ಜಿನೆವಾದಲ್ಲಿ ಸ್ಕೋಡಾ ವಿಷನ್ ಸಿ ಕಾನ್ಸೆಪ್ಟ್

ಪ್ರತಿಷ್ಠಿತ ಜಿನೆವಾ ಮೋಟಾರು ಶೋ ಆರಂಭಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಇದರಂತೆ ಈ ಪ್ರಖ್ಯಾತ ಮೋಟಾರು ಶೋದಲ್ಲಿ ತನ್ನ ನೂತನ ವಿಷನ್ ಸಿ ಕಾನ್ಸೆಪ್ಟ್ ಪ್ರದರ್ಶಿಸುತ್ತಿರುವುದಾಗಿ ಸ್ಕೋಡಾ ವಾಹನ ತಯಾರಕ ಸಂಸ್ಥೆ ಪ್ರಕಟಿಸಿದೆ.

ಇದರಂತೆ ಈ ಚೆಕ್ ಗಣರಾಜ್ಯ ರಾಷ್ಟ್ರವು ಐದು ಬಾಗಿಲುಗಳ ಕೂಪೆ ವಿನ್ಯಾಸದ ಟೀಸರ್ ಚಿತ್ರವನ್ನು ಬಿಡುಗಡೆಗೊಳಿಸಿದೆ. ಸ್ಪೋರ್ಟಿ ಡಿಸೈನ್ ತತ್ವಶಾಸ್ತ್ರದಲ್ಲಿ ನೂತನ ಕಾರಿನ ವಿನ್ಯಾಸ ರೂಪಿಸಲಾಗಿದೆ.

ಇನ್ನು ವಿಷನ್ ಸಿ ಕಾನ್ಸೆಪ್ಟ್ ಕಾರು ಸಿಎನ್‌ಜಿ-ಪೆಟ್ರೋಲ್ ಟರ್ಬೊ 1.4 ಟಿಎಸ್‌ಐ ಎಂಜಿನ್ ಹೊಂದಿರುವ ಸಾಧ್ಯತೆಯಿದೆ. ಇದು ಹೆಚ್ಚು ಪರಿಸರ ಸ್ನೇಹಿಯಾಗಿರಲಿದೆ.