ಭಾರತಕ್ಕೆ ರಿ ಎಂಟ್ರಿ ಕೊಟ್ಟ ಐಕಾನಿಕ್ ಫೆರಾರಿ

By Nagaraja

Updated: Wednesday, December 2, 2015, 11:05 [IST]

ಬಹುತೇಕ ಎರಡು ವರ್ಷಗಳ ಬಳಿಕ ಫೆರಾರಿ ಶೋ ರೂಂ ಭಾರತಕ್ಕೆ ರಿ ಎಂಟ್ರಿ ಕೊಟ್ಟಿದೆ. ಇಟಲಿಯ ಈ ಐಕಾನಿಕ್ ಕಾರಿನ ನೂತನ ಶೋ ರೂಂ ಮುಂಬೈನಲ್ಲಿ ತೆರೆದುಕೊಂಡಿದೆ. ಇದರೊಂದಿಗೆ ಮುಂಬೈನಲ್ಲಿ ಸ್ಥಿತಗೊಂಡಿರುವ ಫೆರಾರಿಯ ನವನೀತ್ ಮೋಟಾರ್ಸ್ ಶೋ ರೂಂನಿಂದ ತಮ್ಮ ಕನಸಿನ ಕಾರನ್ನು ಪಡೆಯುವ ಅದೃಷ್ಟವನ್ನು ಗ್ರಾಹಕರು ಪಡೆಯಲಿದೆ. ನೂತನ ಫೆರಾರಿ ಶೋ ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್ ನಲ್ಲಿ ಸ್ಥಿತಗೊಂಡಿದೆ.

Also Read: ಒಂದಲ್ಲ, ಎರಡಲ್ಲ ಬರೋಬ್ಬರಿ 40 ಹಳದಿ ಫೆರಾರಿ ಕಾರುಗಳು

ಈಗ ತೆರೆದುಕೊಂಡಿರುವ ನೂತನ ಶೋ ರೂಂ ಪಶ್ಚಿಮ ಹಾಗೂ ದಕ್ಷಿಣ ಭಾರತದಿಂದ ದೊರಕುವ ಗ್ರಾಹಕರ ಬೇಡಿಕೆಗಳನ್ನು ಈಡೇರಿಸಲಿದೆ. ಇದು ವಾಣಿಜ್ಯ ನಗರಿ ಮುಂಬೈನಲ್ಲಿ ಸ್ಥಿತಗೊಂಡಿರುವುದರಿಂದ ಗರಿಷ್ಠ ಸಂಖ್ಯೆಯ ಉದ್ಯಮಿಗಳ ನೆಚ್ಚಿನ ಕಾರೆನಿಸಿಕೊಳ್ಳುವ ನಿರೀಕ್ಷೆಯಲ್ಲಿದೆ.

ಭಾರತಕ್ಕೆ ರಿ ಎಂಟ್ರಿ ಕೊಟ್ಟ ಐಕಾನಿಕ್ ಫೆರಾರಿ

ಭಾರತದಲ್ಲಿ ಫೆರಾರಿಗೆ ಅಸಂಖ್ಯಾತ ಸಂಖ್ಯೆಯ ಅಭಿಮಾನಿಗಳಿದ್ದು, ಖ್ಯಾತ ಉದ್ಯಮಿಗಳಾದ ರತನ್ ಟಾಟಾ ಹಾಗೂ ಗೌತಮ್ ಸಿಂಘಾನಿಯಾ ಅವರ ಬಳಿಕ ಈ ಐಕಾನಿಕ್ ಕಾರಿದೆ. ಈ ಹಿಂದೆ 2011ರಲ್ಲಿ ತಮ್ಮ ಫೆರಾರಿ ಕಾರನ್ನು ಸಚಿನ್ ತೆಂಡೂಲ್ಕರ್ ಮಾರಾಟ ಮಾಡಿರುವುದನ್ನು ನೀವಿಲ್ಲಿ ನೆನಪಿಸಿಕೊಳ್ಳಬಹುದಾಗಿದೆ.

ಅಂಕಿಗಳ ಪ್ರಕಾರ ದೇಶದಲ್ಲಿ 50ರಿಂದ 60 ಫೆರಾರಿ ಕಾರುಗಳಿವೆ. ಈ ಸಂಖ್ಯೆಯಲ್ಲಿ ವೃದ್ಧಿಯಾಗುತ್ತಿದ್ದು, ಹೆಚ್ಚಿನ ಬೇಡಿಕೆ ಕಂಡುಬಂದಿದೆ. ಫೆರಾರಿ ಕಾರುಗಳನ್ನು ನೇರವಾಗಿ ಆಮದು ಮಾಡಿಕೊಳ್ಳುತ್ತಿರುವುದೇ ಇದಕ್ಕೆ ಉದಾಹರಣೆಯಾಗಿದೆ.

ಕಳೆದ ಆಗಸ್ಟ್ ತಿಂಗಳಲ್ಲಿ ಫೆರಾರಿ ಕ್ಯಾಲಿಫೋರ್ನಿಯಾ ಟಿ ಬಿಡುಗಡೆಯಾದ ಬಳಿಕ ಎಂಟು ಇಂತಹ ಮಾದರಿಗಳಿಗೆ ಭಾರತದಲ್ಲಿ ಆರ್ಡರ್ ಲಭಿಸಿದ್ದವು. ಸದ್ಯ ಐದು ಮಾದರಿಗಳು ದೇಶದಲ್ಲಿ ಮಾರಾಟದಲ್ಲಿವೆ.

2011ರಲ್ಲಿ ಮೊದಲ ಬಾರಿಗೆ ಮುಂಬೈ ಹಾಗೂ ದೆಹಲಿ ಶೋ ರೂಂ ಆರಂಭಿಸಿದ್ದ ಫೆರಾರಿ ಭಾರತಕ್ಕೆ ಎಂಟ್ರಿ ಕೊಟ್ಟಿತ್ತು. ಈಗ ಫರಾರಿ ಗ್ರಾಹಕರು ಎಕ್ಸ್ ಜೇಂಜ್ ಆಫರ್ ಮೂಲಕವೂ ತಮ್ಮ ಕಾರನ್ನು ಬದಲಾಯಿಸಿಕೊಳ್ಳಬಹುದಾಗಿದೆ.