ದೇಶದ ಚೊಚ್ಚಲ ಕ್ರೀಡಾ ಕಾರಿನ ಬಗ್ಗೆ ನಿಮಗೆ ಗೊತ್ತಿರದ 10 ಸತ್ಯಗಳು!

By Nagaraja

Published: Saturday, April 4, 2015, 17:06 [IST]

ಭಾರತದ ಚೊಚ್ಚಲ ಕ್ರೀಡಾ ಕಾರು ಡಿಸಿ ಅವಂತಿ ದೇಶದ ರಸ್ತೆಗಿಳಿಯಲು ಸಜ್ಜಾಗಿ ನಿಂತಿದೆ. ವರದಿಗಳ ಪ್ರಕಾರ ಪ್ರಸಕ್ತ ತಿಂಗಳಿನಲ್ಲೇ ಡಿಸಿ ಅವಂತಿ ಭಾರತದಲ್ಲಿ ಭರ್ಜರಿ ಬಿಡುಗಡೆ ಕಾಣಲಿದೆ.

ಈ ಹಿಂದೆ 2014 ಆಟೋ ಎಕ್ಸ್ ಪೋದಲ್ಲಿ ಭರ್ಜರಿ ಅನಾವರಣ ಕಂಡಿದ್ದ ಡಿಸಿ ಡಿಸೈನ್ ಬಗ್ಗೆ ನಿಮಗೆ ಗೊತ್ತಿರದ 10 ಸತ್ಯಗಳನ್ನು ನಾವಿಲ್ಲಿ ಬಹಿರಂಗ ಪಡಿಸಲು ಇಚ್ಛಸುತ್ತಿದ್ದೇವೆ. ಇದಕ್ಕಾಗಿ ಫೋಟೊ ಸ್ಲೈಡ್ ನತ್ತ ಮುಂದುವರಿಯಿರಿ.

10. ದಿಲೀಪ್ ಛಾಬ್ರಿಯಾ - ಡಿಸಿ ಡಿಸೈನ್

ನಿಮ್ಮಗೆಲ್ಲರಿಗೂ ತಿಳಿದಿರುವಂತೆಯೇ ಡಿಸಿ ಡಿಸೈನ್ ರೂವಾರಿ ದಿಲೀಪ್ ಛಾಬ್ರಿಯಾ ನೇತೃತ್ವದಲ್ಲಿ ದೇಶದ ಚೊಚ್ಚಲ ಸೂಪರ್ ಕಾರು ಡಿಸಿ ಅವಂತಿ ರಸ್ತೆಗಿಳಿಯಲು ಕ್ಷಣಗಣನೆ ಆರಂಭವಾಗಿದೆ. ಇದು ಪೂರ್ಣವಾಗಿಯೂ ಸ್ವದೇಶಿ ನಿರ್ಮಿತ ಕಾರು ಎಂದೆನಿಸಿಕೊಳ್ಳಲಿದೆ.

09. ಬೆಲೆ

ದೇಶದ ಮೊದಲ ಕ್ರೀಡಾ ಕಾರಿನ ಅಂದಾಜು ಬೆಲೆ 30ರಿಂದ 40 ಲಕ್ಷ ರು.ಗಳ ಅಸುಪಾಸಿನಲ್ಲಿರಲಿದೆ. ವಿದೇಶಿ ಸ್ಪೋರ್ಟ್ಸ್ ಕಾರುಗಳಿಗೆ ಹೋಲಿಸಿದಾಗ ಡಿಸಿ ಅವಂತಿ ತುಂಬಾನೇ ಅಗ್ಗದ ದರಗಳಲ್ಲಿ ಗ್ರಾಹಕರನ್ನು ತಲುಪಲಿದೆ.

08. ಎಂಜಿನ್

ಆರಂಭದಲ್ಲಿ ಫೋರ್ಡ್ ಇಕೊಬೂಸ್ಟ್ ಎಂಜಿನ್ ಆಳವಡಿಸುವ ಯೋಜನೆ ಇದ್ದರೂ ವೆಚ್ಚ ಕಡಿಮೆ ಮಾಡುವ ನಿಟ್ಟಿನಲ್ಲಿ ರೆನೊದಿಂದ ಆಮದು ಮಾಡಲಾದ 2.0 ಲೀಟರ್ ಫೋರ್ ಸಿಲಿಂಡರ್ ಟರ್ಬೊ ಚಾರ್ಜ್ಡ್ ಪೆಟ್ರೋಲ್ ಎಂಜಿನ್ ಜೋಡಣೆ ಮಾಡಲಾಗಿದೆ. ಇದು 340 ತಿರುಗುಬಲದಲ್ಲಿ 250 ಅಶ್ವಶಕ್ತಿ ಉತ್ಪಾದಿಸಲಿದೆ. ಹಾಗೆಯೇ ಭವಿಷ್ಯದಲ್ಲಿ ಹೋಂಡಾದ ಹೆಚ್ಚು ಶಕ್ತಿಶಾಲಿ ವಿ6 ಎಂಜಿನ್ (394 ಅಶ್ವಶಕ್ತಿ) ಆಮದು ಮಾಡುವ ಯೋಜನಯಿದೆ. ಇನ್ನು ಆರು ಸ್ಪಿಡ್ ಡ್ಯುಯಲ್ ಕ್ಲಚ್ ಗೇರ್ ಬಾಕ್ಸ್ ಇದರಲ್ಲಿರಲಿದೆ.

07. ಗರಿಷ್ಠ ವೇಗ

ಸಂಸ್ಥೆಯೇ ತಿಳಿಸುವಂತೆಯೇ ಹೆಸರಿಗೆ ತಕ್ಕಂತೆ ಡಿಸಿ ಅವಂತಿ 6 ಸಕೆಂಡುಗಳಲ್ಲೇ ಗಂಟೆಗೆ 0-100 ಕೀ.ಮೀ. ವೇಗವರ್ಧಿಸುವ ಸಾಮರ್ಥ್ಯ ಹೊಂದಿರಲಿದೆ.

06. 125 ಕೋಟಿ ಹೂಡಿಕೆ

ಡಿಸಿ ಅವಂತಿ ಯೋಜನೆಗಾಗಿ ಬರೋಬ್ಬರಿ 125 ಕೋಟಿ ರು.ಗಳನ್ನು ಹೂಡಿಕೆ ಮಾಡಿರುವ ದಿಲೀಪ್, ಪುಣೆಯ ಘಟಕದಲ್ಲಿ ನಿರ್ಮಾಣ ಆರಂಭಿಸಿದ್ದಾರೆ. ಅಲ್ಲದೆ "ಈ ಮಹತ್ತರ ಯೋಜನೆಗಾಗಿ ಎಲ್ಲ ರೀತಿಯ ಅಪಾಯವನ್ನು ಆಹ್ವಾನಿಸಿಕೊಂಡಿದ್ದೇನೆ" ಎಂದಿದ್ದಾರೆ.