ಪ್ಯೂಜೊದಿಂದ ಭವಿಷ್ಯದ ಎಸ್‌ಯುವಿ ಕಾನ್ಸೆಪ್ಟ್ ಪ್ರದರ್ಶನ

ಫ್ರಾನ್ಸ್‌ನ ದೈತ್ಯ ಹಾಗೂ ಅತಿ ಜನಪ್ರಿಯ ವಾಹನ ಬ್ರಾಂಡ್‌ಗಳಲ್ಲಿ ಒಂದಾಗಿರು ಪ್ಯೂಜೊ ನಿರಂತರವಾಗಿ ವಾಹನ ಜಗತ್ತಿಗೆ ತನ್ನ ಕೊಡುಗೆ ನೀಡುತ್ತಲೇ ಬಂದಿದೆ. ಇದೀಗ ಈ ಐಕಾನಿಕ್ ಸಂಸ್ಥೆಯು ಭವಿಷ್ಯದ ಎಸ್‌ಯುವಿ ಪರಿಕಲ್ಪನೆಯೊಂದಿಗೆ ಮುಂದೆ ಬಂದಿದೆ.

2014 ಪ್ಯಾರಿಸ್ ಮೋಟಾರು ಶೋದಲ್ಲಿ ಅಧಿಕೃತವಾಗಿ ತನ್ನ ಹೊಸ ಎಸ್‌ಯುವಿ ಕಾನ್ಸೆಪ್ಟ್ ಪ್ರದರ್ಶಿಸಲಿರುವ ಪ್ಯೂಜೊ ಇದಕ್ಕೆ ಕ್ವಾರ್ಟ್ಜ್ ಎಂಬ ಕೋಡ್ ಹೆಸರು ನೀಡಿದೆ.

ಒಟ್ಟಿನಲ್ಲಿ ಹೈ ಎಂಡ್ ಕಾರುಗಳ ಸಾಲಿನಲ್ಲಿ ಪ್ಯೂಜೊ ಹೊಸ ಮೈಲುಗಲ್ಲು ಸ್ಥಾಪಿಸುವ ಸ್ಪಷ್ಟ ಇರಾದೆ ಹೊಂದಿದೆ. ಹಾಗೆಯೇ ಇದಕ್ಕಾಗಿ 1.6 ಲೀಟರ್ ಟಿಎಚ್‌ಪಿ 270 ಎಂಜಿನ್ ಅಭಿವೃದ್ಧಿಪಡಿಸುವ ಯೋಜನೆ ಹೊಂದಿದೆ. ಇದರ ನಾಲ್ಕು ಸಿಲಿಂಡರ್ ಎಂಜಿನ್ 170 ಅಶ್ವಶಕ್ತಿ ಹಾಗೂ 330 ಎನ್‌ಎಂ ಟಾರ್ಕ್ ಉತ್ಪಾದಿಸಲಿದೆ.