ಬೆಂಝ್ ಎಸ್ ಕ್ಲಾಸ್ ಡೀಸೆಲ್, ಜಿಎಲ್‌ಎ ಕ್ಲಾಸ್ ಬುಕ್ಕಿಂಗ್ ಆರಂಭ

ಮುಂಬರುವ ಎಸ್ ಕ್ಲಾಸ್ ಡೀಸೆಲ್, ಎಸ್ 350 ಸಿಡಿಐ ಹಾಗೂ ಜಿಎಲ್‌ಎ ಕ್ಲಾಸ್ ಕ್ರಾಸೋವರ್ ಮಾದರಿಗಳ ಬುಕ್ಕಿಂಗ್ ಪ್ರಕ್ರಿಯೆಯನ್ನು ಮರ್ಸಿಡಿಸ್ ಬೆಝ್ ಆರಂಭಿಸಿದೆ.

ಎ ಕ್ಲಾಸ್ ಹ್ಯಾಚ್‌ಬ್ಯಾಕ್ ತಲಹದಿಯ ಜಿಎಲ್‌ಇ ಕ್ಲಾಸ್, ಫ್ರಂಟ್ ವೀಲ್ ಚಾಲನೆಯ ಹ್ಯಾಚ್‌ಬ್ಯಾಕ್ ಕಾರಾಗಿದೆ. ಜಿಎಲ್‌ಎ 220 ಸಿಡಿಐ, 2.0 ಲೀಟರ್ ಡೀಸೆಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದ್ದು, 167 ಅಶ್ವಶಕ್ತಿ ಉತ್ಪಾದಿಸಲಿದೆ. ಇದು ಎ ಕ್ಲಾಸ್ ಹ್ಯಾಚ್‌ಬ್ಯಾಕ್‌ನಲ್ಲಿರುವುದಕ್ಕೆ (107 ಬಿಎಚ್‌ಪಿ) ಸಮಾನವಾಗಿದೆ.

ಮರ್ಸಿಡಿಸ್ ಬೆಂಝ್ ಎಸ್ 500 ಪೆಟ್ರೋಲ್ ಹಾಗೂ ಎಸ್ ಕ್ಲಾಸ್ ಈಗಾಗಲೇ ದೇಶದಲ್ಲಿ ಮಾರಾಟದಲ್ಲಿದೆ. ಮುಂಬರುವ ಎಸ್ 350 ಸಿಡಿಐ, ಈ ಐಷಾರಾಮಿ ಸೆಡಾನ್ ಕಾರಿನ ಬೇಸ್ ವೆರಿಯಂಟ್ ಆಗಿ ಗುರುತಿಸಲ್ಪಡಲಿದೆ. ಇದು ತೆರಿಗೆ ರಹಿತವಾಗಿ 1.25 ಕೋಟಿ ರು.ಗಳಷ್ಟು ದುಬಾರಿಯಾಗುವ ಸಾಧ್ಯತೆಯಿದೆ.

ಜುಲೈ ಆರಂಭದಲ್ಲಿ ಬೆಂಝ್ ಎಸ್ 350 ಸಿಡಿಐ, ವಿತರಣೆ ಪ್ರಕ್ರಿಯೆ ಆರಂಭವಾಗುವ ನಿರೀಕ್ಷೆಯಿದ್ದು, 5 ಲಕ್ಷ ರು. ಪಾವತಿಸಿ ಬುಕ್ಕಿಂಗ್ ಮಾಡಿಸಿಕೊಳ್ಳಬಹುದಾಗಿದೆ.