಂದರೆ ಕಳೆದ ತಿಂಗಳಷ್ಟೇ ಮಧ್ಯಂತರ ಬಜೆಟ್ ಮಂಡಿಸಿರುವ ಬೆನ್ನಲ್ಲೇ ಟಾಟಾ ಹಾಗೂ ಮಹೀಂದ್ರ ಸಂಸ್ಥೆಗಳು ರು. 45,000ರಿಂದ 49,000 ರು.ಗಳ ವರೆಗೆ ದರ ಇಳಿಕೆಗೊಳಿಸಿದ್ದವು.